Sunday , June 24 2018
Home / Sosial & Politika / RENETIL Sei Organiza Kongresu Ba VII, Marí, Xanana No Bispu Dili Sei Sai Orador
RENETIL halo konferensia imprensa iha sede RENETIL kona ba preparasaun kongresu ba dahituk. [Foto: Mario Soares | 13.03.2018]

RENETIL Sei Organiza Kongresu Ba VII, Marí, Xanana No Bispu Dili Sei Sai Orador

Resistência Nacional dos Estudantes de Timor-Leste [RENETILI] sei realiza kongresu ba dahituk. Liu hosi konferensia imprensa ne’ebe halao iha sede RENETILI, portovaos Francisco Lires Belo, ba jornalista sira husu ba kuadru, militante no simpatizante RENETIL nian iha teritorio tomak atu partisipa ativa iha kongresu.

Francisco mos esplika katak kongresu ofisialmente sei loke hosi Primeiru Ministru, Dr. Marí Alkatiri iha loron 15/03, tanba ne’e husu ba militante no simpatizante sira nia prezensa iha kongresu no sei taka hosi Prezidente da Republika, Dr. Francisco Guterres Lú Olo iha loron 17/03

Hatan ba TAFARA.TL liga ho topiku tematiku ba orador sira, Prezidente Komisaun Organizador, Rigo Monteiro hateten sei hare liu konaba reforma isntituisaun, soberanu estadu no moral politika.

“Imprinsipiu topiku sentral ba kongresu ami nafatin koalia konaba revitalizasaun papel RENETIL iha prosesu dezenvolvimentu nasional. Primeiru Ministru, Dr. Marí Alkatiri sei koalia konaba reforma instituisaun no oinsa prepara prosesu ka tranzisional jerasaun ba lideransa. Xanana Gusmao sei koalia konaba soberanu do estadu no povu, liu-liu liga ba asumtu fronteira maritime. Amo Bispo sei koalia konaba moral politika lideransa nian, atu nune’e hanesan mesajen ida ba povu, ba juventude liu-liu ba organizasaun rezistensia sira, hanesan mesajen bukai ba future atu ukun nasaun ida ne’e”, hateten Rigo Monteiro

Tema sentral ba kongresu tinan ida ne’e mak “Revitalizasaun Papel RENETIL Hodi Garante Soberanu Estadu ho Povu”. Rigo hateten iha tempu pasadu povu luta ba asumtu rua hanesan lutba ba libertasaun patria no luta ba libertasaun fo povu, tanba ne’e mak RENETIL hanesan organizasaun rezistensia kaer metin nafatin prinsipiu ida ne’e no kontinua nafatin libertasaun do povu.

Tuir baze dadus membru RENETIL ne’ebe mak rezistradu hamutuk 500 resin, no sei fo oportunidade ba kompanhero sira atu mai rezistu. Tuir dadus iha tempu rezistensia kuaze iha 2337 resin. Iha tempu ukun an RENETIL halo fali rekrutamentu ba membru foun besik ona 200, inklui ne’ebe juradu tiha ona no mos ba membru sira agora dadauk sai simpatizante maibe sei iha faze preparasaun no fo formasaun ba sira sai militantante iha future.

Liu hos deklarasaun Conselho Central RENETIL [CCR] ha loron 9 Septembru 2017, fo mandate ba komisaun eventu RENETIL atu halo preparasaun ba kongresu RENETIL. Iha fulan Outubro 2017, harii ona komsaun organizadora hodi organiza kongresu RENETIL dahituk ne’ebe sei halao iha loron 15 to 17 Marsu iha CCD Dili. Iha konferensia imprensa 13/03 ne’e rasik esplika katak hanesan kovite aberta ba militante no simpatizante RENETIL iha teritoriu tomak. * [ Zevonia Vieira | TAFARA.TL | 13.03.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Sistema Online Iha Klinika Becora, Fasilita Inan Isin Rua Sira

Saude nudar seitor importante iha ema ida nian moris, ho saúde ne’ebe diak sei salva …

Leave a Reply

Your email address will not be published. Required fields are marked *