Thursday , November 23 2017
Home / Sosial & Politika / Fuzitivu Nain rua Deporta Ona Ba Indonesia Ho Aviaun Special
Polisia intelejen kaer fuzitivu nain rua hosi Bulgaria, Dimitar Nicolev Iliev Alias Kermie Bin Alm Nicola Ilev, liman karuk no Saiyad Muhamad Said (31) liman los hodi lori fila ba Bali Indonesia. [Foto: Zelia Ximenes| Contributor TAFARA.TL |24.06.2017].

Fuzitivu Nain rua Deporta Ona Ba Indonesia Ho Aviaun Special

Fuzitivu nain rua hosi Bulgaria, Dimitar Nicolev Iliev Alias Kermie Bin Alm Nicola Ilev no Saiyad Muhamad Said hosi India (31), Entrega ona ba Polisia Indonesia hodi lori fila fali ba prizaun.

Tribunal Distrital Dili fo sai resultadu katak Fuzitivu nain 2 hosi rai Bulgaria no India, ne’ebe halai sai hosi prizaun Bali Indonesia, hodi halai mai Timor-Leste, ho dalan illegal hosi Illa Alor, tesik mai Illa Atauro no ikus Polisia Maritima kaer iha hotel Novo Turismo, iha loron 22/06.

Tuir Advogado Defensor Publik, Dr.Jose Guterres,  ba prizioneiru Bulgaria, Dimitar Nicolev Iliev Alias Kermie Bin Alm Nicola Ilev no Saiyad Muhamad Said (31),  katak sira nain 2 sei hetan prizaun preventiva iha prizaun Becora. Tanba tuir Defensor Publiku katak ne’e nudar rekejitu ida ne’e special ne’ebe mai hosi kodigu prosesu final.

“Iha pratiku hatudu reprovadu katak, sira halai husi prizaun Indonesia ninia, sira ke’e rai kuak iha prizaun laran, hodi halai sai husi Indonesia mai to iha Timor. Entaun ne’e indisu ida ou provada ida nebe makas atu bele dekretu prizaun preventive”, esplika Dr.Jose Guterres.

Dr.Jose Guterres, reafirma liutan katak krimi ne’e hanesan krimi brankiamentu kapitais. Sira hetan kondenasaun ba tinan hitu, no konsege kumpri komarka tinan rua, depois halai sai hosi komarka Kerobokan Bali. Prizioneiru nain rua tama iha Timor ho illegalmente, ho nune’e sira hetan detensaun no aprezenta ba primeiro interegatorio.

Maibe esforsu ne’ebe esplika hosi Defensor Publiku, Dr.Jose Guterres, la konsege lori ba Becora desizaun ikus ohin tenke lori hosi Timor fila fali ba Bali Indonesia ho aviaun marka PK –TWN, iha oras tuku 13:00 oras Timor-Leste.

Liu hosi konferensia da Imprensa ne’ebe hala’o iha Aero Portu Nicolau Lobato, iha loron 24/06, Komadante Jeral  PNTL, Julio Costa Hornay,  esplika katak, desizaun prizaun preventiva bainhira koordena ho Prokurador Jeral katak arguidu nain 2 halai sai hosi prizaun Indonesia, tanba ne’e mak desizaun ikus foti hosi tribunal, Maibe ikus tenke entrega ba iha imigrasaun, hodi prosesa deportasaun no entrega arguidu nain rua, ba nasaun Indonesia, hodi kontinua halo prosesu iha Indonesia.

Iha tempu hanesan Kapolda Bali, Irjen Pol.Dr.Petrus Reinard Golose, ho lian Indonesia esplika katak, PNTL konsege kaptura fuzitivu nain rua, ne’ebe halai sai hosi komarka iha Bali.

“Hau reprezenta governu Indonesia hato’o obrigado wain ba governu Timor-Leste no PNTL ne’ebe konsege kaer ona fuzitivu nain rua. Prosesu lei ne’ebe vigora iha Timor-Leste, no governu Indonesia respeita ida ne’e”, esplika Dr.Petrus Reinard Golose.

Dr.Petrus Reinard hatutan katak prosesu deportasun ne’ebe halo hosi imigrasaun, halo tuir duni sistema hosi nasaun rua nian no sei prosesa fila fali arguidu rua ne’e. Indonesia ho Timor-Leste sei servisu hamutuk katak polis to polis, tanba nasaun rua ne’e parte hosi Azianapol (forsa polisia multinasiona iha asean, red) no Timor-Leste mos parte hosi Interpol.

Fuzitivu nain 2 hosi rai Bulgaria no India, nudar arguidu ba kazu droga no brangkiamentu kapitais. Tuir informasaun ne’ebe hetan katak fuzitivu hamutuk nain hat mak halai sai hosi prizaun Kerobokan Bali, maibe fuzitivu nain rua hosi Malaysia, Tee Kok King Bin Tee Kim Sai (50) no hosi Australia Shaun Edward Davidson (33) seidauk kaer to agora.* [Zelia Ximenes  | Contributor TAFARA.TL | Editor: Zevonia Vieira |24.06.2017].

About Zelia Ximenes

Check Also

Grupu Hadomi Natureza Lao Tuir Ain Fatin Falintil Hosi Ainaro to Dili

Joven sira hatudu sira nian espiritu hodi fo honra ba Falintil sira ne’ebe mak fo …

Leave a Reply

Your email address will not be published. Required fields are marked *