Friday , September 21 2018
Home / Sosial & Politika / SECOMS: Governu iha Komitmentu atu Kopera ho Media Sai Ekipa ba Nasaun
Sekretaria Estadu Komunikasaun Social Realiza enkontru informal ho Diretor no Chefe Redasaun midia imprime, radio, televizaun no online iha salaun refeitoriu Prezidensia Konsellu Ministrus, Palacio Governu, Dili.[Foto: Martiho Moniz | TAFARA.TL].

SECOMS: Governu iha Komitmentu atu Kopera ho Media Sai Ekipa ba Nasaun

Ida husi programa perioridades Sekretaria Estadu Komunikasaun Sosial (SECOMS), VIII Governu Konstitusioanl maka oinsa bele kolabora, komunika maluho media sira hodi bele sai ekipa ba nasaun ho ida-idak ninia knar.

Afirmasaun ne’e hato’o husi Sekretaria Estadu Komunikasaun Sosial (SECOMS), Mericio Akara iha intervensaun dahuluk bainhira halo enkontru informal ho Diretor no Chefe Redasaun midia imprime, radio, televizaun no online iha salaun refeitoriu Prezidensia Konsellu Ministrus, Palacio Governu, Dili, ohin (Quinta-feira, 05/07/2018).

Governante ne’e husu atu ­stakeholder estadu nian liuliu area komunikasaun sosial kolabora hodi kria espasu ba sosiedade sivil, intelektuais no membru komunidade baibain bele expresa sira hanoin, kritikas no opinioens kritikus ruma.

“Iha kontekstu ida ne’e koperasaun atu fasilita debate publiku barak, para diferensias sira oi-oin, kritika oioin, rajaun oioin, tau to’ok iha publiku para publiku bele haree se nia razaun mak diak liu, se nia ideia mak terestruktur (estruturadu red.) liu, i se nia ideia mak keta trata malu liu, ne’e publiku mak sei julga ita hotu, inklui ami,” dehan Akara.

Mericio Akarak salienta, oinsa simplifika reportajem sira ne’e para komunidade iha baze bele entende, i fasilita kanaliza sira nia ideias mai nasional para bele uja. Iha parte seluk Governante ne’e hanoin mos oinsa atu dezemvolve citizen journalism atraves fo formasaun ba joven nain tolu/hat iha nivel suku, postu, munisipiu, sira  bele sai fontes informasaun husi povu ba Nasional ka husi nasional ba Povu.

Eis Diretor Luta Hamutuk ne’e hateten, tuir peskiza, observasaun balu mensiona katak maioria iha area rurais ladun hetan informasaun mak adekuadu hanesan ema mak iha Dili. Nune’e presija kolaborasaun ema hotu nian, li-liu orgaun komunikasaun sosial hodi avansa meius hotu-hotu mak bele para fasilitakomunidade iha areas rurais hodi asesu inforamsaun. Governante ne’e enfatiza, la’os komunidade iha Dili deit mak bele asesu ba informasaun mak adekuadu maibé, sira ne’ebé mak hela iha area rurais mos iha direitu hanesan. Povu Timor hotu presija no merese atu hetan informasaun mak adekuadu hanesan.

“Hanesan Governu kria politika ida katak, ita sei promove komunikasaun internal, external. Entre ita internal iha komunikasaun forte, external bele sai mos fontes prinsipal entre estadu, governu ho nain ba estadu no governu mak povu.”

Nune’e VIII Governu Konstitusional liu husi SECOMS sei halo esforsu hotu hodi fo perioridades ba Radio Televizaun Timor-Leste nu’udar empreza publika, Radio Komunidade no mos ajensia TATOLI hodi bele transmite informasaun iha rai laran no mos ba rai liur.

Akara hakle’an, politikamente SECOMS iha komitmentu atu reforsa saida mak durante ne’e la’o diak iha area komunikasaun sosial, sei haree mos obstaklu balun mak durante ne’e midia sira infrenta iha nivel policy, operasional, tekniku, administrativu nian tenki iha korajem atu hadia. Klaru katak instituisaun idaidak iha nia independensia rasik, iha ninia regras, mantem independensia ne’e maibé hanesan sidadaun, hanesan timor-oan sempre bele kolia ba malu, fo responsabilidade ba nasaun, estadu no ba povu.

Nia hatutan, bainhira iha obstaklu ne’ebé media hasoru mak  liga ho lei, regulamentu ruma sei haree hodi hadia, halo revizaun. Ne’ebe kuandu diak ona presija reforsa i tenki aplika nune’e ema hotu tuir lei. Se iha nivel operasional em termus jestaun, administrasaun presija hare estrutura ida-idak nian nune’e bele responsabiliza.* [Martinho Moniz | TAFARA.TL | 05.07.2018].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *