Thursday , November 23 2017
Home / Eleisaun Parlamentar / Fretilin Ho PLP La To Iha Akordu Ida Hodi Derigi Meza do Parlamentu
Vice seis ba Presidente PLP Fidelis Magalhaes no Adjunto Sekretariu Geral Fretilin, Jose Reis halo intrevista ho jornalista sira hafoin remata inkontru teknika entre partidu iha Novo Turismu.[Foto: Zinho MD | TAFARA.TL | 02.09.2017].

Fretilin Ho PLP La To Iha Akordu Ida Hodi Derigi Meza do Parlamentu

Ekipa Teknika hosi Partidu mais votadus Fretilin no PLP halo enkontru hodi foti desizaun final kona ba meza do parlamentu. Liu hosi enkontru ne’ebe halao iha Otel Novo Turismo, loron 2/09, Laiha akordu entre Fretilin ho PLP se mak serve atu sai Prezidente Parlamentu.

Adjuntu Sekretariu Jeral Fretilin, Jose Reis hatan ba TAFARA.TL nian perguntas tanba sa laiha konkordansia, esplika katak, enkontru ohin loron koalia kona ba meza parlamentu no la to iha akordu ida.

“Ami koalia tiha ona kestaun kona ba meza do parlamentu, maibe ami hanoin katak iha loron 5 Septembru iha parlamentu, mak ami foin avansa ho kandidatu. Enkontru ohin ne’e hare kestaun kona ba meza do parlamentu”, esplika Jose Reis.

Liga ho pergunttas hosi TAFARA.TL kona ba relasiona ho koligasaun entre PLP ho Fretilin, Jose Reis afirma katak, dokumentus prinsipiu koligasaun iha ona hanoin hanesan iha akordu de prinsipius. Maibe iha meza do parlamentu mak laiha akordu

“Iha ne’e kestaun de prezidensias da meza, iha momentu ne’e Fretilin manan iha elisaun no mais votadus no Fretilin mak atu lidera parlamentu nasional”, afirma Jose Reis.

Iha tempu hanesan Vice Seis ba Prezidente PLP no nudar Porta Voz, Fidelis Magalaes, hatan ba perguntas hosi TAFARA.TL kona ba ezijensia saida mak PLP hatoo ba partidu Fretilin?

Fidelis hateten katak laiha akordu ka konkordansia liu hosi enkontru ida ne’e kona kompozisaun da meza iha enkontru.

“Ami laiha akordu ida ka konkordansia ida kona ba kompozisaun da meza. PLP nia pozisaun claru, PLP hanoin katak bainhira ita iha koligasaun tenke hamrik hanesan koligasaun, lian koligasaun tenke ida no kompozisaun meza do parlamentu teste ida ba forma no oinsa koligasaun ne’e bele hamrik ho solidu,  ne’e faze Premeiru ida ba PLP. Tanba laiha akordu ida no la iha konkordansia ida kona ba kompozisaun da meza ho Fretilin, hanesan bloku koligasaun mak iha loron 5 Septembru, ami sei idak-idak lao ketak-ketak, Fretilin sei lao ho ninia kandidatu, ami depois sei hare oinsa eskolla ami nian”, esplika Fidelis.

Fidelis mos esplika katak tuir prinsipiu PLP nian bainhira harii koligasuan ida, tenke harii hamutuk bloku da koligasaun ida. Kompozisaun da meza hanesan xavi ida. PLP iha hanoin katak la devia monu ka fo ba partidu ida deit, maibe fo ba partidu hanesan Khunto no PLP, ne’ebe hola parte iha koligasaun. PLP klaru katak iha proposta rasik no PLP husu ba partidu mak atu desidi katak se mak PLP sei desidi.

Bainhira TAFARA.TL husu ba PLP karik ida ne’e iha impaktu ba koligasaun hodi forma governu? Fidelis Magalaes hateten katak, ohin loron koalia kona ba meza do parlamentu no interpretasaun seluk publiku sira bele halo rasik

Iha parte Partidu Fretilin nian, Jose Reis afirma katak, dokumentus prinsipiu koligasaun iha ona hanoin hanesan, iha akordu de prinsipius.* [Zevonia Viera | TAFARA.TL | 02.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *