Tuesday , December 12 2017
Home / Divertimentu / Berliku Fanu Rai Realiza Konsertu Final Berliku Lian
Estudante Kursu Ochertra Berliku Fanun Rai halo hela Aprezentasaun iha edifisiu SEJD atual SEDPAC.[Foto: Zinho MD | TAFARA.TL].

Berliku Fanu Rai Realiza Konsertu Final Berliku Lian

Berliku Fanun Rai (BFR) nudar fatin aprende musika ka halao kursu muzika orchestra ba foin sae Timor oan sira. Objetivu principal ida katak fo fatin dedikadu ida ba foin sae sira, atu bele aprende didiak muzika tuir pratika normal forma, tuir sira idak-idak nia hakarak rasik, liu hosi meiu kursu ka edukasaun semi formal ida iha Timor.

BFR ne’e ho nia motto katak “Harii Fasilidade Hosi Kursu ba Akdemia Muzika no Dedika ba Muzika no ba Ema nia Emar”. Tinan ida ne’e BFR Remata ona nia kursu ba estudente 150, hodi tuir kursu iha BFR durante tinan ida nia laran, liu husi instrutor ne’ebe mai husi Indonesia.

Liu husi Introdusaun ne’ebe hato’o husi Diretor BFR, Joao Paulo katak  husu ba VII Governu Konstituisional hodi kontinua fo apoiu ba iha kapasitasaun foinsa’e sira, liu husi muzika atu buka Foinsa’e sira nia futuru iha muzika Timor.

Iha fatin hanesan liu hosi diskursu Sekretaria Estadu Juventude no Trabalho (SEJT), Nivio Magalhães hateten sei kontinua fo apoiu ba Juventude sira, atu nune’e bele kontinua dezenvolve sira nia talenta. Iha tinan oin mai SEJT liu husi Diresaun Nasional Arte, sei kontinua fo apoiu ba BFR tamba hare’e ba importansia husi atividades ne’ebe instituisaun ida ne’e halao.

Nivio mos hatutan katak juventude mak futuru nasaun nian, “ida ne’e ita hotu hatene, maibe hanesan future nasaun nian saida mak sei halo”.

Bainhira Jornalista TAFARA.TL dada lia ho SEJT Nivio Magalhães, karik SEJT sei fo apoio tomak ba BFR?

Nivio responde katak SEJT sei la fo apoiu 100%, maibe sei fo apoiu ba atividade balun.

“Organizasaun sira ne’ebe SEJT fo apoiu, sira presiza atu dezenvolve rasik sira nia atividade no planu ruma, buka fundus atu nune’e bele apoiu sira nia atividade, atu nune’e hamenus dependesia ba governu tamba se sira iha 100% fundus ne’e mai husi governu, maka wainhira governu la fo apoiu ne’e asosiasaun ka organizasaun sira ne’e bele monu”, hateten Nivio.

Iha tinan 2017 BFR hahu ho 150, maibe  rezultadu ikus hela deit 52 pesoal mak sei ativu iha kursu muzika. Numeru ba estudante ne’ebe iha mudansa bo’ot, BFR hasoru dezafius oi-oin hanesan estudante balun para kursu tamba hetan tiha servisu, balun hetan tia bolsu estudu hodi ba eskola iha rai liur no obstaklu seluk tan mak foin sae sira hasoru. Maibe BFR konfesa katak ho dezafius hirak ne’e, BFR iha mehi nafatin, atu habelar liutan kursu muzika orchestra iha Timor-Leste.

BFR rasik  servisu hamutuk ho Secretaria Estado Juventude no Desportu iha VI Governu. Oras ne’e dadaun, kurus muzika orchestra “berliku Lian” halao ona iha etapa tolu ne’ebe hahu hosi tinan 2015 to 2017. Oras ne’e dadauk alumnus hamutuk 87 maka halao hela estudu hanesan Violin, Viola, Cello, Contra bass, Flute, Oboe, Clarinet, Saxophone, Trumpet, Trombone, Tuba, French Horn, Piano no Percussion (Snare, Timpani, Chimes, Grand Casa, Glocken Spiel no Durm).* [Jesuino Marcal de Jesus | TAFARA.TL | Editor: Zevonia Vieira | 30.11.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Lú Olo: Ita Manan Independensia, Atu Hatama Povu Iha Estadu nia Fuan, Ba Povu Nia Moris Diak

Tinan 42 kotuk liu ba iha situasuan defisil Komite Fretilin hamutuk hodi proklama independensia Timor-Leste, …

Leave a Reply

Your email address will not be published. Required fields are marked *