Saturday , May 25 2019
Home / Sosial & Politika / Prezidente da Republika Nomeia Membru Konsellu Superior Defensoria Publika
Diskursu Presidente da Republika iha inagurasaun estatua proclamator Francisco Xavier do Amaral.[foto: Zinho MD | TAFARA.TL].

Prezidente da Republika Nomeia Membru Konsellu Superior Defensoria Publika

Justisa ba ema hotu nu’udar prinspisipiu prinsipal ida iha estadu demokratiku hotu. Nune’e Orgaun Judisiarius Republika Demokratika Timor-Leste [RDTL], iha mos Defensoria Publika hodi fo asistensia legal ba sidadaun sira ne’ebe presija, defende sira nia kazu iha tribunal ba kazu sivil no/ka kazu kriminal, liu-liu ba sidadaun sira ne’ebe laiha kbi’it atu selu advogadu sira.

Atu mellora funsionamentu insituisaun refere, ohin Prezidente Republika hili Eix Ministru Justisa, Dr. Domingos Maria Sarmento no atual Dosente Fakuldade Direitu, Universidade Nasional Timor Lorosa’e Dr. Tome Gerónimo Xavier hodi sai membru iha Konsellu Superior Defesoria Publika nian.

Hafoin enkontru, Eix Ministru Justisa, Domingos Maria Sarmento hateten, “objetivu enkontru ho Sua Exelencia Prezidente Republika, atu nomeia ami na’in rua ba kaer knar hanesan Membru Konsellu Superior Defensoria Publikas, hanesan advogadu publiku ne’ebe atu defende sidadaun sira bainhira iha kazu iha tribunal, ba kazu sivil ou kazu kriminal. Ami na’in rua sei ba halo parte iha Membru Konsellu Superior Defensoria Publika, hodi buka hadia, mellora defensoria publika, atu oinsa maka bele fo asistensia legal ba sidadaun sira ne’ebe presija, liu-liu ba sidadaun sira ne’ebe laiha kbi’it atu selu advogadu sira.”

Domingos Maria Sarmento hateten Instituisaun Defensoria Publika estabelese kedas iha primeiru governu konstitusional, iha tempu ne’eba nia rasik sei kaer pasta hanesan Ministru Justisa. Nune’e ohin loron defensoria públika dezenvolve ona, Nia rasik ba integra-an iha ne’eba para hadia, mellora defensoria publika para presta asistensia legal ba sidadaun sira bainhira iha kazu kriminal ka kazu sivil liu-liu ba sira ne’ebe kbit laek, sira ne’ebe laiha osan para selu advogadu sira.

“Prezidente Republika hili ami nain rua ba iha Konsellu Superior Defensoria Publika para oinsa mak bele fo apoiu legal ba sidadaun sira ne’ebe kbit la’ek. Ne’e la’os foin agora, iha tiha ona iha governu primeiru, Governu FRETILIN nian. Ami nain rua ba naran hadian deit, mellora deit, kapasita deit Defensores Publikus sira oinsa bele fo asistensia legal diak liu tan ba sidadaun sira,” tenik Domingos Maria Sarmento ba Jornalista iha Palacio Prezidente, Aitarak-Laran, Dili, Timor-Leste.

Entretantu tomada Pose ba Membru Konsellu Superior sei hala’o iha tempu badak hafoin Prezidente da Republika hasai Dekretu Prezidensial. Enkontru refere hala’o kuaze horas ida iha Palacio Prezidente Nicolau Lobato Dili. *[Martinho Moniz | Estajiariu Dep.CS, UNTL | TAFARA.TL | Editor: Ato ‘Lekinawa’ Costa | 22.09.2017].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *