Saturday , November 17 2018
Home / Eleisaun Parlamentar / Prezidente da Republika Nomea Taur Matan Ruak Ba Primeiru Ministru
Prezidente da Republika, Dr. Francisco Guterres Lú Olo halo entrevista ho jornalista sira iha palacio prezidensia. [Foto: Media PR | 20.06.2018]

Prezidente da Republika Nomea Taur Matan Ruak Ba Primeiru Ministru

Prezidente da Republika, Dr. Francisco Guterres Lú Olo anunsia ba publiku katak nomea ona Taur Matan Ruak nudar Primeiru Ministru, ne’ebe indijita hosi Aliasan Mudansa ba Progresu [AMP].

Liu hosi konferensia imprensa ho jornalista sira iha palacio prezidensia, Prezidente da Republika hateten, depois rona tiha hanoin hosi partidu politiku no koligasaun partidaria sira nia hanoin, iha lokraik Prezidente da Republika dekreta nomeiasaun do Primeiru Ministru, Taur Matan Ruak no ohin hasoru malu fali ho Taur Matan Ruak, hanesan Primeiru Ministru ne’ebe nomeiadu hosi dekretu Prezidente da Republika nian ne’ebe publika ona ha Jornal da Republika, No.18/2018 de 20 de Junho.

Tuir Konstituisaun RDTL, No.1 artigu 106, atribui Prezidente da Republika, halo kompetensia hodi nomeia Primeiru Ministru. Prezidente da Republika tuir termos alinea d, artigu 85 Konstituisaun RDTL dekreta katak nomeadu Primeiru Ministru Taur Matan Ruak, tuir dekretu ne’ebe fo sai iha loron 22 Junhu 2018.

Liu hosi konferensia imprensa, loron 20/06 Prezidente da Republika, informa ba jornalista sira katak ohin loron Primeiru Ministru nomeadu Taur Matan Ruak mos mai aprezenta lista do membru governu, substansia ba asumtu ne’ebe trata, mak lista ba membru governu nian, ne’ebe Prezidente da Republika hateten katak Prezidente da Republika iha kompetensia nomeia membru governu no Primeiru Ministru ne’ebe indijita hosi partidu politiku ka aliansa mais votadu.

Liu hosi interpretasaun konjugada, hosi artigu 74, artigu 86 Konstituisaun, no mos numeru 2 artigu 86 alinea H, hodi halo interpretasaun ba artigu tolu ne’e, Prezidente da Republika hateten katak sei bele hare lista ida ne’e atu nomea ka aseita lista sira ne’e ka la aseita balun, Prezidente da Republika sei hatete iha tempu badak oin mai. * [ Zevonia Vieira | TAFARA.TL | 20.06.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *