Thursday , November 23 2017
Home / Eleisaun Parlamentar / Jose Neves: Kualidade Sivika Ema Hadia Hosi Seitor Edukasaun
Vice-Ministro da Educaçao e Cultura, Jose de Jesus das Neves halo entrevista ho TAFARA.TL iha Palacio Prezidente Republika.[Foto: Zevonia Vieira | TAFARA.TL | 04.10.2017].

Jose Neves: Kualidade Sivika Ema Hadia Hosi Seitor Edukasaun

“Ita lalika duvida katak edukasaun seitor ida ne’ebe kontribui ba dezenvolvimentu iha seitor hotu”, hateten Jose Neves

 Edukasuan sai programa fundamental iha nasaun ida, atu nune’e bele prepara nia ema ho kualidade, ho nune’e nasaun mos bele dezenvolve ho diak. Vice-Ministro da Educaçao e Cultura, Jose de Jesus das Neves, ne’ebe hetan tomada de posse hosi Prezidente da Republika, Dr. Francisco Guterres Lú Olo.

Ba TAFARA.TL hateten katak, edukasaun seitor ida ne’ebe involve partisipasaun ema hotu nian. Tanba edukasaun ne’e forma buat rua, iha formal no informal. Ne’e duni governu halo fungsaun barak liu iha area edukasaun forma no edukasun informal mai hosi parte komunidade, inan aman nia partisipasaun no mai hosi mos ajensia ka institute sira ne’ebe fo formasaun juventude sira.

“Ema hotu-hotu mesmu hanesan sidadaun bain-bain mos, iha papel atu kontribui ba resolve situasaun ne’ebe komunidade infrenta no kontribui mos atu ba hasae kualidade edukasaun, tanba kualidade edukasaun ne’e liga ho partisipasaun hosi element hotu-hotu iha sosiadade.

Hatan ba TAFARA.TL nia perguntas katak edukasaun sain prioridade hun hodi bele hadia no dezenvolve nasaun ne’e diak liu iha future?

Jose Neves afirma katak pratika iha mundu no esperiensia iha pais barak dezenvolvidu ho kualidade, ho sidadaun ne’ebe siviku, kualidade sivika ema hadia hosi seitor edukasaun.

“Ita lalika duvida katak edukasaun seitor ida ne’ebe kontribui ba dezenvolvimentu iha seitor hotu”, hateten Jose Neves.

Liga ho partidu PLP, tanba Jose Neves nudar militante PLP, maibe hetan konvite hosi Premeiru Ministru nudar ema independente hodi assume kargu nudar vice ministru edukasaun. Ba TAFARA.TL Jose Neves hateten katak, komunikasaun lao diak ho partidu PLP, “ami halo reuniaun ho Prezidente partidu PLP, no hau simu kargu ida ne’e hanesan ema individu maibe hau membru PLP nafatin, ida ne’e iha konkordansia, tanba ne’e mak hau iha komunikasaun diak hau ho strutura partidu nian. Ida ne’e mos ajuda hau atu bele kontribui ba formasaun governu ida ne’ebe defisil maibe responsabilidade komum ema hotu nia.

Iha parte sorin, bainhira TAFARA.TL konfirma ho Vice segundu  Prezidente ba partidu PLP, Abrao ‘Mate Restu’, iha parlamento Nasional, hateten katak Jose Neves nudar Prezidente ba Fiskalizasaun ba iha Finansas, ho nune’e liu hosi enkontru ho Prezidente PLP, Taur Matan Ruak hodi inform aba orgaun judisiariu sira hodi hare no foti desizaun ba asumtu refere.

Abrao ‘Mate Resu’ afirma liutan katak bainhira iha desizaun hosi parte judisiariu liga ho regra partidu nian, bele hasae nia (Jose Noves) hosi strutura PLP maibe nia hanesan militante babain nafatin, labele elemina nia atu sai partidu politiku.* [Zevonia Vieira | TAFARA.TL | 04.10.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Teresa: Pasiente Ida Sae Kama, Dotor Sira La Atende Tanba Governu Sedauk Selu

“Surat kami bulan lalu tanggal 11 Agustus 2017, bahwa balance payment sampai Agustus 2017 sebesar …

Leave a Reply

Your email address will not be published. Required fields are marked *