Thursday , November 23 2017
Home / Sosial & Politika / Acacio Pinto: Jornalista Fo Atensaun ba Dame no Estabilidade
Iha sorin karuk Direktora Konsellu Imprensa Ana Siqueira, klaran asesor sosiedade sivil Joaquin Freitas da Costa no sorin los Diretor TAFARA.ORG Fernando Antonio da Costa iha treinamentu Media no Eleisaun ba Foinsa’e sira iha uma laku SEJD.[Foto: Martinho Moniz | TAFARA.TL| 13.04.2017].

Acacio Pinto: Jornalista Fo Atensaun ba Dame no Estabilidade

Sekretariu Exekutivu AJTL hateten tenke define klaru prinsipiu jornalismu iha kobertura jornalista ba eleisaun nian, ba kandidatu jornalista TAFARA.TL.

Secretariu exekutivu Asosiasaun Jornalista Timor Leste (AJTL), Acacio Pinto, hateten iha nia diskursu atu fahe informasaun ne’ebé mak justu kualidade no fontes ne’ebé mak tenke klaru liu iha eleisaun.

“Oinsa mak ita atu fahe informasaun ne’ebé mak justu kualidade no fontes ne’ebé mak tenke klaru, koko oinsa para ita hakerek informasaun konaba eleisaun, ita tenke tau atensaun tamba buat barak ne’ebé mak sei akontese iha kampo bainhira ita iha kobertura ba iha eleisaun prezidensiál liu-liu ba Parlamentar ida ne’e.” Hateten Jornalista Timor Post ne’e iha formasaun Media no Eleisaun ne’ebé organiza husi TAFARA.TL, iha edefisiu SEJD (13/06).

Acacio hatutan tan katak , atu hakerek informasaun ida balansu ba públiku, ita hotu-hotu nia hanoin ba futuru Timor nian katak, paz ho dame no estabilidade no jornalista labele envolve iha organizasaun politika ruma no jornalista tenke tane aas imparsialidade no independensia.

Iha parte seluk, Direktora Konsellu Imprensa, Ana Siqueira, hateten katak, iha periodu Eleisaun ida ne’e presiza duni Jornalista nia kontribuisaun nia papél tamba buat barak ne’ebé mak akontese iha ita nia sosiedade liu-liu iha periodu eleisaun.

Iha parte seluk Diretora Konsellu Imprensa, Ana Siqueira iha intervista hateten eleisaun hanesan eventu ida ne’ebé mak boot, media tenke masimu iha parte deseminasaun informasaun ne’ebé mak los.

“Eleisaun ne’e eventu ne’ebe mak boot, ne’ebé mak dada ema barak nia atensaun, entaun públikasaun media nian tenke másimu para atu bele fahe dezamina informasaun ne’ebe mak lolós ba ita nia komunidade, se wainhira ita Públika informasaun lolós no hanesan ba komunidade hotu-hotu iha asesu ba informasaun, entaun ida ne’e bele ajuda sira para bele halo desizaun ba sira nia-an rasik ida ne’ebe mak diak ba sira, sira bele deside sira nia future rasik,” hateten eis Jornalista ne’e wainhira iha intervista.

Nia lamenta mós katak, kampaña partidu sira barak mak ba ho sira nia programa oioin, entaun se media halo públikasaun ba kampaña sira ne’e, entaun bele ajuda ona komunidade sira ne’ebé mak la partisipa direita iha kampaña ne’ebá. Sira bele le husi jornál, haree televizaun, sira hatene didiak kona-ba programa husi partidu ida ne’e ninian no sir abele halo desizaun ne’ebé mak lolós.

Media online TAFARA.TL, halao treinamentu ba kandidatu jornalista nain 15, ba loron 4 nia laran. Tema hosi treinamentu ne’e mak, “Kontribui ba Hasae Partisipasaun Eleisaun ne’e Moos no Justu.” Partisipantes hirak ne’ebe sei sai contributor ba TAFARA.TL durante fulan 4 nia laran. Loron ikus hosi treinamentu ne’e, sei halo mos treinamentu Monitoring Gender Sensitive Reporting ba ekipa TAFARA.TL. Rezultadu hosi monitoring ne’e publika hafoin eleisaun.*[Emanuel Andrade | TAFARA.TL | 13.06.2017].

About Emanuel Andrade

Check Also

MUTL Sei Kontinua Manifesta Kontra Lelaun Prado to’o Hetan Rezultadu

“Ami sei kontinua to’o hetan rezultadu solusaun ba povu Timor nia di’ak, ba ita nia …

Leave a Reply

Your email address will not be published. Required fields are marked *