Thursday , November 23 2017
Home / Sosial & Politika / Idul Fitri Vitória Povu Muxulmanu, Hamos Salan no Moris Harmonia
[Foto: pakworkers.com].

Idul Fitri Vitória Povu Muxulmanu, Hamos Salan no Moris Harmonia

Durante fulan ida Povu muxulmanu Jejun, halo devosaun antes selebrasaun loron vitoria Povu Muxulmanu nian “Idul Fitri” hodi halo auto-koresaun, hamos salan, simu malu no moris harmonia.

Idul Fitri ba komunidade Muxulmanu hanesan selebrasaun loron bo’ot, loron vitória (kemenangan) ba Komunidade Muxulmanu nian hanesan ba Ema katolika ho protestante karik natal no paskua. Kuaze fulan ida halo jejun (han iha tuku 17:45 lokraik no 04:00 madrugada), adorasaun [sholat idul fitri], no iha selebrasaun Idul Fitri husu deskulpa ba malu, vizita familia, vizita rate no taka ho han hamutuk.

Membru Komunidade Protestante Kupang NTT Yurmida Manane ba TAFARA.TL esplika; Idul Fitri hanesan loron ba komunidade Muxulmanu, ba Ema katolika ho protestante karik natal no paskua, Ema Musulmano selebra dever ne’ebe sira halo tiha ona hanesan jejun [puasa] iha fulan ida nia laran.

Iha sorin seluk Estudante President University Jakarta Annisa Vitasari hateten; “Idul Fitri nu’udar selebrasaun loron bo’ot povu muxulmanu ne’ebe selebra tinan ida dala ida, iha loron dahuluk fulan Syawal [kalendariu mensal musulmanu]”.

Anissa hatutan Idul Fitri nu’udar momentum ba halo auto koresaun husi aktu hotu hotu ne’e halo ona. Nune’e ba oin bele sai diak liu tan. Seluk husi ida ne’e Idul Fitri nu’udar mos tempu ne’ebé akuradu [tepat] ba halo ajuntamentu [bersilaturahmi] ho familia, espesial ba hirak ne’ebe distansia do’ok ka hela dok.

Annisa Vitasari expekta; “ho selebrasaun Idul Fitri, espera Povu muxulmanu bele halibur hamutuk no unidu atu aprende signifikadu islamika ne’ebe lolos. Nune’e ita nu’udar ema muxulmanu bele halo propagasaun ba faktu doutrina islamismu. Islamiku ne’ebe hadomi paz, firmi no komprende siknifikadu toleransia”.

Tinan ida ne’e Idul Filtri monu iha loron domingu, iha nebe ema barak, Povu kristaun sira halo adorasaun. Annisa Espera ema hotu bele hala’o ida idak nia atividades fiar nian sem ameasas, tantu ba Islam, Kristaun, Katolika, Hindu no Budha. Esforsu atu komprende malu, ida idak nia direitu nu’udar Ema Humanu, sem ho obrigasaun auto determinasaun. Ba muxulmanu sira, aprende signifikasaun Islamia ne’ebe loos, espesialmente kona-ba “jihad”. Nune’e la hamosu provokasaun, ho dutrina ida ne’ebe rai no sai personalidade ne’ebe iha abut.

Gagang Enggal Dipo Samudro ba Korespondente TAFARA.TL iha Jakarata afirma; “Idul Fitri hanesan loron vitóia ne’ebe selebra hafoin hala’o jejun obrogatoria ramadhan, “fila fali ba fitri” iha ne’ebe ema hotu bele simu malu no hamoos sala ne’ebe akontese entre ida no ida seluk. Ho selebrasaun Idul Filtri espera laiha odiu no vingansa ba maluk sira no klamar mos husi salan”. Nia husu ba povu tomak, nafatin moris ho harmonia entre povu relijiosa [umat beragama] tuir dutrina apostolu Maromak nia bainhira ba Madinah,” tenik nia.

Idul fitri laos deit loron hodi han hamutuk no deskulpa entre familia deit maibé mos ba viziñu no ema sira ne’ebe ita kuñese. Komunidade muxulmanu Kupang, Anita Cahyani espera katak bele hasoru malu no selebra tan idul fitri iha tinan oin mai, “minal aidzin wal faidzin” mohon maaf lahir dan batin ba ema hotu.* [Ekipa Kobertura; Benvinda Gusmão | TAFARA.TL Kupang | Farah Navaya Baquita Tafara | Kontributor TAFARA.TL Jakarta | Martinho Moniz | TAFARA.TL | 26.06.2017].

About Equipa Tafara

Artigu ida ne'e kobertura no hakerek konjunta/hamutuk entre Jornalistas no/ka kontribuidor TAFARA.TL.

Check Also

Xanana: Espera PR Lú Olo Kumpri Konstituisaun no Ami Sei Fo Apoio Tomak

Situasaun politika depois de elisaun Jeral 2017, hamosu preokupasaun ne’ebe mai hosi povu, hodi hein …

Leave a Reply

Your email address will not be published. Required fields are marked *