Saturday , April 20 2019
Home / Sosial & Politika / SEJD Lansa Livru Politika Nasional Juventude no Desportu
SE SEJD, Leovigildo Hornai, Ekipa 11, Mikato, Presidente CNJTL, Maria Dadi no Diretor Geral SEJD Metodio Moniz.[Foto: Martinho Moniz | TAFARA.TL | 17.08.2018].

SEJD Lansa Livru Politika Nasional Juventude no Desportu

SEJD Halo Lansamentu ba Livru Politika Nasional Juventude no Politika Nasional Desportu, hodi ofisializa atu bele fo fali ba membru Governu ne’ebe mak sei mai hodi implementa politika ne’e.

Tuir Sekretariu Estadu Juventude No Desportu (SEJD), Leovigildo Hornai esplila katak politika politika dezemvolvimentu ba desportu no politika dezenvolvimentu juventude bele dehan vizaun integradu.

“Kuandu ita iha estadu ida, iha governu ou Nasaun ida liu-liu ita tenke difini politika, Politika ne’e vizaun ida orienta ita atu ita bele to’o. ita nia politika dezenvolvimentu ba besportu  no politika dezenvolvimentu juventude ne’e bele dehan katak vizaun integradu ida, para ita halo buat ida tenki kaer ba politika ne’e, hatur husi ita nia vizaun”, dehan Leovigildo iha SEJD 17/08/2017.

Iha fatin hanesan Prezidente Espesial Olimpik Timor-Leste, Maria Domingas Fernandes Alves, ne’ebe hola parte mos iha ekipa 11, esplika katak politika nasional ne’e tenki iha duni,  atu bele garante governu, hodi bele iha politika ne’ebe dezenvolve no organiza federasaun Desportu hotu. Iha politika desportu ne’e koalia konaba Rekreativu, Alta kompetisaun no Eskolar.

“Desportu ne’e mak importante, tanba desportu mak sai karakter ba ema no ami husu para goovernu ne’ebe mai, bele iha politika ne’ebe diak, bazeia ba politika desportu, atu Nune’e bele dezenvolve desportu diak liu ba Timor-Leste”, tenik Maria Domingas Alves.* [Henrique Soares | TAFARA.TL | Editor: Zevonia Vieira | 17.08.2017].

About Henrique Soares de Jesus

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *