Thursday , November 23 2017
Home / Sosial & Politika / Juventude Sira Lao Ain Hodi Hanoin Hikas Masakre Santa Cruz 12 de Novembro
Grupo Juventude ne'ebe partisipa iha selebrasaun loron 12 de Novembro 2017. [Foto: Maria do Ceu | TAFARA.TL | 12.11.2017].

Juventude Sira Lao Ain Hodi Hanoin Hikas Masakre Santa Cruz 12 de Novembro

Iha komemorasaun tinan 26 masakre Santa Cruz, 12 de Novembro 1991, juventude ohin loron hatudu sira nia sentimentu domin ba Juventude Loriku Asuwa’in ne’ebé mate ona liu husi La’o Ain.

Hatan ba Jornalista TAFARA.TL nia perguntas, relasiona ho asaun la’o ain juventude nian hodi komemora loron masakre 12 de Novembro, ne’e duni  Sekretariu Estadu Juventude no Traballu (SEJT) Nivio Magalhães apresia juventude sira, tanba hatudu duni domin ba heroi sira nia mate iha tinan 26 liu bá. Hatudu domin ba maun sira ne’ebe uluk sakrifika an, ida ne’e hanesan ezemplu di’ak. Ba oin Sekretariu Estadu juventude no Traballu (SEJT) sei focus ba oinsá prepara sira di’ak liu tán.

Nivio salienta liutan katak  ohin sira hatudu duni eventu ne’ebe importante, “ ba oin ita labele hela de’it ho serimónia maibé oinsá prepara duni juventude sira liu husi formasaun ne’ebé bele kontribui ba sosio ekonomiku iha rai ida ne’e, hanesan iha area agrikultura, pekuaria no mekanika atu nune’e juventude sira bele kontribui ba dezenvolvimentu I bele hatan ba nesesidade povu no nasaun ninian”.

Reprentante foinsa’e Gil Ximenes Gusmão (18) husi Munisipiu Baucau, ne’ebé partisipa iha la’o ain ne’e hateten ho espiritu ne’ebé juventude uluk iha, halo nia nafatin kontinua mehi luta ba unidade nasionál no moris di’ak.

“Ho sira nia esforsu tomak lori nasaun ne’e ba ukun rasik an, lori naroman mai ami juventude agora, fó esperansa nafatin mai ami. Ami ka’er metin sira nia liafuan ida katak, di’ak liu ha’u nia vida, estudu duke ha’u lakon ha’u nia nasaun. Ida ne’e sai hanesan inisiativa ida mai ami, kontinua sira nia mehi ba unidade nasionál, mehi ba moris di’ak”, dehan Gil ba jornalista TAFARA.TL

Iha sorin seluk, reprezentante juventude feto, Agustinha Made (21) husi Munisipiu Bobonaro, ne’ebé mak partisipa iha la’o ain ne’e mós senti kontente, tanba ho loron 12 de Novembro hanesan istória ba juventude foun sira, “maske ami la’o do’ok senti kolen, maybe ami la’o nafatin tanba kontenti ho loron 12 de Novembro.  Ita joven ohin loron presija kontribui ba dezenvolvimentu rai ida ne’e tanba joven barak mak mate ona ba rai ida ne’e”.

Juventude ne’ebé partisipa iha asaun la’o ain ne’e, to’o Dili iha loron, 11/11 ho isin di’ak maske kolen.* [Maria do Céu |Editor: Zevonia Vieira | TAFARA.TL | 12.11.2017].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Atinji Igualdade Jeneru Iha PN no Sosiadade Sivil, GMPTL Kontinua Luta

“Parlamentu fó espasu di’ak ba feto sira iha parlamentu, hodi harii grupu ida hamahan an …

Leave a Reply

Your email address will not be published. Required fields are marked *