Thursday , November 23 2017
Home / Sosial & Politika / Funsionariu Publiku Bele Sai Servidor Diak ba Povu Timor-Leste
DR. Faustino Cardoso, Presidente de Comissao da Funcao Publica [Foto: www.tatoli.tl].

Funsionariu Publiku Bele Sai Servidor Diak ba Povu Timor-Leste

Lao tuir saudozu Nicolau Lobato nian ain fatin, hodi relembra fila fali tinan 40 liu ba ne’ebe luta hasoru okupasaun illegal. Ida ne’e sai referensia ba funsionariu Publiku sira sai servidor nebe diak.

Funsionario publiku tomak hala’o sira nian marsa desfilie, hosi rotunda Saodozu Presidente Nicolau Lobato iha Comoro, hodi hakat mai to’o iha palacio president, hodi selebra aniversariu funsaun publiku, badala rua ne’ebe monu iha loron 15 de Jullu.

Xefe Komisaun Organizadora,  Arsenio Victor Ximenes esplika katak, hodi selebra loron funsaun publiku, hahu marsa hosi rotunda Nicolau Lobato, ho objetivu relembra fila fali tinan 40 liu ba, bainhira saudozu Nicolau Lobato hahu nia jornada ho ninia kompañeru, kamarada no kolega herois lubuk ida, ne’ebe mak mate ba rai ida ne’e. Ida ne’e hanesan pontu refleksaun ida ba fungsionariu idak-idak, hodi bele sai servidor ne’ebe diak ba povu no rai ida ne’e.

Xefe Komisaun afirma liutan katak, iha loron selebrasaun Funsaun Publiku iha atividade lubuk ida mak komisaun organizadora sei eskolla, sai hanesan elementu integradu ida.

Iha parte sorin, funsionariu hosi SEPFOPE, Alexandrinho Gomes da Silva, esplika ba TAFARA.ORG katak, nudar sidadaun no funsionariu publiku, iha papel disiplina tuir ordem atu nu’une bele partisipa maximo iha servisu fatin, tuir Lei ne’ebe mak deside ona iha funsaun publiku.

“Ami orgullu tamba nu’udar pasu boot ida ba papel funsionario publiku atu bele anima komunidade sira liu husi atividade sira hanesan ne’e, liu-liu hodi motiva foinsa’e sira atu nune’e ba futuru sira bele fo sira nia kontribuisaun rai ida ne’e”, hateten Alexandrinho.

Atividade ne’ebe hala’o iha loron 11/07, hetan apoiu orsamentu hosi Presidente da Republika, ho motante $US5.000.* [Henrique de Jesus | Contributor TAFARA.ORG | Editor: Zevonia Vieira | 12.07.2017].

About Henrique Soares de Jesus

Check Also

Tama Ona Tinan 15 Nia Laran, Komunidade Suku Liurai Sedauk Asesu Eletrisidade no Bee Moos

Eletrisidade fator importante iha fatin ida, atu bele apoia ema ida nian atividade, bainhira eletrisidade …

Leave a Reply

Your email address will not be published. Required fields are marked *