Wednesday , June 19 2019
Home / Eleisaun Parlamentar / Prezidente PLP Taur Matan Ruak La Marka Prezensa Iha Loron Tomada de Pose
Parlamento Nacional Realiza Plenaria ba IV legislatura hodi simu Deputadu 65 ba periodo 2017-2022.[Foto: Zinho MD | TAFARA.TL | 05.09.2017].

Prezidente PLP Taur Matan Ruak La Marka Prezensa Iha Loron Tomada de Pose

Prezidente Partidu PLP, Taur Matan Ruak la marka prezensa iha loron toma de pose ba membru parlamentu IV legislature, ba periodu 2017-2022. Bainhira TAFARA.TL konfirma ho Vise Seis Prezidente ba partidu PLP no nudar portavoz, Fidelis Magalaes hateten katak,

Renunsia kargu tiha kargu hosi membru parlamentu, tanba hosi subtituisaun hosi lista numeru 9 deputada Signi Verdial, sae fali hodi truka Prezidente Taur Matan Ruak nia fatin.

Bainhira TAFARA.TL husu klarifkasaun katak ohin loron tomada de pose, karik presiza prezensa hosi Prezidente partidu PLP.

Fidelis esklarese katak ohin loron juramentu, ne’e katak juramentu ba deputada no deputadu sira ne’ebe mai hola fatin hodi tur iha parlamentu nasional.

“Prezidente Taur Matan Ruak ho lista numeru 1 iha lista partidu PLP la presiza mai, maibe se halo subtituisaun deit ne’e buat seluk ida, entaun nia marka prezensa iha premeiru plenaria depois ema subtitui, maibe tan renunsia entaun husik bankada lao hodi halao ami nia knaar importante iha uma ukun ida ne’e”, esklarese Fidelis Magalaes.

Hosi observasaun hosi jornalisra TAFARA.TL hatudu katak, hetan partisipasaun masimu hosi sosiadade sivil, korpu diplomatiku, agensia internasional, VI membru governu no familia hosi deputadu no deputadu eleitu sira.

Loron tomada de pose no juramentu ba membru parlamentu nasional sira ne’ebe halao iha loron 5/09, marka prezensa mos, Dr.Jose Ramos Horta.

Total membru parlamentu hamutuk 65, Fretilin ho kadeira 23, CNRT 22, PD 7, PLP 8 no KHUNTO 5.* [Zevonia Vieira | TAFARA.TL | 05.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *