Tuesday , May 21 2019
Home / Sosial & Politika / PR Veta OJE 2019, Lú Olo: OJE La Hatuir Regras & Prinsipiu KRDTL no Lei Sira
Prezidente da Republika, Dr. Francisco Guterres Lú Olo halo entrevista ho jornalista sira iha palacio prezidensia. [Foto: Media PR | 20.06.2018]

PR Veta OJE 2019, Lú Olo: OJE La Hatuir Regras & Prinsipiu KRDTL no Lei Sira

“Dezekilíbriu orsamentál aas tebes. Alokasaun orsamental sira ladún fó benefísiu ba sidadaun sira”. Lú Olo “Dezekilíbriu orsamentál aas tebes. Alokasaun orsamental sira ladún fó benefísiu ba sidadaun sira”. Lú Olo

Presidente da Republika, Dr. Francisco Guterres Lú Olo deklara oficial ba publiku katak ho kbiit Konstituisaun Repúblika nian, Prezidente Repúblika hala’o ninia direitu veta Dekretu Parlamentu Nasional nº 4/V – Orsamentu Jeral Estadu 2019, no liu hosi mensajen fundamentada, husu ba Parlamentu Nasionál atu tetu fila fali Dekretu ne’e ho hanoin katak ita tenke uza ho di’ak rekursu finanseiru sira ne’ebé pertense ba Estadu no Povu Timor-Leste.

“Bainhira uza rekursu sira ne’e liu hosi dalan justu, ekilibradu, sustentável no efisiente liután mak ita bele satisfás nesesidades loro-loron povu nian no fó dalan ba kreximentu no dezenvolvimentu nasionál, no garante sustentabilidade ba ita nia economia, hodi fó moris di’ak ba ita nia oan no bei-oan sira iha futuru”, deklara Prezidente da Republika, ne’ebe reprezenta hosi Xefe Casa Civil Dr. Francisco Maria de Vasconcelos 23/01.

Haree ba kbiit sira ne’ebé Konstituisaun Repúblika fó, liu hosi alínea a) artigu 85º no númeru 1, artigu 88º, Prezidente Repúblika deside veta Dekretu nº 4/V hosi Parlamento Nacional – OJE 2019, liu hosi nensájen fundamentada ba Parlamentu Nasionál, iha 23 Janeiru 2019.

Prezidente Repúblika haklaken kona-ba ninia desizaun veta ho kbiit hosi Konstituisaun Repúblika, liuhosi artigu 88, númeru 1.

Liu hosi deklarasaun imprensa Xefe Casa Civil hateten katak Prezidente da Repúblika veta tanba Orsamentu Jeral Estadu [OJE] 2019 hamenus liutan sustentabilidade. OJE ho valor bilaun rua no atus ida tolu nulu resin rua mosu iha ita-nia istória polítika fiskál nu’udar orsamentu aas liu.

“Valór aas tebes ne’e signifika defísit orsamentál mós aas tebes katak estadu tenke foti osan tan atu kompleta Orsamentu ne’e. Tanba la iha fonte seluk atu hatama osan ba Orsamentu ne’e, Estadu tenke foti hodi biit osan liután hosi Fundu Minarai. Ba OGE 2019, Dekretu Parlamentu Nasionál husu atu foti tan 249%, liu dook Rendimentu Sustentável Estimadu Fundu Minarai nian. Tuir lolos hasai de’it dólar amerikanu millaun atus lima rua nulu resin sira, ka pursentu tolu, hosi Fundu Minarai, ne’ebé hanesan sasukat ka kalkula tinan-tinan”, deklara Xefe Casa Civil

Prezidente Lú Olo mos deklara katak OJE 2019 la hatuir Konstituisaun no lei estruturante sira. Haree ba politika ekonómika no financeira, OJE 2019, la hatuir regras no prinsípius Konstituuisaun RDTL no lei sira ne’ebé fó dalan ba dezenvolvimentu, hanesan rezerva finanseira obrigatória, unidade orsamentál no investimentu ne’ebé justifika hetan tranferénsia direta hosi Fundu Minarai.

