Monday , June 17 2019
Home / Sosial & Politika / Premeiru Minsitru Mari Sei Bolu Lia Nain Hotu, Hodi Dada Fali Juramentu 2006
Dr. Mari Alkatiri, Primeiru Ministro RDTL, VII Governo Constitucional. [Foto: Zevonia Vieira | TAFARA.TL | 18.09.2017].

Premeiru Minsitru Mari Sei Bolu Lia Nain Hotu, Hodi Dada Fali Juramentu 2006

“Hau Sei bolu lian nain hosi municipio tomak, inklui Rejiaun Administrativa Espesial, atu bele mai iha Dili, hodi loke dalan no husu hodi bele dada fali juramentu ne’ebe hau halo iha 2006”. Alkatiri

Premeiru Ministru e Minstro do Desenvolvimento e de Reforma Institucional Dr. Mari Alkatiri, halao enkontru ba dala uluk ho Gabinete Premeiru Ministru no instituisaun governu, hodi esplika kona ba programa sira ne’ebe durante halao ona iha VI Governu Konstituisional.

Iha intervista ho TAFARA.TL bainhira remata enkontru ho eiz Premeiru Ministru VI Governu Konstituisaun, Dr. Rui Maria Araujo no ekipa tomak, hateten katak, durante ne’e Governu V no VI governu halao ona servisu lubuk ida, no iha VII Governu Konstituisional sei halo servisu ho visaun atu hadia.

“Hau sei buka atu estuda didiak konkluzaun hosi VI governu nian, atu nune’e bele lao ba oin. Maibe semana ida ne’e hau nia preokupasaun atu forma governu ne’e tomak, para ita nia Prezidente da Republika fo posse ba membru governu faze tuir mai, semana ne’e ami sei kompleta membru governu. Depois ida ne’e mak komesa hahu programa governu nian, atu lori ba parlamentu ho ratifikativu orsamentu da tranzisaun”, eslpika Mari Alkatir.

Kontinua hatan ba perguntas hosi TAFARA.TL liga ho servisu Komunikasun social ka media nian, karik sei iha Ministeriu ne’ebe sei foka ba Komunikasaun Sosial? Premeiru Ministru hateten katak, servisu komunikasaun social, sei akumula hosi Sekretaria de Estadu do Konselho Ministru, “ema ida deit mak halao funsaun ne’e, laiha razaun atu iha ema nain rua”.

Nu’udar Prezidente ZEESM, ne’ebe durante ne’e implementa ona projetu ZEESM iha Rejiaun Administrativa Oecusse, Mari Alkatiri sei subtitui Sekretariu Rejional, Arsenio Bano hodi halao programa ZEESM hanesan temporariu, hodi hein no adapta fali estatutu ZEESM ho RAEOA nian.

Ba jornalista sira Mari esplika katak ZEESM hanesan programa ne’ebe liga ho asumtu ekonomiku, laos deit implementa iha Oecusse, maibe sei implementa iha Atauro no mos bele iha fatin hotu-hotu.

“Sei iha estatutu ZEESM nian rasik, entaun ita bele hare ona, rejiaun administrative ne’e buat ida ketak no ZEESM ne’e buat seluk”,hateten Alkatiri.

Mari Alkatiri mos informa ba jornalista sira katak sei halo servisu semana ida nia laran, iha Palacio Nobre Lahane, no sei bolu lian nain hosi municipio tomak, inklui Rejiaun Administrativa Espesial, atu bele mai iha Dili, hodi loke dalan no husu hodi bele dadal fila fali juramentu Mari Alkatiri nian ne’ebe konsege halo iha tempu rejiknasaun, iha tinan 2006. *[Zevonia Vieira | TAFARA.TL | 18.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *