Tuesday , December 12 2017
Home / Eleisaun Parlamentar / Fretilin Iha vontade Antes loron 5 Septembru, Formasaun Governu iha ona rezultadu Final.
sekretariu Jeral Fretilin Dr.Mari Alkatiri halo entervista ho jornalista sira hafoin remata enkontru ho Presidente Republika Dr.Francisco Guterres Lu OLo.[Foto: Zevonia Vieira | TAFARA.TL | 28.08.2017].

Fretilin Iha vontade Antes loron 5 Septembru, Formasaun Governu iha ona rezultadu Final.

Sekretariu Jeral Fretilin, Dr.Mari Alkatiri hasoru malu ho Prezidente Republika, Dr.Francisco Guterres ‘Lu Olo’ hodi koalia kona ba progresu ba formasaun governu.

Ba jornalista sira Xefe Casa Sivil, Franscisco Maria de Vasconselos hatete katak Prezidente Republika, Francisco Guterres ‘Lu Olo’ hakarak transmit ba Sekretariu Jeral Fretilin, Dr. Mari Alkatiri, ne’ebe mak lidera dadauk negosiasaun ba formasuan governu.

“Prezidente akompanna dadauk ho atensaun tebes ba situasaun ida ne’e, tanba ne’e mak Prezidente Republika konvida Sekretariu Jeral Dr.Mari Alkatiri hodi rona informasaun ba buat sira ne’ebe la dadauk”, esplika Xefe Casa Sivil.

Francisco Vasconselos mos afirma katak Prezidente Lu Olo hare populasaun mos oras ne’e dadauk angsi hela hakarak hatene kona ba governu ne’ebe atu mai, oinsa mak forma no prosesu lao oinsa ba governasaun VII do governu.

“Prezidente mos fo fiar nafatin ba lider partidu politika sira, ho sira nia matoridade, sira sei koali no fo hanoin hamutuk, ho matoridade ne’ebe as tebes, hodi forma ita nia governu ne’ebe mais estavel ba tempu duran tinan lima. Formasaun ne’e tenke iha sentidu proposional, governu ida ne’ebe estavel no partidu sira ne’ebe mak bele respeita povu nia hakarak, ho povu nia desizaun liu hosi elisaun jeral”, esplika Xefe Casa Sivil.

Iha parte sorin Sekretariu Jeral Fretilin, Dr.Mari Alkatiri hatan ba jornalista TAFARA.TL kona ba progresu koligasaun entre PLP ho Khunto, hodi hare kona ba programa partidu ne’ebe mak karik sei integra malu?

Dr.Mari Alkatiri esplika katak partidu idak-idak mai ho programa, no nudar sekretariu Jeral respeita ida ne’e.

“Hau hatene katak sira idak-idak iha nia programa, no hau respeita ida ne’e maibe ita mos tenke respeita partidu mais votadus. Ita hotu bele dehan iha programa, ita hotu hakarak hasai povu nee hosi kiak, hadia edukasaun, hadia saude entaun mai ita tau hamutuk ita nia ideas, para ita hadia uluk hosi leten mak ba kraik, laos hosi kraik ba leten”, esplika Dr.Mari Alkatiri.

Dr.Mari Alkatiri mos informa katak sedauk preokupa ho lista ba strutura governu, “hau rasik sedauk kandidata an ba Premeiru Ministru, portantu hau sedauk preokupa ho list aba ministru sira”.

Tuir Prisnpiu Fretilin, eiz Premeiru Ministru esplika ba jornalista sira katak Fretilin nian hakarak atu ukun ba povu tomak, no hakarak ukun ho ema hotu-hotu, lakohi ukun kontra ema ida. Iha parlamentu Fretilin iha ona esperiensia bainhira governu ida ukun, kontra partidu ida ne’ebe boot “uluk Fretilin” ukun ne’e sei la lao ba oin, tanba ne’e mak Fretilin lakohi ukun kontra partidu sira seluk, hakarak ukun prontu ho koligasaun maibe ukun nafatin ho inkluzaun, ukun nafatin ho insidensial parlamentar. Esforsu ida ne’e mak ema barak sedauk aprende no liu-liu politika balun sedauk komprende didiak lakohi ukun kontra ema ida.

Liga ho asumtu koligasaun, Tuir esplikasaun hosi Dr.Mari Alkatiri hateten katak, sei diskuti klean fali kona ba koligasaun ho PLP no Khunto.

“Ami halo hela dokumentus ne’ebe sei draft no fahe ba PLP no Khunto. Hau hakarak partidu hotu bele komprende prosesu  hotu, maibe sei koalia nafatin mos ho PD “, tenik Dr.Mari Alkatiri.

Ba jornalista TAFARA.TL Sekretariu Jeral Fretilin mos esplika kona ba insidensial parlamentar katak iha tempu uluk Fretilin garante ba orsamentu estadu kada tinan ba tinan 5 nian, ida ne’e parte hosi insidensial parlamentar. Fretilin la husu kadeira iha governu, la husu kadeira iha meza prezidensial parlamentar.

“Ami garante deit katak orsamentu sei liu, maibe ita deskuti uluk lai hodi hare kuandu sae demais ona, hatun lai oituan. Koligasaun ne’e akordu baze hodi garante maioria absoluta, insidensial parlamentar ne’e normalmente uluk ami halo la asina buat ida, ami kumpri saida mak ami tau ona. Inkluzaun prontu ami bele asina”, esplika Sekretariu Jeral Fretilin.

Ba jornalista sira Sekretariu Jeral Fretilin informa ba jornalista sira katak, Fretilin iha vontade antes loron 5 Septembru, formasaun governu iha ona rezultadu final.

“Tuir hau nia vontade hakarak ona iha koligasaun,  no mos asina ona, no akordu ba inkluzaun mos iha ona no insidensia parlamentar mos iha ona “, hateten Dr.Mari Alkatiri.* [Zevonia Vieira | TAFARA.TL | 28.08.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Lú Olo Hamenu Orgaun Komunikasaun Sosial no Jornalista Atu Iha Kapasidade Investigativu

“Jornalista sira labele kazuistiku katak foti kazu ida sai nutisia, la hatene kazu ne’e akontese …

One comment

  1. Eng. Luis A.R. de Neri, MPA

    Respeita malu Importante…..Jerasaun tenke rai hela lisaun furak ba rai Doben ida ne’e….jerasaun foun sei banati tuir lisaun husi jerasaun tuan nian hodi garante estabilidade liu husi dezenvolvimentu Patria no Povu….Viva Jerasaun Tuan hodi kaer metin Unidade…..Viva Jerasaun Foun …..Viva Jerasaun Demokratiko Partido Demokratiku….

Leave a Reply

Your email address will not be published. Required fields are marked *