Wednesday , June 19 2019
Home / Sosial & Politika / Prezidente PN Aprezenta Funsionamentu parlamentu nasional ba Prezidente Republika
Prezidente PN, Aniceto Guteres hasoru malu ho Prezidente RDTL, Francisco Guteres Lu-Olo. [Foto: Martinho Moniz | TAFARA.TL | 20.09.2017].

Prezidente PN Aprezenta Funsionamentu parlamentu nasional ba Prezidente Republika

Tuir kompetensia konstituisaun, Prezidente Republika iha kompetensia atu garante funsionamentu normal instituisaun demokrátiku sira iha Timor-Leste, hodi dezenvolve rai no prosperiedade povu nian. Nune’e Prezidente Republika Demokratika Timor-Leste [RDTL] hala’o enkontru regulars ho Autoriedaddes orgauns estadu hotu hodi rona no hatene funsionamentu kada instituisaun.

Ohin, Prezidente Parlamentu Nasional [PN], Aniceto Guteres hasoru malu ho Prezidente Republika, Dr. Franscisco Guteres Lu-Olo hodi aprezenta funsionamentu Parlamentu Nasional ba Prezidente da Republika. Ba jornalista sira Prezidente Aniceto Guterres esplika katak,tuir Konstituisaun Prezidente da Republika, iha kompetenesa atu garante funsionamentu normal instituisoens demokratikus.

“Konstituisaun iha kompetensia atu garante funsionamentu normal instituisoens demokrátikus, tamba ne’e Prezidente Republika hakarak akompaña direita liu-liu lala’ok no funsionamentu Parlamentu Nasional nian. Lolos enkontru regular ne’e mensal, maibe horibaihira ami mai ne’e Prezidente hatete tiha ona katak, enkontru regular ne’e quinzenariu, quinze em quinze dias. Mai komprimenta Prezidente da Republika i informa kona-ba lalaok funsionamentu Parlamentu Nasional ninian husi dia 5 de Setembro mai to’o agora,” dehan Prezidente Parlamentu Nasional Aniceto Guteres, iha Palacio Prezidente, Aitarak-Laran, Dili.

Prezidente Parlamentu Nasional afirma, parlamentu komesa funsiona, estrutura no orgaun sira ne’ebe atu halo Parlamentu funsiona ne’e estabelesidu. Meza parlamentu kompleitu ona, komisoens espesilizadas estabelesidu, komisaun ida idak hili ona meza komisoens ninian, hili ona Grupus nasionais, ba uniaun interparlamentar, ba CPLP. Anicetu mos salienta katak parlamentu funsiona i la’o daudauk, halo plenaria dala hat ona depois de meza parlamentu kompleta.

Hatan ba perguntas hosi jornalista sira, liga ho preokupasaun publiku nian, katak nomeasaun Primeiru Ministru ba Governu dahitu husi Prezidente Republika ne’e inkonstitusional, Prezidente Parlamentu Nasional hateten, iha rai demokratiku ema hotu iha direitu atu hato’o nia hanoin, maibe lia los tenki mai husi Tribunal.

“Hau lakoi komenta ida ne’e, iha rai demokratiku ita hotu-hotu iha direitu atu hato’o ita ninia opiniaun, até mesmu atu kritika ulun boot sira mos iha direitu hotu. Konstituisaun mos fo dalan ba ema ida-idak atu rekere, se desijaun Prezidente da Republika nian ne’e konstitusional ka la konstitusional, bele rekere ba tribunal, tribunal mak sei fo interpretasaun ida lolos. Tamba ne’e se dehan inkonstitusioanl bele rekere ba tribunal.”

Aniceto hatutan katak, “Ó atu hato’o Ó nia ideia ne’e livre, mais la’os Jurista mak deisde, la’os Jurista mak hatete dehan ne’e inkonstitusional, Ha’u dehan Tribunal mak hatete, Tribunal mak tenki pronunsia.”

Relasiona ho informasaun kona-ba mosaun sensura hasoru meza Parlamentu nasional, Prezidente Parlamentu Nasional esplika mosaun sensura atu sensura saida, halo mosaun sensura ne’e tenki iha fundamentu. Eseptu Prezidente Parlamentu ka meza parlamentu komete krime ka komete erru ne’ebe grave ke afeta ba funsionamentu normal Parlamentu nasional nian. Depois bele kompromete estabilidade pulitika. Estabilidade pulitika ne’e la’os responsabilidade meza parlamentu deit, maibe depuadus hotu-hotu, Partidus Politikus hotu-hotu no povu Timor tomak. *Martinho Moniz | Estajiariu Dep. CS, UNTL | TAFARA.TL | Editor: Zevonia Vieira | 20.09.2017].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *