Saturday , November 17 2018
Home / Sosial & Politika / Prof. Trudy Peterson: Timor-Leste Tenke Iha Lei Konaba Arkivu
Centro Nasional Chega! realiza seminariu konaba Prezerva Memoria Pasadu no Arkivu Nudar Justisa Istorial. [Foto: Copyright Media CNC | 01.11.2018]

Prof. Trudy Peterson: Timor-Leste Tenke Iha Lei Konaba Arkivu

Ita iha problema boot intermus de arkivu. Arkivu iha problema boot ne’ebe mak Timor infrenta mak hanesan ita laiha inkuadramentu juridiku, ita laiha infrastrutura ne’ebe sufsiente”. Hugo Fernandes

Relasiona ho loron aniversaru Relatoriu Chega! ba dala 13, Centro Nasional Chega! [CNC] realiza seminariu ho tema Prezerva Memoria Pasadu no Arkivu nudar Justisa Istorikal. Liu hosi seminariu ne’ebe halao iha salaun konferensia CNC, Prof. Trudy Husmkamp Peterson hosi, Estadu Unidos Amerika [USA] ne’ebe iha esperiansa boot liga servisu arkivu nian iha aprezentasaun esplika konaba prinsipiu importante konaba arkivu istoriku maka iha direitu atu hatene konaba personal ka kolektiva, responsabilidade atu relembra hosi estadu, atu hatene lolos katak estadu proteze no rai didiak arkivu sira konaba violasaun direitu umanus no lei sira konaba direitu humanus.

Tuir Prof. Trudy katak arkivu istoriku ne’e importante tebes ba nasaun hotu, liu-liu nasaun sira ne’ebe akontese violasuan dirietu humanus barak, liu-liu ne’ebe halo hosi military sira, tanba arkivu sira ne’e nudar evidensia ne’ebe forte, hodi nune’e bele responde no atinji justisa no lia los.

Prof. Trudy hanesan arkivista profesinal ne’ebe konnesidu ho interese espesial iha jestaun arkivu direitus humanus iha nasaun barak. Turdy ne’ebe halo ona vizita mai Timor-Leste no halibur iha reprezentasaun CAVR iha seminariu internasional ba partisipante sira hateten katak, Timor-Leste presiza iha Lei konaba arkivu, “Lei Arkivu ho objetivu atu preve buat at sira ne’ebe karik governu sira halo, atu labele akontese tan, ezemplu atu sira labele soe sasan ka estraga sasan arkivu”.

Iha tempu hanesan Diretor Exekutivu CNC, Hugo Fernandes ba TAFARA.TL hateten katak bainhira CNC estabele Lei konaba arkivu sai ona preokupasaun boot ida, presiza tau iha prioridade atu bele deskuti no kria Lei refere.

“Hau rasik koalia ho VI, VII no VIII Governu Konstituisional sempre fo preokupasaun katak ita iha problema boot intermus de arkivu. Arkivu iha problema boot ne’ebe mak Timor infrenta mak hanesan ita laiha inkuadramentu juridiku, ita laiha infrastrutura ne’ebe sufsiente, ita nia sentru arkivu hanesan CNC laos instituisaun ho infrastrutura ne’ebe diak no seguru atu proteje arkivu sira ne’e no ikus liu ita laiha rekursu humanu, ita bele chek Timor oan nain hira mak eskola konaba arkivista”, hateten Hugo Fernandes, 30/10.

Hugo hatutan presiza Lei Arkivu hodi nune’e bele garante no asegura sasan istoriku sira, liu-liu arkivu sira ne’ebe iha relasaun ho violasaun direitus humanus.

Iha fatin hanesan ba TAFARA.TL Diretor Jeral Arkivu Nasional, Horasio do Santos Marques informa katak hosi parte arkivu nasional hatam ona ona esbosu Lei Ministeriu Administrasaun Estatal no Ministeriu haruka ona ba konselhu ministru atu deskuti. Iha Lei mak hanesan prosedimentu arkivu nian, sistema arkivus, Lei uza arkivus. Se laos tinan ida ne’e hodi halo diskusaun iha parlamentu, espera tinan oin bele deskuti ona.

Dokumentasaun istoriku importante tebes ba jerasaun foun sira atu hatene no komprende lalaok hosi funu no saida maka akontese iha tempu pasadu. Joven sira, liu-liu estudante sira iha responsabilidade boot atu hatene istoria ne’ebe lolos.

Iha seminariu refere, Ministra Edukasaun Juventude no Desportu [MEJD], Dulce de Jesus Soares ba TAFARA.TL Ministeriu Edukasaun halao ona servisu balun hamutuk CNC, hodi uza informasaun sira iha relatoriu Chega! no iha pontu de vista ne’ebe hanesan no governu iha mehi ida hodi hakarak atinji, ne’ebe relevante tebes ho CNC nia hakarak.

“Ami hakarak uza subsidiu escolar ne’ebe oras ne’e tau iha eskola, atu nune’e estudante sira alende aprende teoria kona ba istoria, maibe ami mos hakarak estudante sira mai halo visita regular iha CNC, ba museum, santa cruz, liu-liu estudante sira hosi municipio sira seluk, atu mai vizita hodi bele komprende liutan”, esplika Dulce de Jesus Soares.

Ministra Dulce informa liutan katak programa seluk ne’ebe Ministeriu Edukasaun hakarak tebes atu kontinua servisu ho Chega mak ema hotu-hotu, hanesan komunidade edukativa iha Ministeriu Edukasaun, laos professor deit, eskola mos bele konvidade komunidade sira atu bele konta istoria konaba pasadu.

Atu haforsa konaba koperasaun ida ne’e, Direitor CNC ba TAFARA.TL hatan katak CNC halo hela prosesu ba dezenvolve nota de indenmentu MOU ho Ministeriu Edukasuan Juventude no Desportu. Iha nota intendimentu ne’e mak koalia kona ba oinsa CNC ho Ministeriu Edukasaun atu fo tulun ba malu intermus ba buat rua mak hanesan kapasitasaun instituisional no dezenvolve politika inklui oinsa mak dezenvolve kurikulum ba insinu ho material oin-oin. Alende ne’e tenke determina nivel de eskolaridade. * [ Zevonia Vieira | TAFARA.TL | 01.11.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *