Saturday , July 21 2018
Home / Sosial & Politika / Situasaun Seguransa iha TL la’o hakmatek, Prezidente Republika Apresia Servisu PNTL
Komandante Jeral PNTL, Komisariu Julio Hornai halo hela intervista ho Jornalista sira iha Palacio Prezidente Nicolau Lobato, Dili. [Fontes Foto Internet]

Situasaun Seguransa iha TL la’o hakmatek, Prezidente Republika Apresia Servisu PNTL

Kabe ba mandatu konstituisaun nian ne’ebe hateten Prezidente Republika nu’udar Xefe Estadu no Simbolu Unidade Nasional, Quinta Feira-Ohin, Komandante Jeral PNTL Komisariu Julio Hornai hasoru malu ho Prezidente Republika, Dr. Francisco Guterres Lu-Olo hodi informa situasaun seguransa iha teritoriu nasional Timor-Leste kona-ba akontesetimentu durante peirodu Agostu 2017.

“Ami informa situasaun em Jeral ba Exelensia Prezidente da Republika konaba teritoriu tomak, saida mak akontese durante tempu ida ne’e, klaru katak situasaun la’o hakmatek, insidentes, asidente ne’ebe mak akontese iha fulan Agostu. Informa mos partisipasaun Polisia Nasional Timor-Leste iha Konferensia Polisia Asia ASEAN nian [ASEANPOL] iha Singapura, ho mos kazus balu ne’ebe mak importante atu informa ba Prezidente Republika,” dehan Komandante Jeral PNTL, Komisáriu Julio Hornai ba Jornalista sira iha Palacio Prezidente, Aitarak-Laran, Dili.

Komandante Jeral PNTL, Komisariu Julio Hornai afirma katak iha Fulan Agostu kazus asidente iha 175, no konsege reduz kazu 19 resin. Julio Hornai espera katak fulan Setembru bele redus ba bebeik liu husi sosializasaun konaba  tranzitu ba sosiedade, iha eskola, komunidade hodi entende regras tranzitu nune’e bele respeita, no bele diminui asidentes mak akontese iha estrada publiku.

Entretantu Prezidente apresia servisu PNTL, hahu husi kampaña ba eleisaun to’o tomada de pose, no to’o ohin loron PNTL hala’o nia knaar ho diak hamutuk ho Forsa Defeza [F-FDTL], mantein nafatin estabilidade no paz iha rai laran. Prezidente Republika husu atu mantem nafatin servisu PNTL nian hodi kontribui ba paz no estabilidae nasional.

“Prezidente Apresia tebes servisu Polisia Nasional Timor-Leste hahu husi kampaña ba eleisaun to’o tomada pose, i to’o ohin loron Polisia Nasional Timor-Leste hala’o nia knar ho diak hamutuk ho ita nia Forsa Defeza em kopersaun de servisu, ita mantem nafatin, husu para ida ne’e mantem nafatin estabilidade no paz iha Ita nia rai laran,” tenik Komisariu Julio Hornai.

Enkontru ne’e hala’o kuaze horas ida, entre Komandante Geral Komisariu PNTL Julio Hornai no Segundu Komandante PNTL, Komisariu Faustino da Costa ho Prezidente Republika Dr. Francisco Guterres Lu-Olo iha Palacio Prezidente Nicolau Lobato, Aitarak-Laran, Dili. *[Martinho Moniz | Estajiariu Dep.CS, UNTL | TAFARA.TL | Editor: Zevonia Vieira | 21.09.2017].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Governu Hato’o Pedidu 140 Milloens ba Parlamentu Nasional Hodi Responde ba Situasaun Atual

Relasiona ho liquides estadu ka orsamentu estadu laiha, VIII Governu Konstitusional atraves Konsellu Ministrus ohin …

Leave a Reply

Your email address will not be published. Required fields are marked *