Thursday , November 23 2017
Home / Sosial & Politika / Dom Basilio: Tenke Tau Nasaun nia Interese As Liu Idak-Idak nian Prespektiva
Prezidente da Republika hasoru malu ho Amo Bispo nain tolu iha Palcio Prezidensia da Republika. [Foto: Zevonia Vieira | 10.11.2017]

Dom Basilio: Tenke Tau Nasaun nia Interese As Liu Idak-Idak nian Prespektiva

“Ita ema ne’e ema, dala ruma ibun lais liu, dala ruma lian makas liu mais pois sei hetan tempu tur hamutuk. Buat ne’e tenke iha mak ne’e, tau nasaun nian interese as liu idak-idak nian prepektiva”.Dom Basilio.

Bispu Dom Basilio Nascimento, Dom Virgilio do Carmo da Silva no Noberto do Amaral hasoru malu ho Prezidente da Republika.

Hafoin remata enkontru ba jornalista sira Prezidente da Republika, Dr. Francisco Guterres Lú Olo esplika katak, Prezidente Republika hasoru malu ho Amo Bispo nain tolu tuir agenda ne’ebe makra ona.

“Ohin hau hasoru ho ita nia Amo Bispo nain tolu tuir agenda ne’ebe hau marka tiha ona, Amo Bispo nain tolu hodi mai to iha Prezidensia da Republika, atu fo netik sira nia hanoin ruma kona ba situasaun ne’ebe ita nia povu sira enfrenta. Ho haksolok boot tebes hau simu sira hodi rona sira ideas ne’ebe mak husik hela mai”, hateten Prezidente Lú Olo.

Iha fatin hanesan, iha palacio Prezidente da Republika, 10/11, Amo Bispo Dom Basilio Nascimento ba jornalista sira hateten katak, buat ne’ebe Amo Bispo sira koalia hatoo ona ba Prezidente da Republika.

“Buat sira ne’ebe ami koalia ne’e, Prezidente da Republika hakarak patrilha oituan ho preokupasaun oituan, hanesan Prezidente ohin loron koko a nivel da nasaun, Prezidente hakarak rona ema hotu, ho Prezidente nia disponibilidade hakarak rona Amo Bispo sira nian opiniaun nudar repzentante uma kreda nian”, hateten Dom Basilio.

Hatan ba perguntas hosi TAFARA.TL liga ho preokupasan povu nian situasaun politika ne’ebe akontese, ideas saida mak igreja hatoo ba Prezidente da Republika?

Amo Basilio hateten katak, “buat ne’ebe ami hatoo, hela ba ami , pois se Prezidente da Republika hakarak uza lia fuan ne’e, Prezidente da Republika bele uza”, tenik Dom Basilio.

Iha parte sorin hatan ba jornalista Timor Post nia perguntas liga ho dialogo ne’ebe halo entre lider sira? Amo Basilio hateten, bainhira iha tempu atu halo dialogu ne’e, ita hotu basa liman signifika katak buat ne’e atu too oinsa, atu istikadu oinsa maibe ema hatan atu tur hamutuk ne’e sei iha esperansa boot.

“Ita ema ne’e ema, dala ruma ibun lais liu, dala ruma lian makas liu mais pois sei hetan tempu tur hamutuk. Buat ne’e tenke iha mak ne’e, tau nasaun nian interese as liu idak-idak nian prepektiva”, hateten Dom Basilo

Enkontru entre Prezidente da Republika ho Amo Bispo nain tolu, marka Prezebsa mos hosi Amu lulik nain rua, inklu Padre Juvito rego de Jesus Araújo. Enkontur ne’e halo kuaze oras ida ho balun nia laran.*[Zevonia Vieira | TAFARA.TL | 10.11.2017]

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *