Thursday , November 23 2017
Home / Sosial & Politika / Joven Bebonuk Nain 30 Hetan Formasaun Kona ba Abilidade Moris
Presidente APFTL, Chefi Suco Bebonuk no Partisipantes formasaun LSBE foto hamutuk iha enseramentu.[Foto: Maria do Ceo | TAFARA.TL | Editor: Zevonia Vieira | 23.06.2017].

Joven Bebonuk Nain 30 Hetan Formasaun Kona ba Abilidade Moris

Ha’u sei implementa kona-ba deklarasaun pozitiva no negativu, atu hamenus de’it saida mak deklarasaun negative hanesan tolok, fuma maske la halakon karik maibé koko atu redus oituan.

Area nebe iha  risku konflitu, joven sira presija hetan formasaun barak hodi sira bele hases an husi konflitu mak sira involve ba. Joventude suku Bebonuk hetan formasaun Abilidade Moris.

Formasaun Abilidade Moris nian ne’ebé hala’o durante loron tolu husi 21-23 Juñu 2017, iha suku Bebonuk. Iha enseramentu, Prezidente Alumni Parlamentu Foinsa’e Timor-Leste [APFTL] Zaulino Gomes da Silva apresia ba joventude ne’ebé mak partisipa iha formasaun refere ho ativu.

“Apresia tebes tanba imi la husik fatin ne’e mamuk. Ha’u sei hatete ba ema hotu katak Bebonuk la’os fatin ne’ebé risku.”

Zaulino Gomes akresenta liu tan katak atividade ida ne’e sei la para iha ne’e de’it, maibé sei  kontinua tan ho atividade seluk. APFTL sei koordena nafatin ho xefe suku, atu halo mos atividade hodi bele transforma malu, fo hanoin ba malu no orienta malu atu bele atinji buat ne’ebe ita mehi.

Iha sorin seluk wainhira jornalista TAFARA.TL  dadalia ho Xefe Suku Bebonuk, Serafin Marcelo, nia hato’o nia esperansa ba joven sira ne’ebé mak tuir tiha ona formasaun, espera katak materia ka esperiensia ne’ebé sira hetan bele fahe tutan tan ba sira seluk.

 Liurai Bebonuk ne’e mos salienta liu tan katak apoiu hosi APFTL, ba iha suku sira, liu-liu iha suku Bebonuk hanesan fatin risku ba konflitu, presija formasaun barak ba joventude sira atu, nune’e   bele hases an husi konflitu ne’ebé mak durante ne’e sira involve ba.

Formasaun Abilidade Moris nian ne’ebé mak halo iha suku Bebonuk, hetan partisipasaun maximu no ativu husi joventude sira. Nune’e partisipante Eugidio Ribeiro, espresa nia sentimentu orgullu tanba ida ne’e hanesan primeira vez ba nia partisipa iha formasaun refere.

“Tuir ema barak joven mak sai kriminozu iha bairo ida ne’e. Ha’u nia sentimentu ba formasaun ida ne’e, hanesan buat ne’ebé mak foun mai ha’u, ha’u bele hatene ha’u nia objetivu iha future. Ha’u sei implementa kona-ba deklarasaun pozitiva no negativu, atu hamenus de’it saida mak deklarasaun negative. Deklarasaun negative mak hanesan tolok, fuma maske la halakon karik maibé koko atu redus oituan”, tenik Eugidio Ribeiro ba Jornalista TAFARA.TL  iha suku Bebonuk.

Nune’e mós Anjelica nu’udar partisipante feto ne’ebé mak partisipa iha formasaun refere, apresia tanba foin primeira vez hetan formasaun hanesan ne’e no ajuda tebes nia.

“Topiku ida ne’e importante tebes mai ha’u, tanba liu-husi anti paro protetor ne’e halo hanesan xavi ida ba ha’u nia an, atu nune’e ha’u bele realiza ha’u nia mehi ne’ebé agora dadaun ha’u iha. Ha’u senti apresia tebes, tanba hanesan joven ida ha’u bele hetan formasaun, ha’u bele aplika iha ha’u nia moris loron-loron,” esklarese Angelica.

Formasaun Abilidade Moris ne’e akontese tanba hetan fundus husi agensia UNICEF no organiza husi APFTL. Formasaun ne’e hetan partisipasaun husi joventude nain 30 kompostu husi feto no mane. Iha loron ikus husi formasaun ne’e , APFTL mos entrega sertifikadu partisipasaun ba foinsa’e sira nu’udar sertifikadu apresiasaun.* [Maria do Céu | TAFARA.TL | Editor: Zevonia Vieira | 23.06.2017].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Atinji Igualdade Jeneru Iha PN no Sosiadade Sivil, GMPTL Kontinua Luta

“Parlamentu fó espasu di’ak ba feto sira iha parlamentu, hodi harii grupu ida hamahan an …

Leave a Reply

Your email address will not be published. Required fields are marked *