Thursday , November 23 2017
Home / Sosial & Politika / Kondisaun Eskola no Edukasaun Iha Municipio Viqueque Presiza Atensaun Hosi Governu
Edukasaun atu forma ema sai ema. Diretor Edukasaun Municipio Viqueque Emilio Amaral foto hamutuk ho Membru Parlamentu Foinsa'e Nian no Estudantes sira iha atividade enkontru bankada Parlamentu Foinsa'e Nian. [Foto: Martinho Moniz | TAFARA.TL | 03.10.2017].

Kondisaun Eskola no Edukasaun Iha Municipio Viqueque Presiza Atensaun Hosi Governu

Kondisaun eskolah no sistema edukasaun presiza hadia diak liutan hodi nune’e bele fasilita estudante sira iha vontade diak atu tuir prosesu aprendizajen ne’ebe diak no dignu.

Ba TAFARA.TL Direitor Edukasaun Municipio Viqueque, Emilio Amaral informa katak edukasaun iha Municipio Viqueque presiza tau atensaun, tamba iha eskolah balun sei falta fasilidade. Fiar katak planu VII Governu Konstitusional sei kontinua atu hadia nafatin edukasaun, atu nune’e bele hadia eskola sira iha Municipio Viqueque, liu-liu sira ne’ebe iha areas remotas, nune estudante sira bele tuir eskola ho diak.

Direitor Emilio Amaral salienta katak, iha Municipio Viqueque eskola balu maka fasilidade minimu liu, meza kadeira la to’o, purtantu buat sira ne’e hotu tenki hadia, se lae maka estudante sira tur iha rai, ida ne’e ladun diak.

Emilio Amaral  husu ba governu foun, liu husi Ministeiru Edukasaun atu hadia kurikulum ne’ebe iha ona, ensinu baziku, ensinu sekundariu no mos ensinu superior halo didiak, karik sei falta bele aumenta tan, atu nune’e bele eduka oan sira bele sai diak, bele koñese buat hotu.

Entretantu Profesor Ensinu Baziku Central Cabira-Oan, Deodato da Cruz informa katak, numeru estudante ne’ebe barak tebes, kuaze mill i tal, ne’ebe akumula husi primeiru siklu, maibe elimina ona, agora hela deit segundu sekulu, quinto anu no sextu anu ba to’o terseiru siklu.

“Alunus montante barak liu, salas de aulas mos ladun natoon. Estudantes turma rua nia tau hamutuk deit iha turma ida tamba salas de aulas la sufiseinte, tenik Deodato.

Mestri ne’e mos lamenta ho situasaun seguransa iha eskola refere, tamba iha ema balun ne’ebe estraga fasilidades eskola nian hanesan meza, kadeira, odamatan no janela. Nune’e Mestri Deodato da Cruz husu ba entidade hotu-hotu liu-liu autoriedade local, atu halo eduksaun sivika ba Juventude no komunidade sira ne’ebe hela besik iha eskola ne’e, hodi nune’e eskola ne’e bele saudavel, seguru no leksionamentu prosesu aprendisajem ne’e bele la’o ho diak.

Tuir kalendariu Ministeriu Edukasaun nian, iha loron 23/10, Timor-Leste sei realiza exame nasional ba estudante sira ne’ebe estuda hela iha nonu anu no desimu segundu anu. Nune’e Diretor Edukasaun Municipio Viqueque, Emilio Amaral husu ba estudante atu estuda, atu nune’e bele pasa iha exame no bele kontinua eskola iha ensinu superior ka tuir kursu iha fatin ne’ebe SEPFOPE loke, atu nune’e bele hadia-an, familia no rai Timor-Leste.

Lia ne’e hato’o husi Diretor Edukasaun Municipio Viqueque ba TAFARA.TL hafoin halo aprezentasaun kona-ba Juventude no Edukasaun ba Membru Parlamentu Foinsa’e Nian Municipio Viquequ iha serimonia enkontru bankada municipal Parlamentu Foinsa’e Nian. *[Martinho Moniz | Estajiariu Dep.CS, UNTL | TAFARA.TL | Editor: Zevonia Vieira | 03.10.2017].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Komunidade Unidade VI Quelecai Relembra Masakre Santa Cruz 12 Novembru

Loron 12 fulan Novembro 1991 loron nakukun ba Juventude Timor-Leste, iha ne’ebe Jovens barak fakarak …

Leave a Reply

Your email address will not be published. Required fields are marked *