Saturday , July 21 2018
Home / Sosial & Politika / Sidadaun Ne’ebé Produtivu, Moris ho Ksolok Mak Meta ba VIII Governu Konstitusional
[Foto: Saiba Mais].

Sidadaun Ne’ebé Produtivu, Moris ho Ksolok Mak Meta ba VIII Governu Konstitusional

“Se ita husu dehan perioridade governu ida ne’e ba fian nia mandatu mak saida? maka ita hakarak kontribui, ita hakarak hari sosiedade ida, povu ida ne’ebé ke la hamlaha, ne’ebé livre husi kiak, no hetan prosperiedade material espiritual. No fim Governu ida ne’e tenki produz, lori, kria moris ida ne’ebé produtivu no nakonu ho ksolok ba nia sidadaun.”

Lia ne’e hato’o husi Ministru Reforma Lejislativa no Asuntu Parlamentares, Fidelis Magalães iha enkontru ho media nain sira, bainhira aprezenta portofoliu perioridades VIII Governu nian ba Diretor no Chefe Redasaun sira hodi nune’e midia bele komprende no kanaliza diak liu ba publiku.

Atu konkretiza meta mak mensiona, VIII Governu Konstitusional hakarak investe liu iha rekursu humanu, hadia edukasaun, no fo treinamentu ba sidadaun sira li-liu ba populasaun joven. Tanba demografikamente populasaun Timor maioria ho ema foinsa’e. VIII Governu mos iha ambisaun ida hakarak kria kampu de traballu (tempat kerja) minimu 300.000 to’o mandatu remata ka durante tinan lima. Ne’ebé idealmente kada tinan kria kampu servisu pur volta 60.000. VIII Governu mos sei kontinua politika inkluzaun, partisipasaun ba joven, no ba feto iha ekonomia no iha pulitika.

Bainhira atu kria kampu de traballu hirak ne’e, Ministru Reforma Lejislativa no Asuntu Parlamentares konfirma katak, governu presija kontinua ho programa diversifikasaun ekonomia, redus independensia ba minarai, ao mesmo tempu fo oportunidade traballu ba ita nia populasaun.

“Primeiru ministru dehan, ita bo’ot sira rona ona ami repete fila fali, ita hakarak halo, aumenta liu tan ba promosaun koejaun nasional, katak atu halo nasaun metin liu. Mais para halo nasaun metin labele konsentra deit iha sentrus urbanus balun, iha vilas balun, iha sidade balun, aruma tia areas rurais sira, ne’ebé maka maioria husi ita nia populasaun hela ba,” tenik Fidelis.

Ministru Reforma Lejislativa no Asuntu Parlamentares akresenta, pursentu 70 resin husi populasaun timor kontinua moris hanesan agrikultor, hela iha areas rurais. Nune’e dezentralizasaun kontinua sai perioridade mos ba VIII Governu konstitusional, i oinsa la’os deit diversifika ekonomia maibé lori governu hakbesik ba sidadaun iha jonas rurais sira. Ne’e mak ideias jerais kona-ba perioridade governu ida ne’e nian.* [Martinho Moniz | TAFARA.TL | 06.07.2018].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Governu Hato’o Pedidu 140 Milloens ba Parlamentu Nasional Hodi Responde ba Situasaun Atual

Relasiona ho liquides estadu ka orsamentu estadu laiha, VIII Governu Konstitusional atraves Konsellu Ministrus ohin …

Leave a Reply

Your email address will not be published. Required fields are marked *