Wednesday , June 19 2019
Home / Eleisaun Parlamentar / PUDD: Hakarak hari Secretario Estadu Religiao no Kultura
Uma Adat Tasi Tolu ne’ebe aumenta ho nia kruz iha nia tutun hodi fo simbolu ba Religiaun no Kultura iha Timor-Leste.[Foto: Timor Agora].

PUDD: Hakarak hari Secretario Estadu Religiao no Kultura

PUDD fo prioridade ba hari Secretario Estadu Religiao no Kultura hodi tau matan ba kultura no relijiaun. Hakarak mos atu transforma mental joven sira nian liu hosi Sentru Formasaun.

Adjuntu Sekretariu Jeral ba Politik Aprendementu e nudar Prezidente kampanna Partidu PUDD, Silvestre Xavier Sufa hato’o konaba Partidu Unidade Dezenvolvimentu Demokratiku (PUDD) nia programa prioridade. Silvestre hatete, “Wainhira PUDD hetan konfiansa mak programa prioridade primeiru hakarak hari Sekretario Estadu Religiao no Kultura ida. Tamba ida ne’e ita bele haree no regula ita nia kultura metin tan, ho religiao diak liu tan, ne’e tamba dala barak ita la tau matan ba kultura.”

Alein de ne’e, Adjuntu Sekretariu Jeral mos hatete katak dezempregu iha Timor aas tan ne’e mak PUDD nia programa prioridade primeiru hakarak harii Sentru Formasaun iha regiao haat. Atu nune bele fo treinamentu ba jovem sira, transforma sira no labele tranforma ba skill deit.

Tuir PUDD nia hanoin atu kria income hosi retribuisaun hosi terminal kareta para fatin, iha terminal, no fatin turistiku sira. Esforsu ida ne’e bele hamenus dezempregu. Tan haree mos katak iha Timor ne’e mikro ekonomia domina husi ema estranjeiru. Tuir lolos mikro ekonomia ne’e tenke ema lokal hanesan povo Timor – Leste nia merese negosiu ida ne’e laos ema estranjeirus kaer passaporte stranjeirus mai bisnis fali ida ne’e.

Iha parte seluk negosiador trisiklu, Ana Bela da Cruz, hatete katak, tenke tau matan ba povu sira, tuir lia fuan ne’ebe partidu sira proteme.

“Ami hakarak estabilidade paz iha Timor laran hotu, Se bele karik sira tau matan halo mahun ruma para ami faan sasan iha ne’e ho diak,” Ana Bela ho esperansa boot.

Komunidade Marcos Soares hato’o ba Jornalista Tafara.org katak, nudar povu ne’ebe esforsu aan hili kaleng aat hahu hosi tinan 1999, hare katak partidu idak-idak to agora sedauk halo servisu ho diak.

“Hau hare ate agora e partidu idak-idak hanesan deit, nunka tau matan ba oan kiak nian, nunka tau matan mai ami to agora. Hau hela iha Tasi 3, oan nain 5 eskola, no hau hili kalen aat hodi fo han hau nia fen ho oan sira, hau presija bantu osan ituan deit”, konfesa Marcos Soares.

Traballador Fransisco Fernandes, esplika ba TAFARA.TL katak, durante ne’e povu kiik ida kbiit laek iha esperansa atu bele governu tinan 5 tuir mai bele kria unidade no amizade.

“Agora ne’e halo servisu ‘buruh kasar’ mos presija aman sarani iha laran, sei la iha laran pasiensia, sai mai halo netik 3 roda hanesan ne’e, para bele sustenta labarik sira ba eskola, hola netik hahan. Ami nudar povo kiik ida kbit laek, ami nia esperansa liliu mak ne’e hakarak Governu iha tinan 5 mai bele kria unidade, no amizade ne’ebe importante ba ami”, tenik Francisco Fernandes.

PUDD nia kampanna ne’ebe hala’o iha, Tasi tolu, iha loron 14/07 ne’e lao ho diak, hetan observasaun hosi CNEnp PDHJ, no hetan seguransa hosi PNTL.* [Virginia Perreira | Kontributor TAFARA.TL | Editor: Ato ‘Lekinawa’ Costa | 16.07.2017].

About Virginia Pereira

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *