Saturday , July 21 2018
Home / Siensia & Teknolojia / Solusiona Matematika ho Aplikasaun Photomath iha Telemovel
Aplikasaun Photomath, rezolve problema matematika ho simples. [Foto: Croatian World Network].

Solusiona Matematika ho Aplikasaun Photomath iha Telemovel

Smartphone ka telemovel ohin loron laos deit ona nudar meius komunikasaun, maibe bele azuda ita hodi rezolve problemas, liu-liu ba estudante hirak nebe hasoru difikuldade ho siensia matematika.

Kompania Photomath, Inc. produz ona aplikasaun ba smartphone hanaran Photomath, nebe azuda estudantes ka ema babain para solusiona problemas ka perguntas matematika. Aplikasaun ne’e oferese ho gratuita no bele instala iha smartphone ho plataforma Android ka iOS.

Ho Photomath, matematika laos ona “momok” (buat nebe hamtauk) ba estudantes. Aplikasaun ne’e suporta kalkulasaun aritmética, números inteiros, frações, números decimais, raízes, expressões algébricas, equações / desigualdades lineares, equações / desigualdades quadráticas, equações / desigualdades absolutas, sistemas de equações, logaritmos, trigonometria, funções exponenciais e logarítmicas, derivados e integrais.

Admira liu tan pergunta matematika bele hatama hanesan kalkulator bai-bain, bele mos atraves kamera telefone, konhese handwriting, no mos hatudu ba ita, pasu por pasu ate hetan rezultadu final. Simplesmente hakerek pergunta matematika ho lapizeira iha surat tahan mutin, uza telemovel hasai fotografia hosi pergunta refere, automatikamente Photomath halo kalkulasaun rasik no hatudu rezultadu ikus, inklui instrusoens detalhes pasu por pasu hodi hetan rezultadu ne’e.

Ba hirak nebe mak uza telemovel ho sistema operasaun Android (Samsung, Oppo, Lenovo, nst.) bele download Photomath versaun 4.0.3 (update ikus iha dia 9.11.2017) atraves Play Store. Asesu ba Play Store, ketik palavra “Photomath” iha koluna Search, pois halo instalasaun iha telemovel hanesan bai-bain. Hirak nebe mak uza iOS (iPhone, iPad) bele halo instalasaun atraves Apps Store.

Tuir mai Autor hatudu rezultadu kalkulasaun matematika iha Photomath.

Espera artigu ida ne’e bele azuda alin estudante sira hotu wainhira aprende matematika. Aproveita oportunidade ida ne’e Autor fo hanoin nafatin ba alin sira atu uza telemovel laos deit hodi asesu rede sosiais, maibe uza mos hodi buka referensia ba dezenvolve rasik ita nia kapasidade.* [MC. Moniz | TAFARA.TL | 07.02.2018].

 

About Metodio Caetano Moniz

Metodio Caetano Moniz, nudar Senior Editor & Fundador TAFARA.TL, hamutuk ho Fernando A. da Costa & Zevonia Vieira.

Check Also

INDMO Realiza Sertame ba Sentru Formasaun Publiku no Privadu

Institutu Nasional Dezenvolvimentu Mão de Obra (INDMO) loke sertame ba Sentru Formasain Publiku no Privadu. …

Leave a Reply

Your email address will not be published. Required fields are marked *