Friday , August 17 2018
Home / Sosial & Politika / RENETIL Husu Ba Governu Foun Konsidera Nafatin Asuntu Fronteira Maritima
[Foto: Newmandala.org].

RENETIL Husu Ba Governu Foun Konsidera Nafatin Asuntu Fronteira Maritima

Governu foun ne’ebé mai ho entidade hotu, atu fó konfiansa tomak ba lider nasionál hotu, hodi konsidera nafatin negosiasaun fronteira maritime entre Timor-Leste ho Australia.

RENETIL liu hosi konferensia imprensa ne’ebe hato’o hosi portavoz Manuel Monteiro Fernandes, katak, Resitensia Nasional Estudante Timor-Leste (RENETIL), kongratula ba partidu 20 no Bloku koligasaun 1, ne’ebe hola parte iha elisaun parlamentar, hala’o kampanna iha ambiente dame no paz nia laran, fo valor boot tebes ba prosesu demokratizasaun iha faze konstrusaun estadu iha rai doben ida nee.

Konferensia imprensa ne’ebe halo iha sede RENETILI, loron 4/08 ba jornalista sira, Manuel Monteiro hatutan katak RENETIL kongratula ba parte hotu nia kontribuisaun, hodi halo susesu ba eventu demokrasia ida ne’ebé hahoris ona rezultadu final, ba partidu FRETILIN, CNRT, PLP, PD no HKUNTO. Rezultadu ba eleisaun ida ne’e, hatudu ba ita tomak katak povu nia hakarak, povu nia aspirasaun, povu nia fiar no povu nia konfiansa atu ita hotu fo linan ba malu hodi serbi di’ak liu tan povu no rai doben TL.

 “Husu ho respeita ba votu konfiansa ne’ebé hato’o ona liu hosi resultadu eleisaun parlamentar, ho laran luak husu ba lideransa istoriku sira hotu, atu tur hamutuk, fó liman ba malu,  hanoin hodi tane as nafatin interese nasional liu interese hotu-hotu, hodi forma governu ida ne’ebé forte, estavel no sustentavel, no husu ba partidu polítiku sira ne’ebé povu depozitu ona konfiansa ba, atu forma governu foun hodi tau matan didi’ak  ba povu nia diretu fundamental sira”, esplika iha komunikadu imprensa.

RENETIL rekomenda ba governu foun ne’ebé sei mai no entidade hotu, atu fó konfiansa tomak ba lider nasionál hotu, hodi konsidera nafatin negosiasaun fronteira maritime entre Timor-Leste ho Australia, hanesan  ajenda nasionál ne’ebé importante.

Iha parte hanesan membru Presidente do Conselho Central da Renetil, José AMX “SIA’C” hateten komunikadu imprensa ne’e hanesan subtansia ida, atu bolu atensaun ba partidu politiku lima, ne’ebé hetan konfiansa husi povu ne’e, hodi forma governasaun ida ne’ebe diak no governasaun ida ne’ebe tau interese povu nian aas liu duke partidaria.

“Ukun rasik aan ne’e tenki kompleta ho soberania hanesan tasi, rai, lalehan maski laiha buat ida, maibe ne’e ita nia soberania,ho ida ne’e ami konsidera ukun aan ne’e seidauk kompleta sekuandu ita nia fronteira tasi se iha hela negosiasaun nia laran”, dehan José.*

[Giberto Soares & Luis Soares | TAFARA.TL | Editor: Zevonia Vieira | 04.08.2017].

About Luis Soares

Luis Soares, Jornalista TAFARA.TL desde tinan 2015 ate a data.

Check Also

SEKOMS Halao Enkontru Ho HAK, Hodi Rona Avaliasaun Area Komunikasaun Sosial

“Komunikasaun entre instituisaun governante sira ba nia povu la dun lao diak, entaun povu rasik …

Leave a Reply

Your email address will not be published. Required fields are marked *