Wednesday , October 24 2018
Home / Sosial & Politika / RTTL.EP Sei La Halo Transmisaun Copa Mundial 2018, Negosiasaun RTTL ho TV-ETO+ Laiha Solusan
Prezidente Konselho Admnistrasaun RTTL.EP ho ekipa halo konferensia imprensa ho jornalista sira. [Foto: Zelia Ximenes | 08.06.2018]

RTTL.EP Sei La Halo Transmisaun Copa Mundial 2018, Negosiasaun RTTL ho TV-ETO+ Laiha Solusan

“Ha’u triste tanba RTTL.EP sei fo ba povu Timor-Leste tomak, sei la diskrimina atu kiak ka riku hotu hetan, maibe povu kbi’it laek bele hetan antenna k resiver ka lae”. Gil da Costa

Copa Mundial 2018 iha Rusia, ne’ebe sei monu iha loron 14 Junhu, hetan antusiasmu masimu hodi komunidade sira ne’ebe sei kaer idak-idak nian favorite hosi nasaun ne’ebe sira hili, maibe copa mundial tinan ida ne’e, komunidade sira iha Timor sei labele asesu copa mundial hosi canal RTTL.EP hanesan copa mundial iha tinan lima kotuk ba.

Prezidente Board RTTL.EP, Gil da Costa liu hosi konferensia imprensa ba jornalista sira hateten RTTL.EP sei la halo transmisaun direita ba Copa Mundia Rusia 2018 ne’ebe sei monu iha loron 14 Junho to’o 15 Julho , tanba TV-ETO+ mak manan Rekursu ne’e iha tinan kotuk liu ba.

Tuir Gil maske antes ne’e RTTL.EP sempre tenta atu bele hetan transmisaun direita, desde iniciu fulan Fevereiru, RTTL.EP hasoru TV-ETO+ hodi halo negosiasaun ba transmisaun direita Copa Mundial Rusia, iha loron 16 abril husi RTTL.EP no TV-ETO+ atu asina emboio ou karta kontratu, maibe husi parte TV-ETO+ hases an husi RTTL.EP rasik.

“Ekipa husi RTTL.EP ba diretamente iha TV-ETO+ atu konfirma, maibe TV-ETO+ rasik hakarak RTTL.EP bele halo transmisaun direita ba munisipiu tomak, maibe la inklui cidade Dili, tanba sira halo negosio liu husi faan antenna ka resiver hodi bele asesu copa mundial, tanba ne’e konselho Administrasaun RTTL.EP konsiente lakohi halo transmisaun direita refere no lakohi atu halo diskriminasaun ba ninia povu Timor-Leste”, dehan GIL iha edifisiu Rttl.ep, 08/06.

Entertantu GiL afirma katak RTTL.EP ne’e instituisaun estadu, labele atu diskrimina povu, tenke hetan hotu, ida ne’e mak pozisaun RTTL.EP ho negosiasaun naruk, RTTL.EP sei selu ho osan $150MIL ba TV-ETO+, nu’nee bele hetan lisensa transmisaun direita.

Prezidente RTTL.EP rasik halo ona esforsu hodi hasoru SECOMS no SEJD,hodi koalia konaba asumtu refere, tanba orsamentu la sustenta, liu husi ne’e SECOMS no SEJD hamutuk atu suporta orsamentu $150mil ba RTTL.EP, hodi bele halo negosiasaun ho TV-ETO+, ho orsamentu ne’ebe suporta husi SECOMS no SEJD, RTTL.EP laran metin katak RTTL.EP sei bele halo transmisaun direita, maibe realidade iha Reniaun ikus TV-ETO+ SEJD no RTTL.EP negosiasaun ne’e la iha sosusaun.

“Ha’u triste tanba RTTL.EP sei fo ba povu Timor-Leste tomak, sei la diskrimina atu kiak ka riku hotu hetan, maibe povu kbi’it laek bele hetan antenna k resiver ka lae. Razaun ne’e mak ohin RTTL.EP halao press conference hodi deklara ba publiku katak RTTL.EP, sei la halo transmisaun direita ba Copa Mundial Rusia 2018 ne’ebe sei mai”, esplika Gil

Liu hosi konferensia da imprensa Prezidente RTTL.EP hatoo deskulpa ba povu Timor tanba labele halo transmisaun direita ba Copa Mundial 2018 iha Rusia. * [ Zelia Ximenes | Editor: Zevonia Vieira | TAFARA.TL | 09.06.2018 ]

 

About Zelia Ximenes

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *