Thursday , May 23 2019
Home / Sosial & Politika / Rui Araujo: Politika Nasional Juventude Sai Baze Legal Hodi Halo Kna’ar
Primeiru Ministru RDTL Rui Maria Araujo hato’o nia diskursu iha tomada de pose ba membru konselhu nasional dezenvolvimentu juventude.* [Foto: Zinho MD | TAFARA.TL | 25.08.2017].

Rui Araujo: Politika Nasional Juventude Sai Baze Legal Hodi Halo Kna’ar

“Ita atu halo ida ne’e, ita tenki  koñese didiak dokumentu Politika Nasional Juventude,  hodi nune’e bele kontribui tuir areas ida-idak nian”, Dr.Rui Araujo.

Tuir definasaun Politika Nasional Juventude, iha parte 7 Conselho Nasional Dezenvolvimentu Juventude (CNJD) ne’ebe mak lidera hosi Premeiru Ministru.

Iha Diskurso, Dr.Rui Maria Araujo,  hateten Conselho ida ne’e, iha responsabilidade atu fó akonsolamentu no mós ajuda koordena atividade sira entre ministerio transversais hotu-hotu ne’ebé iha ligasaun ho atividade ho joven sira.

“Ita atu halo ida ne’e, ita tenki  koñese didiak dokumentu Politika Nasional Juventude,  hodi nune’e bele kontribui tuir areas ida-idak nian”, tenik Dr.Rui Araujo.

Iha sorin seluk, Secretario Estadu Juventude no Desportu, Leovijildo da Costa Hornai, Leovijildo Hornai dehan, investimentu ida ne’ebé lolos mak investimentu iha kuadrus polítikus ka iha dokumentus ne’ebé bele fó orientasaun hodi haree area prioridade sira.

“Governu liu husi Sekretaria Estadu Juventude Desportu rekoñese, ita hahu no komesa investe dada’uk ona. Investimentu ida lolos mak ita investimentu iha kuadrus polítikus, iha dokumentu sira ne’ebé bele fó orientasaun, fó vizaun no fó klareza atu nune’e ita bele hatur no ita bele define prioridade sira, iha curto praso, iha medio praso no iha longo prazo,” Espllika Leovigildo Hornai tenik.

Diretora Jeral Ministerio Interior,  Guelermina Filomena Saldanha Ribeiro, bainhira jornalista TAFARA.TL halo intervista, hateten katak senti orgullu no onra boot tanba bele hetan nomeiasaun hodi say membru CNJD.

“Hetan fiar atu mai tur hanesan konselleira iha Conselho,  atu oinsá ho de’it juventude nia prespetiva  hodi dezenvolvimentu ba future. Hanesan Timor oan simu responsabilidade ida ne’e, buka oinsá bele fahe tempu, atu nune’e bele asegura konfiansa ne’ebé mak ami nia Ministru fó”, dehan Diretora Jerál Ministeiru Interior.

Iha parte sorin jornalista TAFARA.TL halo intervista ho  Gestor Asosiasaun Difisiente Timor-Leste (ADTL), Cesario da Silva,   reprezentante  difisiente hodi sai hanesan membru ba CNDJ, sente  orgullu tanba ida ne’e hanesan oportunidade di’ak,  hodi bele lori asunto difisiente nia ba ema hotu bele rona.

Membru CNJD hamutuk nain 13 ne’ebé reprezenta ema nain ida husi Ministeiru relevantes, Secretaria Estado, Sosiedade Sivil, Organizasaun  juventude no ema ho difisiente. Serimónia tomada de pose ne’e hala’o iha Uma Biti SEJD, iha loron 25/08.* [Maria do Céu | TAFARA.TL | Editor: Martinho Moniz | 25.08.2017].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *