Thursday , November 23 2017
Home / Eleisaun Parlamentar / Dr. Rui Agredese Ba lider Historiku, Tanba Fo Fiar Lori Cruz Hosi 2015-2017
Dr. Rui Araujo, halo intrevista ho jornalista hanoin enkontru ho Prezidente da Republika, Dr. Francisco Guterres Lú Olo, hodi informa servisu VI governu.[Foto: Zevonia Vieira | TAFARA.TL | 14.09.2017].

Dr. Rui Agredese Ba lider Historiku, Tanba Fo Fiar Lori Cruz Hosi 2015-2017

Hau hakarak agredese lider historiku, konfia hau atu lori cruz governu nian hosi 2015 to agora, segundu hau agredese ba Dr. Mari Alkatiri tanba hakarak simu cruz ne’e hodi lori ba oin. Dr. Rui Araujo

Premeiru Ministru atual, Dr. Rui Araujo, halo enkontru ho Prezidente da Republika, Dr. Francisco Guterres Lú Olo, hodi informa servisu VI governu durante ne’e, servisu seguransa nian ba iha PNTL no F-FDTL  ne’ebe durante ne’e lao ho hakmatek no mos akompanna nafatin kalendariu politika ne’ebe lao hela, katak VII governu iha avansa ona atu lao ba oin, iha data balun ba preparasaun posse nian bele iha aban ou semana oin.

Liga ho informasaun kona ba preparasaun tomada de posse, ba governasaun foun, ba  jornalista sira, Dr. Rui Araujo informa katak, Prezidente da Republika sei hein konfirmasaun hosi partidu koligasaun, karik tomada de posse sei realiza aban no karik muda ba semana oin.

Premeiru Ministru mos informa katak, Prezidente da Republika sei la partisipa iha Asemblea Jeral Nasoens Unidas no posibelmente sei nomeia Dr. Jose Ramos Horta hanesan reprezentante Prezidente da Republika nian.

Hatan ba perguntas hosi TAFARA.TL konaba karik iha governasaun foun sei kaer pasta balun iha governu tuir mai no prontu atu servisu hamutuk?

Dr. Rui Araujo hateten, hanesan militante Fretilin, prontu atu kontribui nafatin, “hau hanesan militante Fretilin depende ba lideransa partidu nian, prontu atu kontribui nafatin. DR. Mari iha kapasidade diak, oinsa lori todan ne’e ba oin, durante iha tinan 15 nia laran, durante tinan 24 nia laran iha prosesu luta ba libertasaun, hanesan militante hau fiar”.

Kontinua hatan ba perguntas hosi TAFARA.TL, Sejestaun saida mak sei fahe ho Premeiru Minsitru Eleitu atu bele kontinua implementa programa sira ne’ebe presija halao?

Dr. Rui Araujo esplika katak, iha buat barak ne’ebe VI governu ne’ebe la ses dok hosi programa partidu mais votadu nian ,ne’ebe oras ne’e atu forma governu. 6H ne’ebe partidu Fretilin no mos  partidu koligasaun sira seluk, hakarak atu halo, buat balun akontese dadauk ona.  Sira iha programa ne’ebe diak, hodi dezenvolve nasaun ida ne’e.

“Formas ne’ebe VI governu halo iha area spesifika 4 iha area hanesan administrasaun publika, reforma ekonomika, reforma fiscal no reforma legislative. Hau hanoin buat lubuk ida ne’ebe VI governu halo ona, sei tama iha governu VII  no ita hein katak xefe governu no membru governu sira seluk, sei hare ba relatoriu ne’ebe VI governu konstituisional halo ona”, Hateten Dr. Rui.

Dr. Rui Araujo ba jornalista hakarak hatoo katak, agredese ba lider historiku, Xanana Gusmao, ne’ebe fo fiar hodi lori cruz hosi 2015 to agora.

“Hau hakarak agredese lider historiku, konfia hau atu lori cruz governu nian hosi 2015 to agora, segundu hau agredese ba Dr. Mari Alkatiri tanba hakarak simu cruz ne’e hodi lori ba oin, sekarik hare linguazen viasakra nian, hau hanesan Simao, hau lori cruz to agora, hau sente kontente tanba ohin loron hau bele entrega cruz ne’e ba Xefe Governu foun ba oin”, tenik Dr. Rui.* [Zevonia Viera | TAFARA.TL | 14.09.2017].

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *