Monday , October 22 2018
Home / Eleisaun Parlamentar / Reis Kadalak : Seitor Agrikultura Sai Prioridade ba Partido MLPM
Bandeira Partido Movimento Libertasaun Povo Maubere (PMLPM).[Foto: maubere.blogspot.com].

Reis Kadalak : Seitor Agrikultura Sai Prioridade ba Partido MLPM

Seitor agrikultura nudar programa fundamental ne’ebe MPLP sei toma atensaun, tanba mayoria povu moris nudar agrikultores. Agrikultur mak sei haburas ekonomia hosi uma laran no hadia moris.

Partido Movimento Libertasaun Povo Maubere (PMLPM), ho nian visaun katak, “hodi servi povu liu hosi seitor agrikultura.

Tuir Sekretariu Jeral Partidu MLPM, Reis Kadalak esplika, programa hun hosi politika MLPM atu tane as seitor agrikultura.

“Hakarak loke empreza publika, hodi nune’e estado tenki aranza kondisoens atu nune’e ema rihun ba rihun bele ba servisu”, dehan Reis kadalak liu husi telefoni, Quarta 21/06.

Reis Kadalak, reafirma liutan katak, joven barak hasai lesensiadu no masteradu maibe laiha servisu. Estadu tenke loke kompania estadu nian, iha postu administrativu, hodi nune’e ema hotu bele asesu servisu. Problema boot bainhira estadu haruka joven sira ba servisu iha rai liur no sai atan ba ema

MLPM mos halo komprimisiu katak se karik manan iha elisaun parlamentar 2017, sei hasae salario ba servisu nain ho total $300,00 kada fulan tanba ho salariu $115,00 dolar Amerikanu.

Iha fatin hanesan Presidente Interina Feto Partidu MLPM, Ingrançia Maria Freitas de Araújo, esplika katak, seitor agrikultura nudar programa preoridade tanba iha rikeza barak tebes. Ho nune’e MLPM hakarak tane as seitor refere no loke empresa publiku iha Timor-Leste.

Tuir Ingrançia katak, se partidu ne’e purcentu boot, sei loke tan fabrika iha Timor-Leste.

“Loke fabrika hodi nune’e ita nia jovem mos bele servisu iha ita nia rai ida, por exemplo hatama makina boot sira ne’e hodi produz produtu hanesan serveza, Coca-cola, Dellos no loke empresa publika hodi reduz produtu sira ne’ebe hatama husi rai liu”, Dehan Ingraçia

Iha parte seluk tuir estudante Departamento Dezemvolvimentu comunitaria UNTL, Janio Bernadinho esplika katak seitor agrikultura hanesan baze ekonomia fundamental ba nasaun nian, maibe orsamentu jeral do estadu nian tau importansia liu iha seitor infrastrutura.

Janio husu ba partidu politiku sira ne’e sei eleitu atu bele fo prioridade ba seitor agrikultura

“Problema barak mak povo sira infrenta hela hanesan irigasaun ne’ebe mak la diak, atu fasilita agrikultura sira tamba hare realidade hanesan natar balun abandona, tamba menus be’e. Husu atu partidos politiku sira, se deit mak manan bele tau importansia ba iha setor sira ne’ebe mak importante iha komunidade sira nia le’et”, Tenik Janio.* [Henrique de Jesus  | Contibutor TAFARA.TL | Editor: Zevonia Vieira | 20.06.2017].

About Henrique Soares de Jesus

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *