Thursday , May 23 2019
Home / Sosial & Politika / Sidadaun Hadomi Paz fo Opsaun ba Partidu Politiku Sira Hodi Forma Governo
Dr. Isabel no Porta voz SHP Luis Sampaio hamutuk ho Secretario Geral Partidu CNRT Francisco Kalbuady Lay foto hamutuk depois remata enkontru.[Foto: Zinho MD | TAFARA.TL | 15.08.2017].

Sidadaun Hadomi Paz fo Opsaun ba Partidu Politiku Sira Hodi Forma Governo

Sidadaun nia votus nudar determinasaun ba nasaun nia destinu durante tinan lima nia laran, tamba ne’e partidu politiku sira tenke kuidadu didiak konfiansa ne’ebe hetan husi povu sira.

Sekretariu Geral Partidu CNRT Francisco Kalbuady Lay louva ba Sidadaun da paz nia inisiativa. Nia hatete liafuan ida ne’e bainhira hasoru malu ho Sidadaun ba Paz, iha Sede CNRT, ohin dader.

“Partidu CNRT ho ksolok no onra bo’ot simu inisiativa ne’ebe maka halao husi sidadaun da paz ne’ebe kompostu husi sidadaun oi-oin ne’ebe lidera husi Dr. Isabel ne’ebe hanoin katak atu kontribui ba paz mos estabilidade. Ne’e laos husi partidu ida-idak nian dever deit, maibe dever sidadaun tomak nian ho ida ne’e mak ita tenke kria ambienta paz, kria mos ambiente konfiansa entre partidu politiku nune’e mos ho sidadaun hotu,”explika Kalbuady.

Porta voz Sidadaun Hadomi Paz, Luis Sampaio hateten inisiativa ida ne’e ami halo ho lider politiku sira orgaun soberano sira.

“atu hato’o ami nia hanoin fo korajen nafatin, fo forsa nafatin ba sira ho fiar ba ita nia lider politiku sira atu buka elabora opsaun alternativas sira diak liu atu hare’e dalan ida diak liu ba formasaun governu tuir mai. Ita kontinua fo konfiansa ba lider politiku sira hotu, ita fiar katak sira hotu iha komitmentu ida deit atu asegura estabilidade paz no kontinuasaun dezenvolvimentu ne’ebe ita lao tia durante tinan sanulu  nia laran. No save mak estabilidade no kuandu ita iha estabilidade oportunidade ba dialogu  aproximasaun politika sei iha dalan ba ita, sei hetan dalan ida diak liu ba governu ida tuir mai,”tenik Luis Sampaio hafoin hasoru malu ho partidu CNRT.

Porta voz ne’e mos esplika liu tan katak enkontru ida ne’e hanesan Sidadaun da Paz mai fo deit opsaun ba politku sira hodi hanoin no jere realidade situasaun ne’ebe mak iha, liu liu atu apresia no konsidera votus ne’ebe hanesan sidadaun ita fo tia ona.* [Jesuino Marcal de Jesus | TAFARA.TL | Editor: TAFARA.TL | 15.08.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *