Thursday , February 21 2019
Home / Sosial & Politika / Prezidente da Republika Promulga OJE 2019
Prezidente da Republika, Dr. Francisco Guterres Lú Olo halo entrevista ho jornalista sira iha palacio prezidensia. [Foto: Media PR | 20.06.2018]

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu 2019. Liu hosi komunikadu imprensa ne’ebe distribui hosi media gabinete palacio prezidensia hateten maske nune’e Prezidente da Repúblika iha nia rezerva rasik relasiona ho promulgasaun Lei Orsamentu Jerál Estadu.

Prezidente Repúblika sei hato’o nia analiza profunda ba Lei Orsamentu Jerál Estadu [OJE] 2019, relasiona ho analiza vizaun mediu no longu prazu no situasaun oioin iha loron hirak tuirmai.

Iha 23/01/2019 Prezidente Repúblika veta Orsamentu Jerál Estadu 2019 ho montante biloens 2.1 ho razaun sustentabilidade finanseiru iha ameasa nia laran, orsamentu la tuir Konstituisaun no Lei estruturante sira, desikilibru orsamentál ne’ebé aas tebes no laiha polítika alternativa.

Parlamentu Nasionál halo reapresiasaun ba Orsamentu Jerál Estadu 2019 hafoin veto husi Prezidente Repúblika. Iha reapresiasaun Orsamentu Jerál Estadu, Parlamentu Nasionál hasai montante miloens $ 650 ba sosa asoens partisipasaun husi kompania ConocoPhillips no Shell, tanba kontempla tiha ona iha Lei Atividade Petrolíferu ne’ebé Prezidente Repúblika promulga. Reapresiasaun Orsamentu Jerál Estadu ho montante biloens $ 1,482 aprovadu ho votus 40 no 25 kontra. * [Zevonia Vieira | TAFARA.TL | 07.02.2019]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

KI Husu Jornalista Sira Tenke Fo Solidariedade Ba Malu, Problema Liberdade Imprensa Ita Hotu nian

“Problema liberdade imprensa ne’e ita hotu nia problema, ne’ebe se deit mak infrenta problema ita …

Leave a Reply

Your email address will not be published. Required fields are marked *