Wednesday , February 21 2018
Home / Sosial & Politika / Primeira Sesaun Plenaria La disiplina Ho Tempu no Viola Regulamentu Parlamentu
Deputadus husi bankada partidu CNRT husik hela plenaria hodi hakat sai ba liur. [Foto: Zinho MD | TAFARA.TL | 05.09.2017]

Primeira Sesaun Plenaria La disiplina Ho Tempu no Viola Regulamentu Parlamentu

Tuir desizaun final hosi prezidente da meza ne’ebe mak dirigi hosi Prezidente Parlamentu, Aderito Hugo, bainhira halao diskusaun ho deputada no deputadu sira kona ba elisaun ba Prezidensia meza parlamentu, desidi katak sei halao iha oras tuku 21:00 kalan, maibe to ikus iha oras tuku 21:00 liu ona, sesaun plenaria sedauk hahu no oras tama ona tuku 21:30 kalan.

Deputada no deputadu sira hosi bankada Fretilin, PD, Khunto, CNRT no PLP prense ona idak-idak nian kadera maibe to Prezidente parlamentu sedauk marka prezensa tuir oras ne’ebe mak determina ona.

Tuir observasaun TAFARA.TL katak sesaun plenaria hahu hosi depois han meudia, halao tarde hela deit no Prezidente Parlamentu Nasional mos sempre tama tarde iha iha fatin plenaria, hodi derigi sesaun plenaria.

Dala ida tan disiplina hosi deputadu no deputada sira iha premeira sesaun parlamentu, hatudu katak sempre viola regulamentu uma fukun nian. Ho nune’e liu hosi diskusaun, deputadu balaun sempre fo hanoin atu labele viola regulamentu ne’ebe mak kria iha uma fukun parlamentu, no hatudu imajen diak ba povu Timor-Leste. *[Zevonia Vieira | TAFARA.TL |05.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Governu TL Tinan Ida Ne’e Rekonese Loron Importante Ano Novo Xines

“Iha Timor-Leste ami agradese, ami ho laran haksolok teb-tebes ita nia Governu tinan ida ne’e …

Leave a Reply

Your email address will not be published. Required fields are marked *