Thursday , May 23 2019
Home / Sosial & Politika / Sirkulu Sidadaun Hadomi Dame Firme, Favor ba Ambiente Dame, Unidade no Estabilidade Nasional
Ekipa Sirkulu Sidadaun Hadomi Dame, hato'o apresiasaun ba VII Governu Konstitusioanl, atraves komunikadu imprensa. [Foto: Martinho Moniz | TAFARA.TL | 18.09.2017].

Sirkulu Sidadaun Hadomi Dame Firme, Favor ba Ambiente Dame, Unidade no Estabilidade Nasional

Sirkulu Sidadaun Hadomi Dame  manifesta vontade loloos no firme atu kontinua kontribui, iha tinan lima mai oin, mobiliza sidadaun sira, favor ba ambiente ida dame, toleransia, unidade no estabilidade nasional, kondisaun fundamental sira hodi tulun titular sira ba orgaun soberania oi-oin, liu-liu Governu, hodi atinji objetivu Estadu nian, ne’ebe defini iha Artigu 6o Konstituisaun RDTL.

Deklarasaun ne’e hato’o iha komunikadu imprensa edisaun ohin, iha Sede Veteranus, Taibesi, Dili, Timor-Leste. Sirkulu Sidadaun Hadomi Dame fo parabens ba membrus VII (sétimo) Governu Konstitusionál nian, ne’ebé aseita ona ezijensia difisil, hodi lidera distinu nasaun iha tinan lima mai, no fo agradese tamba fó ona resposta oportunu, ba preokupasaun sira ne’ebé ita nia povu sente, tamba demora ba formasaun plataforma governativa ida.

Iha sentidu ida ne’e Sirkulu Sidadaun Hadomi Dame hakarak saúda aktu korajozu no responsável ne’e, ba Partidu Politiku sira ne’ebe hetan votus liu iha eleisaun foin lalais, hodi avansa ba formasaun Governu minoritariu, votu espesial ba ezitu no susesu, ba Primeiru Mnistru foun, Dr. Mari Alkatiri.

Sirkulu Sidadaun Hadomi Dame mos saúda ba disponibilidade Partidu Demokratiku (PD), hodi fo apoiu ba formasaun iha VII Governu. Kongratula ba sivismu bo’ot ne’ebe hatudu iha atitude no komportamentu sidadaun sira nian iha prosesu tomak eleitoral nian, no durante hein ba andamentu ne’ebe foin liu iha semana sia (9) nia laran tuir kedas eleisuan lejislativa.

Iha komunikadu imprensa ne’e Porta Voz Sirkulu Sidadaun Hadomi Dame, Luis Oliveira Sampaio afirma, “Ita hotu hetan parabens, dala ida tan ita hatudu estabilidade iha ita nia sistema politiku, iha komprimentu ba ordenamentu konstitusionál no legal ne’ebé estabelese ona, elojiu barak ne’ebé hetan husi nível internasional, foti sa’e Timor-Leste hanesan referénsia demokrasia ba nasaun sira seluk iha dalan dezemvolvimentu.

Sirkulu Sidadaun sira Hadomi Dame hato’o votus inisiativa sira ba entendimentu, ba konferensi ho sosidade sivil, ba konsensu alargadu sira no ba audisaun/rona sidadaun sira, bele produs fuan diak konforme defende Iha misaun Sirkulu ba Sidadaun Hadomi Dame favor ba: “demokrasia ida ativu, esklaresidu, kritiku no koñesedora ba ninia responsabilidadde sira. Ida ne’e mak dalan diak ba sidadaun iha séculu XXI ne’ebe la’os emosional maibe rasional hodi buka solusaun ba dezafiu sira nasaun nian.

Sirkulu Sidadaun Hadomi Dame mos manifesta sira nia ksolok bo’ot tebes ba konteudu no ba deklarasaun líder politiku sira nian ba koligasaun, tuir akordu governu nian ne’ebe divulga ba orgaun sira komunikasaun sosial nian, husi loron 14 fulan Setembru tinan 2017, liu-liu iha ninia prinsipiu sira no iha kompromisu sira ne’ebé asumi ho povu.

Maske nune’e Sirkulu Sidadaun Hadomi Dame nafatin alerta ba risku sira ne’ebe sei mosu, karik lider politiku sira la honestu no humilde hodi halo dialogu politiku ida, ho responsabilidade no konsistente. Tamba atu halo tranzisaun ida diak depende ba hahalok lider sira nian maka sai ejemplu ba jerasaun foun no Povu sira hotu.

Komunikadu imprensa ne’e hala’o iha Edifisiu Eix Veternus, Taibesi, Dili, partisipa direita husi membru Sirkulu Sidadaun Hadomi Dame. *[Martinho Moniz | Estajiariu Dep.CS, UNTL | TAFARA.TL | Editor:  Ato Lekinawa Costa   |  18.09.2017].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *