Wednesday , January 17 2018
Home / Eleisaun Parlamentar / Prezidente CI: RTTL Ladun Halo Servisu Ho Responsive ba Publiku Liga ho ELPAR
prezidente CI virgilio Guterres no membru konsellor CI halo konferensia imprensa hodi publika rezultadu monitorizaun no analize kobertura media ba elpar.[Foto: Zevonia Vieira | TAFARA.TL | 08.08.2017].

Prezidente CI: RTTL Ladun Halo Servisu Ho Responsive ba Publiku Liga ho ELPAR

“Ami fo sai fo nutisia iha telejornal kalan mai hosi partidu 5 hanesan Fretilin, CNRT, PD, PLP no Khunto. Ami mos iha sala redasaun  ne’ebe liga ho asumtu forma governasaun” Bela Cortereal.

Relasiona ho atividade jornalistika kanal media nian iha periodu eleisaun parlamentar, Conselho Imprensa ne’ebe mak halo monitorizasaun ba kobertura media sira durante kampanna partidu politiku to prosesu apuramentu, liu hosi konferensia imprensa, Prezidente CI, Virgillio da Silva Guterres ba jornalista hateten Conselho Imprensa espresa nia lamentasaun ba radio Televisaun Timor-Leste (RTTL) tanba la hakunu publiku nia direitu atu hatene (Public’s Right to Know, red) hodi transmite direta rezultadu apuramentu nasional elisaun parlamentar nian.

“RTTL la dun halo servisu ho responsive ba publiku atu publika informasaun liga ho elisaun parlamentar.  Publiku tomak, liu-liu votante sira hein hela transmisaun direta hosi RTTL nudar media Estadu nian kona ba apuramentu nasional bainhira lao hela iha salaun CNE, maibe kuaze loron tolu, prosesu ne’e lao laiha transmisaun direta hosi RTTL”, esplika Virgilio Guterres.

Virgilio Guterres informa liutan katak tranzmisaun direta kona ba proses apuramentu nasional nudar dalan diak liu atu bele kontra rumor no notisia falsu sira ne’ebe ema iresponsavel sira divulga iha media social, transmisaun direta mos bele halakon duvida sira ne’ebe mosu iha komunidade nia leet durante prosesu refere.

Liu hosi konferensia imprensa, iha loron 8/08, iha edifisiu CI Kintal boot, ba Conselho Imprensa (CI) espliak katak RTTL hanesan orgaun komunikasaun publiku, tuir lolos tenke halo servisu ho diak.

Iha situasuan hanesan CI mos halo nian analiza rasik katak RTTL ho GMNTV koko atu halo kampanna subar (terselubung,red) tanba broadcast programa pakote televisaun, refere ba Ministru Planiamentu no Investimentu, Kayrala Xanana Gusmao, momentu iha rai liur hodi koalia kona ba asumtu G7+.

CI konsidera ida ne’e programa ne’e nudar iklan politika ida, tanba trazmite iha ambitu kampanna politika momentu ida ne’ebe Xanana Gusmao nudar Prezidente partidu CNRT involve hela iha kampanna, maske program nia konteudu kona ba asumtu nasional.

Bainhira TAFARA.TL konfirma ho Directur Progrma RTTL, Jose Maniquim via telephone konabA tanbasa la halo tranzmisaun direita ba prosesu apuramentu no programa G7+, Maniquim esplika katak liga ho apuramentu nasional iha CNE RTTL la halo live maibe kobertura lao hela.

“Ami la halo live maibe kobertura lao hela, sempre fo sai liu hosi telejornal kalan oras tuku 20:00. Iha jornal meudia mos ami fo sai. Apuramentu iha STAE ami halo live”, esplika Maniquim.

Jose Maniquim informa liutan katak, razaun tanba saida la halo tranzmisaun direitu iha CNE tanba menus rekursu, tanba jornalista sira ne’ebe durante ne’e halo kobertura ba iha elisaun nian barak mak desloka ba iha municipio hodi halo produsaun ka kobertura ba asumtu sira ne’ebe mak liga mos ho elisuan parlamentar nian.

Liga ho asumtu kona ba pakote televisaun hosi Ministru Xanana Gusmao, ba TAFARA.TL, Maniquim esplika katak, pakote ne’ebe liga ho G7+ ne’e nudar pakote babain ne’ebe mak bainhira lideransa estadu sira ba rai liu ka iha rai laran, RTTL sempre akompanna hodi halo kobertura no halo produsaun, tanba ida ne’e mak pakote ne’e fo sai.

“Program ne’ebe fo sai kona ba G7+ tuir RTTL nudar programa importante, no RTTL laiha intensaun atu promove partidu CNRT”, informa Maniquim via telephone.

Maniquim hatutan katak, RTTL rekonyese iha salah hosi ekipa tekniku RTTL tanba fo sai pakote ne’e iha tempu kampanna eleitoral.

Iha asumtu seluk ne’ebe CI foti liga ho servisu media publiku RTTL katak, nutisia RTTL ne’ebe fo sai dala barak la tuir kondisaun ka situsaun atual ne’ebe akontese agora hanesa informasaun kona ba forma governasaun no fo publika liu nutisia internasional sira no Radio Timor Leste mos la publika informasaun kona ba Tribunal rekursu anunsia rezultadu elisaun ba publiku.

Hatan ba kestaun ida ne’e, TAFARA.TL konfirma ho Xefe Redasaun TVTL, Bela Cortereal via telephone, hateten katak hahu horseik iha loron 7/08, telejornal TVTL kalan, hasai nutisia liga ho paritdu 5 ne’ebe hetan asentu parlamentar.

“Ami fo sai fo nutisia iha telejornal kalan mai hosi partidu 5 hanesan Fretilin, CNRT, PD, PLP no Khunto. Ami fo sai no media seluk seduak fo sai. Ami mos iha sala redasaun  ne’ebe liga ho asumtu forma governasaun. Ami nian jornalista sira mos hein 24 oras iha CCF hahu horseik atu buka hatene presesu dialogu ne’ebe mak Fretilin halo ona”, esplika Bela Cortereal.

Bela Cortereal hatutan katak, telejornal internasional ne’e nudar pakote ida hosi telejornal no ida parte hosi politika redasaun nian, hakarak ka lakohi tenke publika duni no tenke konsisten.

Koordenasaun Redasaun Informasaun Radio Timor-Leste, Markus Eko, esplika ba TAFARA.TL katak agredese ba monitorizasaun CI ba publikasaun notisia durante prosesu pra elisaun to publikasaun rezultadu eleisaun hosi Tribunal Rekursu. Kuandu CI mensiona publikasaun RTL la responsivu.

“CI dehan la responsive hau hanoin ida ne’e la los, tanba RTL hatun kedas anunsio rezulatdu eleisaun hosi TR iha bulletin kalan RTL oras tuku 18:00 no repete iha tuku 22:00 kalan OTL”, esplika Markus Eko.

Markus Eko informa liutan katak antes ne’e RTTL.ep hetan kontaktu hosi CI maibe la direitamente mai redasaun radio. Ikus liu agredese  ba esfrosu tomak jornalista redasaun RTL, ne’ebe tenta mais posivel hodi responde ejijensia publiku, liu hosi fornese informasaun ne’ebe atual no konfirmadu.* [Zevonia Vieira | TAFARA.TL | 08.08.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Nivio: Presiza Muda Imazen Juventude, Prepara Juventude Ne’ebe Kualifikadu

Asumtu joventude sai nudar asumtu importante iha rai ne’ebe foin ukun iha tinan 1999, liu …

Leave a Reply

Your email address will not be published. Required fields are marked *