Wednesday , October 24 2018
Home / Sosial & Politika / SEKOMS Halao Enkontru Ho HAK, Hodi Rona Avaliasaun Area Komunikasaun Sosial
Sekretaria Estadu Komunikasaun Sosial, Mericio Akara simu relatoriu monitorizasaun hosi Direitor Yayasan HAK Manuel Monteiro. [Foto: Zelia Ximenes | 06.08.2018 ]

SEKOMS Halao Enkontru Ho HAK, Hodi Rona Avaliasaun Area Komunikasaun Sosial

“Komunikasaun entre instituisaun governante sira ba nia povu la dun lao diak, entaun povu rasik ladun hatene progresu dezenvolvimentu, ne’ebe mak kada ministerio dezenvolve, hodi hatan ba sira nia direitu fundamentu sira. Sira presiza bee moos, presiza estrada rural ne’ebe diak no sira presiza saude produsaun alimentar no edukasaun ne’ebe diak”. Manuel Monteiro

Sekretario Estadu Komunikasaun Sosial [SEKOMS], alende halao visita ba instituisaun media no asosiasaun media, SEKOMS mos halao vizita ba organizasaun sosiadade sivil sira.

Bainhira Sekretaria Estadu Komunikasaun Sosial, Mericio Akara halao vizita ba Yayasan HAK, ba jornalista sira, Akara Hateten katak aproveita meius komunikasaun sira ne’ebe iha, hodi bele komunika ba malu nafatin, oinsa parte governu halo komunikasaun ho povu, parseiru inklui sosiadade sivil konaba planu programa governu nian.

Akara hateten prioridade governu nianmak inklui orsamentu, to ezekusaun orsamentu atu publiku no sosiadade sivil sira, bele akompanna hodi uza hanesan informasaun, hodi tau matan ba lalaok governu nian.

Sorumutu ne’ebe halo ho Yayasan HAK iha loron 06/08, ba jornalista sira Akara esplika katak, objetivu hosi sorumutu ne’e, sosiadade sivil sira fo hanoin no avaliasaun konaba area komunikasaun sosial, durante ne’ebe sedauk lao ho diak, atu hare parte negative no positivu.

“Membru HAK hato’o sira nia hanoin kona ba knaar RTTL.ep katak iha parte balun seidauk maksimal, haree mos ba iha radio nia pozitivu no negativu. Instrument hirak ne’e, oinsa ita uza no maksimiza, para parte rua govenru no estadu bele intende didiak povu nia hanoin, povu nia prespektiva iha tempu hanesan”, hateten Akara iha aula HAK Farol.

Akara mos konfirma katak governu garante area komunikasaun sempre kolabora, maibe idak-idak kontinua halao ninia knaar hanesan sosiadade sivil, fo ideas, kritikus bazea ba dadus sira, hodi halo atividade promosaun ba transparensia.

Iha fatin hanesan, Direitor Ezekutivu Yayasan HAK, Manuel Monteiro Fernandes hateten preokupasaun iha pontu lima importante ne’ebe hatoo ba SEKOMS, hanesan kontrola komunikasaun, koordenasaun interministerial tanba ladun lao diak, iha enkontu Konselho Ministru sempre konvoka enkontru maibe iha implementasaun la tuir planu

“Iha ministerio ida ba halo dezenvolvimentu ida, ida seluk ba sobu. Ami halo komparasaun parte bee moos nian, sira ba fera dalan, hodi halo kanalizasaun besi beee nian, depois sira taka tiha, parte dalan ninian sira ba halo drainazen, sira sobu fila fali. Entaun ida ne’e ita hare’e katak dezenvolvimentu ne’ebe la integradu, dezenvolvimentu ne’ebe mak laiha koordenasaun ne’ebe diak”, hateten Manuel

Manuel mos deklara katak komunikasaun entre instituisaun governante sira ba nia povu la dun lao diak, entaun povu rasik ladun hatene progresu dezenvolvimentu, ne’ebe mak kada ministerio dezenvolve, hodi hatan ba sira nia direitu fundamentu sira. Sira presiza bee moos, presiza estrada rural ne’ebe diak no sira presiza saude produsaun alimentar no edukasaun ne’ebe diak.

Direitor HAK ne’e mos informa katak SEKOMS iha komitmentu atu halao enkontru kada fulan tolu ho sosiadade sivil sira. Ida ne’e pasu diak ida, atu sosiadade sir abele atu rezultadu monitorizasaun ba governu direitamentu. * [ Zelia Ximenes | Editor: Zevonia Vieira | TAFARA.TL | 07.08.2018 ]

About Zelia Ximenes

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *