Wednesday , June 19 2019
Home / Sosial & Politika / Prezidente CI: Agusto to Dezembru Fulan Memorial ‘Berkabung’ Ba Mundu Jurnalismu
Konferensia imprensa CI ninian konaba lalaok media Timor-Leste [Foto: www.conselhoimprensa.tl].

Prezidente CI: Agusto to Dezembru Fulan Memorial ‘Berkabung’ Ba Mundu Jurnalismu

Prezidente Conselho Imprensa, Virgilio Guterres  hatoo ba jornalista sira, liu hosi konferensia imprensa loron 22/09 katak fulan Agustu to Dezembru nudar fulan Memorial (Berkabung. Red), tanba iha maluk iha jornalista sira barak hosi rai laran no rai liur ne’ebe mak sakrifika sira nia an hodi fahe informasaun kona ba situasaun Timor ne’ebe moris iha perigozu nia laran ba rai liur.

“CI husu ba jornalisa sira ne’ebe hadomi mundu jurnalismu, hanoin kolega jornalista sira  ne’ebe sakrifika sira nia an hosi sira nia profesaun, hodi fo nutisia ida ne’ebe diak, mai to Timor hodi halo esforsu fahe informasaun ba rai liur”, Hatete Virgilio Guterres.

Hahu hosi fulan Agustu to Dezembru ne’e loron importante ba jornalista sira, tanba hosi Agustu to Dezembru ne’e ita komemora deit loron mate ba maluk jornalista sira ne’ebe mate.

Prezidente CI fo hanoin ba jornalista sira katak, hosi Agustu to Outubro ne’e ita hotu hanoin jornalista sira. Oinsa mak hanoin no valoriza ba sira nia servisu,  “ita kontinua halao servisu hanesan sira hatudu, hatudu kualidade iha ita nia servisu, hatudu komitmentu, dedikasaun ba servisu sira hodi buka lia los. Fulan Agusto to Dezembru fulan berkabung, fulan memorial ba mundu jurnalismu no jornalista sira nia, tanba ho jornalista sira nia servisu iha Timor iha tempu ne’ebe , servisu makas no sakrifika an hodi fahe informasuan ba rai liur. Jornalista sira atu labele haluha momentu sira ne’e”.

Iha 26 Agustu 1999 jornalista Bernadino Guterres, ne’ebe hetan tiru hosi Brimob Indonesia, iha Kuluhun, 21 Septembru 1999 jornalista hosi Holanda Sander Robert Thoenes ne’ebe hetan oho hosi tentara Indonesia kompi 744 iha Becora, 25 Septemberu 1999 loron mate jornalista Agus Mulyawan ne’ebe mate hamutuk ho madre sira iha Lautem, iha Outubro komemora jornalista nain lima hosi Australia no Nova Zelandia, ne’ebe konyesidu ho naran Balibo Five, hetan tiru hosi tropas Indonesia iha Balibo,  iha Dezembru jornalista revolusionariu Borjas da Costa, no Jornalista Australia Roger East jornalista ne’ebe hetan tiru hosi military Indonesia iha ponte kais tinan 1975.* [Zevonia Vieira | TAFARA.TL | 22.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *