Thursday , November 23 2017
Home / Sosial & Politika / CI Identifika Media Profesional 5 Viola Kodigu Etika Jurnalistiku
Virgilio Silva Guterres, Presidente Conselho de Imprensa (klaran) momentu halo konferensia imprensa [Foto: www.conselhoimprensa.tl].

CI Identifika Media Profesional 5 Viola Kodigu Etika Jurnalistiku

Conselho Imprensa (CI),  hatudu rezultadu hosi monitorizasaun analiza media kualitativu. Liu hosi Diresaun Dezenvolvimentu no Análiza Media (DDAM), liga ho nutisia elisaun parlamentar

Liu hosi konferensia da imprensa, ne’ebe halao iha edifisiu CI, Prezidente CI, Virgillio Guterres hateten katak durante ne’e CI akompanha lalaok servisu jornalista no media sira, ba kobertura kampanna politika.

“CI akompanha barak katak media balun fo espasu barak ba partidu politiku sira atu tau publisidade. CI husu atu espasu ba publiku sira atu asesu informasaun ne’e, hodi labele tau publisidade liga ho asuntu partidu politiku nian,” esplika Prezidente CI.

DDAM identika katak, nutisia balun katak foto nutisia, media sira foti hosi spanduk partidu politiku sira nian. CI husu ba media para evita, tenke uza fotografia hosi ita nian fotografu sira hasai. Seluk kona ba foto ho nutisia la kona malu no nutisia balun uza emblema ka semboyan partidu nian.

Conselheiro Hugo Fernandes, esplika ba jornalista sira liu hosi konferensia da imprensa katak, CI halo analisa no hare katak jornalista sira kontinua hakerek opiniaun iha nutisia laran. Bele hare hosi lead ka titlu ne’ebe mak jornalista hato’o nia hanoin iha lead, maibe la hakerek kurizi hosi fontes ne’e see. Husu ba jornalista sira hakerek faktus laos ita boot sira nia hanoin.

Ligadu ho rezultadu hosi monitorizasaun hatudu katak media Jornal Suara Timor-Lorosa’e, Jornal Timor Roman, Televisaun Timor-Leste, Jornal Timor Post no Jornal Independente publika ka hakerek nutisia ne’ebe kontra kodigu etika jurnalistika.

Metodologia ne’ebe DDAM uza hodi halo monitorizasaun mak uza template ka format espesial ne’ebe importante maka hanesan kontiudu nutisia, prinsipiu jurnalisitku no aspetu legal. No metodu ba hodi analiza rezultadu mak uza Qualitative SWOT Analysis.

Liu hosi konferensia da imprensa iha loron 4/06, Prezidente CI mos apela ba orgaun komunikasaun sira atu fo spasu ba partidu politiku sira ka kontestante eleitora sira ne’ebe laiha rekursu finanseiru naton, atu bele selu espasu sira iha media. Maske Timor sedauk iha Lei propriu ida ba publisidade ba partidu politiku sira.

“Husu ba orgaun komunikasaun sira atu halo tratamentu ne’ebe justu ba partidu hotu kedas, atu nune’e publiku ka eleitoral sira ne’ebe sei vota iha loron votasaun bele hetan informasaun ne’ebe naton, komprende no foti desizaun ne’ebe hanesan partidu hotu kampanna,” hateten Prezidente CI.

Kualidade produtu jurnalistiku laos deit sai rezultadu hosi kualidade kada jornalista, maibe mos nudar dalan diak ida oinsa atu fasilita publiku hodi asesu informasaun.* [Zevonia Vieira | TAFARA.ORG | 04.06.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *