Thursday , May 23 2019
Home / Eleisaun Parlamentar / Prezidente PR: Tenke Halakon Korupsaun Ne’ebe Buras Iha TL
Presidente Partidu Republikanu, Joao Mariano Saldanha.[Foto: jsaldanha.education].

Prezidente PR: Tenke Halakon Korupsaun Ne’ebe Buras Iha TL

Halakon korupsaun iha Timor-Leste, hodi nune’e bele tau matan ba ema kbiit laek sira hodi bele moris diak. Lia fuan ne’e hato’o hosi Presidente Partidu Republikanu, Joao Mariano Saldanha.

Agora  dadaun moris hanesan mundu globalizasaun, ita presiza servisu halo buat ruma, atu nune’e bele hatene klean kona-bá mudansa globalizasaun rasik. Ita hotu hare ho realidade tebes, iha korupsaun barak maka akontese, presija halakon, atu nune’e bele hare liu ba ema kbi’it laek sira no oan kiak sira”, tenik Joao Saldanha.

Tuir Prezidente PR katak, atu halo promesaun no koalia ba povu, diak liu tuna ba pratika kedas iha fatin refere, atu nune’e bele dezenvolve povu nia moris ho diak liutan.

Militante Feto, Partidu Republikanu, Constantinha da Silva Pires, ba TAFARA.TL hateten katak nudar feto iha oportunidade diak nebe’e fo hosi PR, sei hare liu ba asumtu feto, oinsa feto maluk sira partisipa iha vida politika.

Ita hare iha volume feto maluk sira uluk luta atu nune’e feto sira mos bele partisipa iha vida politika,,to ikus mai resultdu hatudu katak iha 30% feto hetam quata iha Parlamentu Nasional”. Esplika Constantinha Pires.

Iha parte sorin komunidade Carlos dos Santos hateten, durante tinan lima nia laran,komunidade sente triste, tanba moris la hakmatek no la seguru.

“Ami nia hela fatin la seguru,no mos ami presija bee mos atu nune’e bele moris iha ambiente  ne’ebe mak saudavel. Se kuandu bee mos ho hela fatin ba ami maka la saudavel, ami komunidade sira sei la moris iha ambiente nebe mak la saudavel”, Carlos hato’o nia sentimentu

Tuir Visaun no Misaun hosi PR katak Bok an, dudu Dezemvolvimentu ba oin liu husi Programa Prioridade 20, Koalia kona ba Uma Moris Diak ba Kbiit laek sira no  Kreditu Moris Diak, Dezemvolvimentu Inovativu.

Kampanha ne’ebe hala’o iha loron 23/06/17, iha Canossa Has Laran,  hetan observasaun hosi CNE. PDHJ no hetan seguransa hosi PNTL. Kampanha lao ho diak no hamosu dialogu entre komunidade ho Republikanu.* [Regina Fereira | contributor TAFARA.TL |Editor: Zevonia Vieira | 23.06.2017].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *