Tuesday , December 12 2017
Home / Sosial & Politika / Gracia Guterres  Idade 14, Sai Prezidente da Republika Durante Oras Ida
Liman los, Prezidente Republika, Dr. Francisco Guterres Lu Olo, iha liman karuk, reprezentante labarik Timoroan, Gracia Antonia Guterres dadalia hela ho PR iha resindensia Palacio Presidente. [Foto: Presidensia da Republica].

Gracia Guterres  Idade 14, Sai Prezidente da Republika Durante Oras Ida

La fasil atu sai Prezidente da Republika ka sai nudar Xefe Estadu iha nasaun demoktratiku. Presiza tempu naruk atu sai lori knaar importante iha nasau ida.

Gracia Antonia Guterres (14), konsege asume knaar nudar Prezidente da Republika durante oras ida nia nia laran. Tanba sa Gracia ho otas labarik bele kaer ona kargu ida ne’e maske iha oras ida nia laran deit? Kestaun refere akontese tanba selebrasaun loron mundial ba labarik iha loron 20/11.

Loron mundial ba labarik ne’ebe monu iha 20 Novembru, labarik sira iha mundu tomak selebra ho haksolok no hatudu sira nia espiritu no matenek ne’ebe iha. Timor-Leste ratifika ona Konvensaun Direitu Labark (KDL) nune’e Timor-Leste iha dever hodi selebra loron internasional ba labarik nian, tuir tema tinan ida ne’e foka liu kona ba “Labarik Asume Kna’ar”

Prezidente da Repúblika, Dr. Francisco Gutteres Lú Olo iha diskursu  ho laran ksolok iha loron mundiál ba labarik iha mundu tomak no ba labarik iha Timor-Leste hatete katak Timor-Leste presiza duni atu bele prepara nia oan no beioan sira hotu, atu sai hanesan future lideransa ba rai ida ne’e nian.

Lú Olo husu ba inan aman sira atu prepara nia oan sira hodi eduka husi uma laran nian, atu bele hakat tuir fila fali faze ida ne’ebé ba hamutuk iha profesores iha eskola, atu nune’e bele hetan matenek husi profesores sira. Wainhira tama ba iha faze eskola nian, responsavel husi ukun nain sira, liu-liu ba Ministeiru Edukasaun nian, oinsá mak bele define polítika ida kona-ba edukasaun ninian, atu bele prepara oan, beioan sira hodi bele matenek liu ita sira ne’ebé agora dadaun sai hela titular orgaun soberanu ida ne’e.

Ho loron selebrasaun ba labarik sira iha mundu tomak, Xefe Estadu ho laran haksolok hatoo parabens ba labarik sira ne’ebe selebra loron special ida ne’e.

Gracia Antónia Guterres ne’ebe konsege kaer kargu hanesan Prezidente da Republika, mos hatoo ni sentimentu haksolok tanba bele sai Prezidente da Republika maske iha oras badak nia laran.

“Ohin ha’u simu kna’ar nu’udar Prezidente ba oras ida nia laran, ha’u senti haksolok tanba Ida ne’e hanesan primeira vez mai ha’u”, konfesa Gracia.

Ho oportunidade ida ne’e Gracia enkoraja nia kolega sira atue studa makas liu tan, labele tauk no duni nafatin mehi ne’ebe mak iha.

Reprezentante UNICEF ne’ebé mak partisipa mós iha sorumotu ne’e, Valerie Taton esklarese objetivu husi selebrasaun loron mundiál labarik nian  ho tema “Labarik Asume kna’ar”.

“Saida mak ami hakarak? Hakarak rona labarik nia lian, ami hakarak rona saida mak sira espresa, saida mak sira hakarak, saida mak sira preokupa hela no sira simu responsabilidade hodi sira bele haree,” esplika Valerie.

Nia mós mensiona kona-ba problema prioridade labarik nian ne’ebé mak UNICEF hamutuk ho Komisaun Direitu Labarik (KDL) hato’o ba Prezidente Repúblika, Dr. Francisco Guterres Lú Olo liu husi Gracia Antónia Guterres nia lian, problema hirak mak hanesan violensia hasoru labarik, labarik sira ne’ebé sai eskola iha ensiono pre-secundario, mal nutrisaun no seluk tan.

Selebrasaun loron mundiál labarik nian realiza tanba servisu hamutuk entre Komisaun Direitu Labarik (KDL), United Nation Children’s Fund (UNICEF) no labarik Timoroan.* [Maria do Ceu | Editor: Zevonia Vieira | TAFARA.TL | 20.11.2017].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Tinan 42 Selebra Independensia, Komunidade Suai Iha Esperansa Dezenvolve Baze Ho Kualidade

“Estadu Timor ida ne’e, sei sai estadu Timor ida ne’ebé di’ak liu  ida ne’ebé mak …

Leave a Reply

Your email address will not be published. Required fields are marked *