Sunday , June 24 2018
Home / Eleisaun Parlamentar / Rezultadu Enkontru PLP Mantein Opozisaun Lakohi Elisaun Antisipada
Prezidente PLP Taur Matan Ruak ho Sekreatriu Jeral Fretili, Dr.Mari Alkatiri hafoin intervista ho jornalista sira* [Ana Soares | TAFARA.TL | 10.08.2017].

Rezultadu Enkontru PLP Mantein Opozisaun Lakohi Elisaun Antisipada

Enkontru entre partidu Fretilin ho partidu PLP, ne’ebe mak partisipa direitamente hosi Prezidente PLP, Taur Matan Ruak, hamosu rezultadu katak hahu hosi premeiru PLP mantein pozisaun nudar opozisaun.

Lia fuan ne’e hato’o hosi Prezidente PLP, Taur Matan Ruak ba jornalista sira depois de enkontru ho lideransa partidu Fretilin, Sekretariu Jeral Fretilin, Dr. Mari Alkatiri.

“PLP hateten ho premeiru katak mantein opozisaun, segundu PLP lakohi iha elisaun antisipada”, hateten Taur Matan Ruak.

Taur Matan Ruak reafirma liutan katak,  enkontru entre PLP ho Fretilin lao diak los, PLP agredese ho konvite hosi Sekretariu Jeral Fretilin, Dr.Mari Alkatiri, no aproveita fo parabens ba vitoria ne’ebe Fretilin hetan ona iha elisaun parlamentar.

Hatan ba perguntas hosi TAFARA.TL katak karik iha posibildade atu halo koligasaun, Prezidente Taur kontinua hateten katak, PLP nafatin mantein pozisaun hanesan opozisaun no la aseita ho elisaun antisipada.

“PLP nian pozisaun premeiru ami mantein katak sai hanesan opozisaun, segundu ami reafirma katak ami la aseita iha elisaun antisipadas, siknifika prosesu ne’e sei lao, ita sei hare no sei sedu demais, partidu mais votadus mak hatene oinsa sei servisu ho partidu sira seluk”, esplika Taur Matan Ruak.

Iha fatin hanesan, Sekretariu Jeral, Dr.Mari Alkatiri ba TAFARA.TL hateten katak, Fretilin satisfas ho enkontru ida ne, tanba PLP komprende prefeitamente, no PLP nafatin mantein ba opozisaun, siknifika katak PLP hakarak mantein estabilidade no PLP rekonnese partidu mais votadus.

Ba TAFARA.TL nian perguntas kona ba iha enkontru ne’e mos partidu rua koalia kona ba programa partidu nian, atu bele implementa sekarik forma governu hamutuk?

Taur Matan Ruak hateten katak, sedauk to tempu koalia programa, sei koalia iha tempu seluk. Laiha posibilidade atu forma governu hamutuk, mantein pozisaun.

Votus mak determina votus ba partidu sira hodi hetan asentu iha parlamentar, oinsa mak partidu sira bele mantein unidade no estabilidade.

Ba TAFARA.TL Dr.Mari Alkatiri hateten katak , “hau fo ezemplu governu iha Portugal uza sistema governu minoria ka ukun mesak, maibe iha parte ida ka rua iha parlamentu lakohi partidu ne’e monu.

Ligadu statementu Dr.Mari Alkatiri, Prezidente PLP hateten katak, “buat ida ne’ebe ita spekula maibe karik aban bainrua la akontese karik”.

Eiz Premeiru Ministru, Dr.Mari Alkatiri liu hosi intervista ho jornalista sira, apela ba povu tomak atu la preokupa no fo konfiansa ba lideransa nasional sira atu lori hamutuk lori nasaun ne’e ba oin tanba lideransa nasional sira sei buka solusuan hamutuk.* [Zevonia Vieira | TAFARA.TL | 10.08.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Marí: Sai Opozisaun Forte Laos Hatun Governu, Maibe Atu Governu Bele Iha Sentidu Responsabilidade

“Hanesan sasuit ida hasai kutu nian, sasuit la serve deit para sui hau nia fuk …

One comment

  1. dinamika politika democratiku mak hanesan ne ona, nune mos tamba ita nasaun nurak nebe sei aprende hela prosesu democrasia nebe diak liu iha mundo. parabens ba lideransa sira tomak nia maturidade politika atu traca prosesu desenvolvimentu ba nasaun ida ne. abracos.

Leave a Reply

Your email address will not be published. Required fields are marked *