Tuesday , December 12 2017
Home / Sosial & Politika / Karakter Urjensia OR La Pasa, Orsamentu ba Tratamentu Saude Menus
Parlamentu Nasional halo plenaria hodi koalia kona ba karakter urjensia OR [Foto: Zevonia Vieira | 20.11.2017]

Karakter Urjensia OR La Pasa, Orsamentu ba Tratamentu Saude Menus

Debates sesaun plenaria parlementar ohin hotu ona, karakter urjensia hosi Orsamentu Rektifikativu (OR) la pasa. Votus kontra karakter orsamentu ne’e ho numeru 35, no votus afavor 30.

Ohin meudia (20/11), debates karakter OR urjensia halao iha Parlementu Nasional. Debates ne’e Prezidi hosi Presidente Parlementu Nasional, Aniceto Guterres, no partisipa hosi membru Parlementu Nasional nain 65. Debates halao durante oras 3 ho balun no desidi tuir votasaun.

Presidente Bankada CNRT, Arao Noe hatete katak razaun OR ne’e la urjente tanba tama tiha ona iha fin de ano. Loloos ne’e iha fulan oin ne’e (Red. Dezembru) aprezenta Orsamentu Estadu laos atu aprezenta kona ba devidas.

“Ami nia preokupa Orsamentu Jeral Estadu 2018, ba tinan oin nian. OR bele suspende ka kansela no governo bele aprezenta uluk mak programa, tanba iha 2018, F-FDTL, PNTL no funsionariu sira bele simu osan,” Deputadu Arao Noe hatete.

Lian seluk hosi membru VII Governo, Ministro na Presidensia de Conselho de Ministro, Adriano do Nascimento, hatan ba preokupasaun bankada opozisaun liga ho OR ho karakter urjensia dehan katak, “OR ne’e halo hodi responde ba debidas sira. Se la resolve mak sei fo impaktu ba OJE 2018. Se la selu ita sei hatan multa ba kompania sira. Kestaun importante tanba sa mak urjensia, haree ba vida humanu, tanba transfere moras ba rai liur tenke seluk devidas sira iha hospital, se la selu entaun moras iha Timor ne’ebe atu ba hospital iha liur tenke hein to’o 2018. Maski ita hatene moras sira persija hetan atendementu iha tempu badak.”

Membru Governo ne’e mos dehan katak governo ida ne’e hakarak hatudu responsabilidade ba povo, tanba povo sira persija. Governo mos hatudu kredibilidade nasaun nian tanba Timor-Leste debe nasaun seluk. Nune’e buka solusaun ba problema ne’e importante tebes. Bainhira ‘tunda’ nasaun seluk sei hanoin ladiak ba estadu Timor-Leste.*[Zevonia Vieira | TAFARA.TL | 20.11.2017]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Lú Olo Hamenu Orgaun Komunikasaun Sosial no Jornalista Atu Iha Kapasidade Investigativu

“Jornalista sira labele kazuistiku katak foti kazu ida sai nutisia, la hatene kazu ne’e akontese …

Leave a Reply

Your email address will not be published. Required fields are marked *