Proposta OJE 2019 mós la hatuir Programa Governu ne’ebé aprova hosi Parlamentu Nasional kona-ba diversifikasaun ekonómika no harii empregu no tau prioridade atu investe iha kapitál sosiál, ita-nia ema nu’udar rekursu boot liu, no dezenvolvimentu ekonómiku.

Prezidente da Republika mos hateten katak dezekilíbriu orsamentál aas tebes. Alokasaun orsamental sira ladún fó benefísiu ba sidadaun sira. Osan boot liu katak 32% ka tersu ida [1/3] hosi OJE aloka ba sosa patrimóniu hosi kompañia estranjeira mina nian. 10% mak fahe ba edukasaun no formasaun profisionál, saúde, agrikultura no turismu. Hosi 10% ne’e, 1% tau ba agrikultura, maisounenus 6% ba sektor edukasaun no 3% ba sektor saúde no 0.54% tau ba turismu. Valor kiik ne’e labele satisfáz nesesidades iha área servisus sosiais no la fó dalan ba kreximentu ekonómiku iha área sira ne’e.

“La iha polítika alternativa. OJE 2019 la hatudu polítika alternativa finansiamentu ne’ebé bele konvense katak, biar la’ós sustentável, ita bele lao ba oin, no iha prazu badak no médiu, ita bele hala’o dezenvolvimentu sustentável no estadu sei la tama iha falénsia finanseira ka fiskal cliff no mosu fenómenu ne’ebé baibain ema bolu “maldisaun rekursus nian”, tuir esplikasaun hosi deklarasaun imprensa ne’ebe hatoo ba jornalista sira.

Iha loron 24 Dezembru 2018, Prezidénsia Repúblika simu hosi Parlamentu Nasional, Dekretu Parlamentu Nasional nº 4/V – Orsamentu Jeral Estadu 2019, liu hosi ofísiu hosi Prezidente Parlamentu Nasional, ho referénsia 201/GPPN/XI/2018.

Liu hosi deklarasaun Imprensa, Prezidente Lú Olo esplika katak tinan ida ne’e, Parlamentu Nasionál aprova Orsamentu Jeral Estadu ida ne’ebé boot liu Orsamentu hotu ita iha to’o ohin loron. Osan atu gasta iha 2019 hamutuk dólar amerikanu billaun rua no atus ida tolu nulu resin rua (2. 132 millaun). OJE 2019 liu OJE 2017 [53,7%] no liu OJE 2018 [66,9%]

Presidente da Republika, Dr. Francisco Guterres Lú Olo deklara oficial ba publiku katak ho kbiit Konstituisaun Repúblika nian, Prezidente Repúblika hala’o ninia direitu veta Dekretu Parlamentu Nasional nº 4/V – Orsamentu Jeral Estadu 2019, no liu hosi mensajen fundamentada, husu ba Parlamentu Nasionál atu tetu fila fali Dekretu ne’e ho hanoin katak ita tenke uza ho di’ak rekursu finanseiru sira ne’ebé pertense ba Estadu no Povu Timor-Leste.

“Bainhira uza rekursu sira ne’e liu hosi dalan justu, ekilibradu, sustentável no efisiente liután mak ita bele satisfás nesesidades loro-loron povu nian no fó dalan ba kreximentu no dezenvolvimentu nasionál, no garante sustentabilidade ba ita nia economia, hodi fó moris di’ak ba ita nia oan no bei-oan sira iha futuru”, deklara Prezidente da Republika, ne’ebe reprezenta hosi Xefe Casa Civil Dr. Francisco Maria de Vasconcelos 23/01.

Haree ba kbiit sira ne’ebé Konstituisaun Repúblika fó, liu hosi alínea a) artigu 85º no númeru 1, artigu 88º, Prezidente Repúblika deside veta Dekretu nº 4/V hosi Parlamento Nacional – OJE 2019, liu hosi nensájen fundamentada ba Parlamentu Nasionál, iha 23 Janeiru 2019.

Prezidente Repúblika haklaken kona-ba ninia desizaun veta ho kbiit hosi Konstituisaun Repúblika, liuhosi artigu 88, númeru 1.

Liu hosi deklarasaun imprensa Xefe Casa Civil hateten katak Prezidente da Repúblika veta tanba Orsamentu Jeral Estadu [OJE] 2019 hamenus liutan sustentabilidade. OJE ho valor bilaun rua no atus ida tolu nulu resin rua mosu iha ita-nia istória polítika fiskál nu’udar orsamentu aas liu.

