Friday , February 23 2018
Home / Siensia & Teknolojia / Oinsa Sura Rasik Enerjia Eletrisidade Iha Uma
Figura Ilustrasaun

Oinsa Sura Rasik Enerjia Eletrisidade Iha Uma

Dalaruma akontese iha ita nia uma, enerjia eletrisidade derepenti deit tun tiha, at liu tan halo “ahi mate” ka “ahi mate piska-piska”. Sasan elektroniku bele keima hotu.

Nune’e mos ba hirak nebe mak uza hela komputador, derepenti deit komputador mesak restart. Lalika hakfodak, dalaruma ida ne’e kauza hosi enerjia eletrisidade nebe tun/sae ka la estavel. Laos tanba komputador mak at.

Iha kauzas lubuk ida mak afeta ba enerjia eletrisidade la estavel:

  • Instalasaun eletrisidade mak la tuir padraun [standard];
  • Uza fiu ho kualidade ladiak ka la apropriadu;
  • Maneira tutan fiu eletrisidade nebe la los, ka la falun ho didiak;
  • Uza sasan elektroniku barak/bot liu tiha kapasidade enerjia mak instala.

Wainhira akontese situasaun hanesan temi iha leten, cek uluk mak kapasidade enerjia mak instala iha ita nia uma. Serteza enerjia eletrisidade mak iha bot liu tiha total enerjia mak sasan eletroniku sira presiza atu funsiona.

Por ezemplu, total enerjia eletrisidade mak instala iha ita nia uma 450 Watt. Iha tempu mak hanesan Antonio hamoris hela komputador ho enerjia nesesaria 300 Watt. Nune’e mos Antonia tein hela etu ho rice cooker ho kapasidade 300 Watt. Total enerjia nesesaria 600 Watt, nebe bot liu tiha total enerjia eletrisidade mak instala iha sira nia uma. Konsekuensia ne’e mak kontador “haksoit”, hodi rezulta “ahi mate”.

Oinsa atu hatene total enerjia eletrisidade mak instala iha ita nia uma?

Hare iha kuadru eletrisidade, iha parte MCB mak monta hosi Electricidade de Timor-Leste [EDTL].  Iha neba hakerek 230V [Volt] no 10A [Ampere]. Agora, sura total enerjia mak iha ho formula:

Watt = A [Ampere] x V [Volt] ———-> Watt = 10A x 230V = 2300 ———-> Nune’e total enerjia mak instala = 2300 Watt.

Ho total enerjia bot hanesan ne’e, Antonio bele operasiona komputador konforme nia hakarak wainhira Antonia tein hela ida dapur uza rice cooker. Naran keta haluha no baruk sosa pulsa eletrisidade iha EDTL.* [MCMONIZ | TAFARA.ORG | 03.01.2016].

About Metodio Caetano Moniz

Metodio Caetano Moniz, nudar Senior Editor & Fundador TAFARA.TL, hamutuk ho Fernando A. da Costa & Zevonia Vieira.

Check Also

INDMO Realiza Sertame ba Sentru Formasaun Publiku no Privadu

Institutu Nasional Dezenvolvimentu Mão de Obra (INDMO) loke sertame ba Sentru Formasain Publiku no Privadu. …

Leave a Reply

Your email address will not be published. Required fields are marked *