Thursday , November 23 2017
Home / Eleisaun Parlamentar / Alkatiri: Hau Husu Ba Ema Hotu, Inklui Ema Fretilin Tenke Hatama CV Hodi kaer ‘Pasta’ Governu
Sekretariu Jeral Fretilin, Dr.Mari Alkatiri halo entrevista ho jornalista sira hafoin remata enkontru ho membru CCF sira 10/09.{Foto: Zevonia Vieira | TAFARA.TL | 10.09.2017].

Alkatiri: Hau Husu Ba Ema Hotu, Inklui Ema Fretilin Tenke Hatama CV Hodi kaer ‘Pasta’ Governu

“Hau husu ba hotu-hotu, ema Fretilin mos, hau hakarak tenke hatama CV, se CV mai hau la dun fiar, hau tenke konfirma, ne’e la siknifika S1, S2 no S3, siknifika ema sira ne’e halo ona saida durante ne’e to agora, laos S1, S2 no S3 deit mak matenek lae,” Dr. Mari Alkatiri akresenta.

Comite Central Fretilin (CFF) halao enkontru hodi koalia no desidi ba Premeiru Ministru.

Bainhira CCF remata sira nia enkontru ne’ebe halao iha sede Fretilin, loron 10/09, Sekreatriu Jeral Fretilin, Dr.Mari Alkatiri hatan perguntas hosi TAFARA.TL konaba rezultadu hosi enkontru, Dr. Mari Alkatiri hateten katak, enkontru ohin ne’e partisipantes hotu hakarak katak, sekretariu Jeral tenke avansa  ba Premeiru Ministru.

“Total 100% sira haruka hau avansa ba sai Premeiru Ministru, maibe hau husu ba sira, fo loron ida tan, hodi hau hanoin hodi foti desizaun. Depois tersa feira hau tenke informa ona ba Prezidente Republika. Maibe sira mos dehan sei respeita hau nia desizaun”, hateten Dr. Mari Alkatiri.

Hatan ba perguntas hosi TAFARA.TL liga ho pasta ba governu ne’ebe balun sei kaer, tenke aprezenta Curriculum Vitae no sei hare ema meritu?

Dr. Mari Alkatiri hateten, sei akumula CV inklui ema Fretilin nian, atu hare sira nia  esperiensia didiak bainhira foti desizaun hodi ba kaer pasta governu.

“Hau husu ba hotu-hotu, ema Fretilin mos, hau hakarak tenke hatama CV, se CV mai hau la dun fiar, hau tenke konfirma, ne’e la siknifika S1, S2 no S3, siknifika ema sira ne’e halo ona saida durante ne’e to agora, laos S1, S2 no S3 deit mak matenek lae”, tenik eiz Premeiru Minsitru iha I governu konstituisional.

Hatan ba preokupasaun hosi povu nian liga ho forma governasaun ne’ebe sedauk realiza, tanba karik sei fo impaktu ba orsamentu ratifikatu? Dr. Mari Alkatiri hateten Parlamentu agora atu halo revizaun ba Lei, ida ne’ebe bolu Lei de Jestaun Finanseira, Hodi nune’e atu halo orsamentu ida deit, balun bolu orsamentu de tranzisaun. Ratifikativu orsamentu to ba Dezembru, depois hosi Janeriu to Junu n’e orsamentu de tranzisaun ne’e semestre ida deit, hodi nune’e bele  fo tempu ba governu foun atu prepara projetu no buat seluk tan, iha fulan Julhu 2018 oin mai.

Sekretariu Jeral hato’o nia lia menon ba povu tomak katak nudar Sekretariu Jeral sei garante katak Fretilin sei ukun no dezenvolvimentu sei ba to iha muncipio tomak.

“Hau laos Fretilin, maibe hau Sekretariu Jeral Fretilin, Fretilin laos hau deit, Fretilin sei ukun, ne’e hau garante no dezenvolvimentu sei ba iha municipio hotu-hotu. Hau sai Premeiru ministru ka lae, Fretilin sei ukun no nafatin no dezenvolvimentu sei to iha municipio hotu”, tenik Dr.Mari Alkatiri.

Iha parte sorin Prezidente OPMT, Merita Alves ba TAFARA.TL hateten katak desizaun mai hosi Committee Central da Fretilin, liga ho kargu Premeiru Ministru, importante ema ne’ebe iha kapasidade, abilidade atu lidera, no tuir partidu Fretilin nia estatutu tenke sekretariu Jeral maibe depende hosi enkontru no desizaun fila fali ba CPN.

Hanesan lideransa feto, Merita Alves mos hato’o nia espetativa katak, Fretilin iha nia komprimisiu eleitoral, ida ne’e partidu kaer nudar baze ba kampanna katak saida mak governu sira seluk halao ona , no kontinua ho governu foun sira seluk,  laos atu sobu estadu ida ne’e, maibe buka hadia no bele fo benefisiu ba povu

Tuir planu Sekretariu Jeral Fretilin no ekipa sei informa lista ba Prezidente Republika iha loron tersa 12/09, no Prezidente Republika tuir konstituisaun RDTL sei nomeai Premeiru Ministru ba peridou 2017-2022.* [Zevonia Viera | TAFARA.TL | 10.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

One comment

  1. Hmmm… notisias konaba “nomeasaun” Membro do Governo ne’e foin hatun deit leitores barak para mate… haahhah…

Leave a Reply

Your email address will not be published. Required fields are marked *