“Valór aas tebes ne’e signifika defísit orsamentál mós aas tebes katak estadu tenke foti osan tan atu kompleta Orsamentu ne’e. Tanba la iha fonte seluk atu hatama osan ba Orsamentu ne’e, Estadu tenke foti hodi biit osan liután hosi Fundu Minarai. Ba OGE 2019, Dekretu Parlamentu Nasionál husu atu foti tan 249%, liu dook Rendimentu Sustentável Estimadu Fundu Minarai nian. Tuir lolos hasai de’it dólar amerikanu millaun atus lima rua nulu resin sira, ka pursentu tolu, hosi Fundu Minarai, ne’ebé hanesan sasukat ka kalkula tinan-tinan”, deklara Xefe Casa Sivil

Prezidente Lú Olo mos deklara katak OJE 2019 la hatuir Konstituisaun no lei estruturante sira. Haree ba politika ekonómika no financeira, OJE 2019, la hatuir regras no prinsípius Konstituuisaun RDTL no lei sira ne’ebé fó dalan ba dezenvolvimentu, hanesan rezerva finanseira obrigatória, unidade orsamentál no investimentu ne’ebé justifika hetan tranferénsia direta hosi Fundu Minarai.

Proposta OJE 2019 mós la hatuir Programa Governu ne’ebé aprova hosi Parlamentu Nasional kona-ba diversifikasaun ekonómika no harii empregu no tau prioridade atu investe iha kapitál sosiál, ita-nia ema nu’udar rekursu boot liu, no dezenvolvimentu ekonómiku.

Prezidente da Republika mos hateten katak dezekilíbriu orsamentál aas tebes. Alokasaun orsamental sira ladún fó benefísiu ba sidadaun sira. Osan boot liu katak 32% ka tersu ida [1/3] hosi OJE aloka ba sosa patrimóniu hosi kompañia estranjeira mina nian. 10% mak fahe ba edukasaun no formasaun profisionál, saúde, agrikultura no turismu. Hosi 10% ne’e, 1% tau ba agrikultura, maisounenus 6% ba sektor edukasaun no 3% ba sektor saúde no 0.54% tau ba turismu. Valor kiik ne’e labele satisfáz nesesidades iha área servisus sosiais no la fó dalan ba kreximentu ekonómiku iha área sira ne’e.

“La iha polítika alternativa. OJE 2019 la hatudu polítika alternativa finansiamentu ne’ebé bele konvense katak, biar la’ós sustentável, ita bele lao ba oin, no iha prazu badak no médiu, ita bele hala’o dezenvolvimentu sustentável no estadu sei la tama iha falénsia finanseira ka fiskal cliff no mosu fenómenu ne’ebé baibain ema bolu “maldisaun rekursus nian”, tuir esplikasaun hosi deklarasaun imprensa ne’ebe hatoo ba jornalista sira.

Iha loron 24 Dezembru 2018, Prezidénsia Repúblika simu hosi Parlamentu Nasional, Dekretu Parlamentu Nasional nº 4/V – Orsamentu Jeral Estadu 2019, liu hosi ofísiu hosi Prezidente Parlamentu Nasional, ho referénsia 201/GPPN/XI/2018.

Liu hosi deklarasaun Imprensa, Prezidente Lú Olo esplika katak tinan ida ne’e, Parlamentu Nasionál aprova Orsamentu Jeral Estadu ida ne’ebé boot liu Orsamentu hotu ita iha to’o ohin loron. Osan atu gasta iha 2019 hamutuk dólar amerikanu billaun rua no atus ida tolu nulu resin rua (2. 132 millaun). OJE 2019 liu OJE 2017 [53,7%] no liu OJE 2018 [66,9%]. * [Zevonia Vieira | TAFARA.TL | 23.01.2019]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Governu Japaun Inagura Renovasaun Eskola Hospitalidade no Turismo, Minami: TL Presija Rekursu Umanu Kualifikadu Iha Area Turismo

“Atu bele atrai turista internasional, Timor-Leste presija investe maka’as liu iha setor infrastrutura, atu bele …

Leave a Reply

Your email address will not be published. Required fields are marked *