Thursday , November 23 2017
Home / Sosial & Politika / Ahi Mean Lakan Boot, Han Uma Kain Tolu Iha Perumnas
[Foto: IAFC].

Ahi Mean Lakan Boot, Han Uma Kain Tolu Iha Perumnas

Akontesementu Uma Ahi han, iha Perumnas Bairo-Pite oras tuku 10:00 kalan, iha loron 08/11. Iha tempu ne’eb kedas TAFARA.TL koko hodi buka informasaun ho komunidade sira ne’ebe hela besik, hodi bele hetan informasaun lolos hosi ahi han uma.

Xefe Bombeiros Dili, Mario da Cruz, esplika ba kontributor TAFARA.TL kona ba akontesementu refere. Ba TAFARA.TL Mario hateten katak uma tolu mak konsege ahi han, sasan kuaze 99% hetan estraga hosi Ahi Mean.

“Ema kanek nain ida, tanba liman odamatan habit, sira buka ajuda hasai sasan, maibe odamatan savi. Tanba ne’e mak odamatan habit nia liman.  Ahi han uma preimeiru ne’e, uma nain la iha, ahi han motor rua no dokumentus sira  ne’e kuae ahi han hotu”, esplika Mario.

Mario hatutan katak defisil atu salva buat hotu, maibe esforsu an atu halao servisu no mos hetan apoiu hosi komunidade sira ne’ebe hela besik, konsege hamate ahi sira, atu nune’e labele daet ba uma sorin.

Iha fatin hanesan komunidade Jose Castro Sarmentu, ba TAFARA.TL konfesa katak la hatane los ahi lakan mai hosi ne’ebe.

“Ami tiru hela biliard derepenti ahi boot iha kuartu laran, mak ami halai mai hakilar, katuas sira sai hotu, e kolega nain rua maka ba bolu Policia tranzitu no ba Bombeiros mai no atende ahi ne to mate. Ami hare halo duni asaun atu salva sasan sira, balu iha uma ne’e nia laran, mais labele odamatan savi metin”, tenik Jose.

Tuir observasaun TAFARA.TL katak, komunidade sira hatudu sira nia apoio masimu hodi salva maluk sira ne’ebe nia uma ahi han, no hetan apoio masimu hosi Bombeiros no PNTL. Ahi iha perumanas konsege mate to loron, atu evita ahi labele han tutan ba uma seluk.* [Virginia Pereira | TAFARA.TL | Editor: Zevonia Vieira | 08.11.2017].

About Virginia Pereira

Check Also

Ivanca Kontente Nudar Feto Hetan Segundu Lugar iha Off Road

Kompetisaun Off Road, Ivanca husu ba feto maluk sira, labele tauk atu koko talent ne’ebe …

Leave a Reply

Your email address will not be published. Required fields are marked *