Wednesday , October 24 2018
Home / Sosial & Politika / Ran Ema Ida nian, Sei Salva Ema Ida nia Vida
Donasaun ran ba ema moras. [Foto: copyrigth alo dokter | 20.05.2018]

Ran Ema Ida nian, Sei Salva Ema Ida nia Vida

Importante ida ba hau, e hau bele salva hau nia an mos no mos bele ajuda ema seluk nebe mak persija hau nia ran ida ne’e”. Gilson Benevides.

Hodi komemora loron Restaurasaun Independensia Timor-Leste ba dala 16, RYLA organiza eventu Doasaun Ran hodi bele ajuda mos fo moris ba ema seluk.

Koordenadora ba eventu doasaun ran, Ana Joanina Soares, hateten eventu doasaun ran ida ne’e realiza ho objetivu hodi komemora loron restaurasaun Independensia Timor-Leste 16, hodi ajuda Banku De Sangue Hospital Nasional Guido Valadares Dili, hodi bele fasilita ema seluk ne’ebe persiza.

“Bolu fila fali joven, estudante no ba sira ne’ebe mak hakarak oferese ran nu’udar doador ran nian atu tulun ba maluk sira ne’ebe mak persija liu-liu ba sira ne’ebe mak moras, atu fasilita belun sira ne’ebe mak persija, tanba ita hatene katak, supply ran ba iha banku de sangue minimu”, Tenik Ana Soares.

Ana Maria hatutan mos katak inisiativa husi eventu ne’e realiza, tanba ema barak mak surar tebes atu hetan ran, hodi ajuda sira nia familia ho lalais. Ajuda ho doasaun ran, hasai ran ba ajuda familia sira ne’ebe mak persiza, entaun tanba susar tebes atu buka ran.

Iha sorin seluk, voluntariu ne’ebe oferese ran, Gilson Benevides senti doasaun ran ne’e importante tebes tanba bele salva ema seluk nia vida.

“Hau senti katak doasaun ne’e (dosaun ran. red) importante ida ba hau, e hau bele salva hau nia an mos no mos bele ajuda ema seluk nebe mak persija hau nia ran ida ne’e”, haktuir Gilson Benevides.

Sentimentu hanesan mos mai hosi estudante secundário, eskola Sekundaria Jeral 4 de Septembru UNAMET Dili, sente orgullu tanba organizasaun RYLA sira bele halibur hamutuk joven sira ne’ebé mak ho nivel sekundaria, ne’ebe mak bele oferese nia ran ba iha kolega sira ne’ebe mak persija ran.

“Ita kolia kona ba ran iha ema ida ne’ebe mak moris bele fo fila moris seluk ba ema seluk, sira halo ida ne’e ho inisiativa hakarak komemora loron 20 de Maio, entaun oinsa bolu joven sira mai, hanoin hikas fali mos ba iha ita nia loron independensia nian dia 20 de Maiu ne’ebe besik mai ona”. Tenik Grasinha da Silva Conceição.

Eventu Doasaun Ran ida ne’e hanesan inisiatiava husi RYLArian (membru RYLA) ne’ebe inklui mos ho Marsa Saudavel, ne’ebe hala’o husi Jardin Motael ba Kampu EIS SEJD, dansa Zumba no mos animasaun seluk tan.

atividade ne’e hetan kooperasaun no apoiu husi Sunrise Join Venture, CVTL, no HNGV liu-liu Diresaun Banku de Sangue HNGV, ne’ebe hetan partisipasaun masimu husi Estudante Sekundaria, Instituto, organizasaun Foinsa’e Grupu Voluntariu sira no mos membru RYLA rasik, ne’ebe realiza iha resintu Edifisiu Eis SEJD, 18/05. * [ Yane Maia | Editor: Zevonia Vieira | TAFARA.TL ]

 

 

 

About Yane Elfrida Maia

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *