Saturday , May 26 2018
Home / Sosial & Politika / Somotxo Garante Funsionamentu Instituisaun Defeza no Seguransa
Ministru Defeza no Seguransa, José Agostinho Sequeira “Somotxo" halo entrevista ho jornalista sira iha palacio prezidensia ho jornalista sira. [Foto: Zevonia Vieira | 05.01.2018]

Somotxo Garante Funsionamentu Instituisaun Defeza no Seguransa

“Funsionamentu instituisaun defeza no seguransa aguenta ho orsamentu duadesimu, maibe tenki koa buat barak, hanesan prioridades sira ne’ebe la’os atu halo agora, prepara hotu ba tempu seluk ne’ebé iha ona orsamentu”. Somotxo

Ministru Defeza no Seguransa, José Agostinho Sequeira “Somotxo halo enkontru semanal ho Prezidente da Republika, hodi informa servisu iha area defeze no seguransa nian.

Hafoin remata enkontru ba jornalista sira, iha palacio prezidensia, 16/01, Somotxo afirma, Prezidente da Republika hakarak hatene kona-ba funsionamentu instituisaun defeza no seguransa nian, haree ba orsamentu duadesimu ne’ebe Governu sei implementa ka ezekuta.

Prezidente husu kona-ba orsamentu duadesimu ne’e, Hau esplika ba senhor Prezidente katak dua desimu nee, hanesan ba bens e servisus ho salario dos vencimentos, laiha capital menor ne’ebe hanesan instituisaun funsiona diak tenki aperta sintu, tamba realidade mak ne’e, aperta sintu para instituisaun rua ne’e bele funsiona”, dehan Sumotxo.

Ministru Defeza no Seguransa garante ba Xefe Estadu katak, funsionamentu instituisaun defeza no seguransa aguenta ho orsamentu duadesimu, maibe tenki koa buat barak, hanesan prioridades sira ne’ebe la’os atu halo agora, prepara hotu ba tempu seluk ne’ebé iha ona orsamentu.

Xomotxo akresenta mos kona-ba medidas de seguransa ne’ebe Sosiedade Sivil kestiona, Sumotxo haktuir katak, nia iha kompetensia tomak, para atu halo medidas de seguransa, tamba kona-ba seguransa e defeza, hanesan nudar ministru, uluk kedas nia iha esperiensia kona-ba medidas de seguransa. Skarike Sosiedade Sivil sente ida ne’e hanesan ameasa ida ba se deit, ba orgaun soberania, medidas seguransa ne’ebe agora daudaun aplika maka prevensaun, hanesan Portuges dehan ita preve duke ita remede, signifika katak prevene atu situasoens sira be at ne’e labele mosu, duke akontese mak foin buka solusaun.

“Tan ida ne’e mak medidas de seguransa agora iha Parlamentu Nasional ne’e simplesmente medidas de seguransa prevensaun. La’os atu ameasa ba Orgaun Soberania, ita haree funsionamentu instituisaun nian ne’e compete mos ba defeza i seguransa, atu garante seguransa para instituisaun estadu ninian bele funsiona diak”, tenik Sumotxo.

Relasiona ho apelu Ministru Defeza e Seguransa nian ba Publiku iha tinan kotuk kona-ba Kilat ilegal, nai Ulun ne’e afirma katak, to’o oras ne’e seidauk iha rezultadu, laiha ema ida mak entrega kilat ba autoriedade defeza no seguransa, ne’e siginifika iha Timor laiha existe kilat illegal. Sumotxo alerta katak, Polisia no Forsa Defeza Timor-Leste nafatin antisipa ba situasaun sira hanesan ne’e hodi garante estabilidade nasional. *[Martinho Moniz | TAFARA.TL | Editor Zevonia Vieira | 16.01.2018].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Ran Ema Ida nian, Sei Salva Ema Ida nia Vida

Importante ida ba hau, e hau bele salva hau nia an mos no mos bele …

Leave a Reply

Your email address will not be published. Required fields are marked *