Thursday , November 23 2017
Home / Eleisaun Parlamentar / Alkatiri: Buka Ema Independente ba Ministru Edukasaun
Sekretariu Jeral Fretilin Dr. Mari Alkatiri.[Foto: alchetron.com].

Alkatiri: Buka Ema Independente ba Ministru Edukasaun

“Bainhira koalia kona ba prioridade Fretilin koalia ho partidu hotu-hotu atu bele buka  ema independente, para bele sai ministru edukasaun.”

Hatan ba perguntas hosi TAFARA.TL kona ba 100 dias programa sei fo prioridade ba seitor saida? Dr. Mari Alkatiri hatan ho hamnasa no dehan katak seidauk bele koalia asumtu ne’e.

“Governu sedauk forma sedauk bele koalia. Maibe bainhira koalia kona ba proridade, Fretilin koalia ho partidu hotu-hotu atu bele buka  ema independente para bele sai ministru edukasaun,” Mari Alkatiri hetete lia ne’e ba Jornalista TAFAR.TL, horiseik dader, iha Palasiu Presidente, Aitarak Laran, 3/07.

Bainhira lori liafuan ne’ebe Sekretariu Jeral Fretilin koalia hodi husu ba organziasaun sosiedade sivil balun. Sira hatete katak seitor edukasaun mak iha problema bo’ot liu. Ema ne’ebe ba kaer pasta ne’e persija duni iha kbi’it no la defende ego politik deit.

Diretor Asosiasaun HAK, Manuel Monteiro, konkorda ho statemetu Sekretariu Jeral Mari Alkatiri nian. Maibe prosesu ba hetan kargu ne’e tenki iha. Manuel hatete lia ne’e iha ninia knar fatin.

“Edukasaun direitu fundamental povu hotu nian. Tamba ne’e la justu enkuantu eskola sira iha fatin seluk hetan kualidade di’ak, eskola públiku sira la iha kualidade. Ezemplu mak eskola CAFÉ (Eskola Referensia), ninia kualidade melhor liu fali eskola publiku sira seluk. Bazeia ba dadus monitorizasaun ne’ebe mak HAK iha, hatudu katak edukasaun problema bo’ot liu durante ukun an tinan 15 nia laran. Fukun sira ne’e mai husi: Premeiru, iha nomeasaun politika husi pesoal ida ba asumi kargu nu’udar Ministru Edukasaun seidauk iha kbi’it naton hodi hatun politika edukasaun nasional ba politika implementasaun edukasaun nasional; Segundu, entre Ministru no Visi Ministru sira la iha presepsaun hanesan kona ba dezenvolvimentu  edukasaun; Terseiru, entre Ministru ho Visi Ministru sira, ida-idak defende ninia ego politika husi partidu ida-idak nian.

Diretor HAK mos konkorda ho Sekretáriu Jerál FRETILIN. Maibe Direitor ne’e propoin atu halo ida ne’e ho prosesu ida ne’ebe bele garante duni .

“Tenki liu husi prosesu ida hodi ema independenti ne’ebé hetan fi’ar hala’o polítika iha edukasaun hatan duni ba intrese oinsá hasa’e kualidade ba edukasaun Timor-Lesete.”

Diferente ho Diretor Asosiasaun HAK, Eis-Jestor Programa hosi Timor Leste Coalition for Education, Matias Lubudara, hatete katak Ministru Edukasaun bele mai hosi independente ka partidu, importante liu ninia abilidade hodi jere.

“Hau hanoin ministerio edukasaun bele mai hosi partido ou independente. Ne’e laos problema. Importante mak ema ne’e mai nia iha abilidade relevante hodi jere edukasaun ne’e ho diak. Buat seluk, ida ema ne’ebe tur iha Ministeriu Edukasaun labele iha interese partido, maske nia mai hosi partido, tanba nia hanesan ema tekniku ne’ebe jere politika governu nian.”

Ministeriu Edukasaun persija duni lideransa ida iha kbi’it ba halo jestaun. Oras ne’e dadaun seitor edukasaun hasoru dezafiu barak. Dadus ne’ebe publika iha sitiu World Economic Forum nian, hatete katak numeru labarik ne’ebe atende pre-sekundaria no sekundaria  iha area rural iha deit 60%. Labarik ne’ebe la ba eskola hamutuk 10%. Qualidade no asesibilidade ba eskola kontinua hasoru dezafiu. Alunus nia atendementu ba eskola no mos menus tebes. Nune’e mos ho profesores sira ne’ebe 30% resin mak la tama ba hanorin.

Realidade lor-loron mos hatudu katak iha eskola barak, sala ida entre 50 – 70 estudantes mak iha laran. Alunus sira ladun hetan material edukasaun oh qualidade no edukasaun sivika ne’ebe diak. Hahalok kontra lei no kontra norma sosiais kontinua mosu. Maneira hanorin hosi profesores sira seidauk hatudu aproximasaun ne’ebe edukativu. Komunidade ne’ebe eskola iha ba mos ladun fo apoio. Eskola mos ladun halo ligasaun ho inan-aman ho efetivu, inklui ho lideransa komunidade nian. [Zevonia Vieira & Ato ‘Lekinawa’ Costa | TAFARA.TL | 03.08.2018].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

One comment

  1. Dr. Benjamin Corte Real ou Sr Edmundo Viegas, Ph.D.

Leave a Reply

Your email address will not be published. Required fields are marked *