Friday , November 24 2017
Home / Eleisaun Parlamentar / Laura Pina: Hakarak Timor-Leste Livre Hosi Disigualidade Jeneru
Secretária de Estado da Igualdade do Género e Inclusão Social, Laura Menezes Lopes halo entrevista ho TAFARA.TL iha Palacio Prezidente Republika, Bairo- Pitte.[Foto: Zevonia Vieira | TAFARA.TL | 03.10.2017].

Laura Pina: Hakarak Timor-Leste Livre Hosi Disigualidade Jeneru

Laura Pina, Sekretariu Estadu foun ba asumtu Egualidade Jeneru hatete,“Kapasitasaun hodi hamenus desigualidade generu ida ne’e prosesu ida neneik ba beneik naran katak ita hala’o ba beibeik ne’e mandatu konstituisinal ita hotu-hotu buka hasai povu husi ki’ak no  mukit no liverta feto sira husi falta esperensia lideransa nian ita presiza reforsa.” Lia hirak ne’e Laura Pina hato’o horiseik, iha Palacio Prezidente, hafoin hetan posse.

Sekreteriu Estadu ne’e mos dehan ba Jornalista TAFARA.TL, asuntu mulher ne’e pilar importante no programa perioridade sira ita haree ba lei organika goverrnu, lei organika sekretaria estadu igualidade jeneru iha ona, ita bele haree ba programa prioridade sira, maibe la ses husi programa ne’ebé mak agora ne’e hala’o hela dadaun.

Nia hatutan Presiza re-ativa programa sensibilizaun atu ema bele komprende di’ak importansia husi kestau igualidade de jeneru moris iha inkluzaun sosial ne’ebé mak bele fo benefisiu.

Sekretariu ne’e hateten mós vizaun no missaun importante ne’e mak nia kaer hanesan reprezentante feto maluk sira hodi haree ba asuntu feto.

“Vizaun; hakarak feto Timor Leste livre husi dezigualidade jeneru, no misaun mak, hakarak atu hala’o programa formasaun no sensibilizasaun, ba maluk feto sira bele aumenta liu-tan koñesimentu hodi bele komtribui ba prosesu dezenvolvimentu iha ita nia rai”, dehan nia.

Nia salienta liu tan katak, hanesan sidadaun iha dever atu partisipa no iha dever atu kontribui ba estadu. Hakarak sai feto politika tanba tempu to’o ona bele involve direitamente iha prosesu foti dezisaun iha nivel governu nian .

Nune’e mos nia hatutan esperensia lider nian  ba Jornalista TAFARA.TL dehan, Hau aprende lider husi ita nia lider nasaun sira ho vida politika ho idade joven no ida ne’e ita banati tuir esperensia ne’ebé sira husik hela mai ita.

Nune’e iha Diskrusu Prezidente Repúblika Lú-Olo deha,n en-jeral sosiadade tomak tane prioridade ba dezenvolvimentu ba rai ida ne’e, no prioridade sira ne’e tama iha planu estratejiku ba dezenvolvimentu nasional husi kedas tinan 2011.

“Ema hotu iha konsensia ba prioridade sira ne’e ema hotu simu, biar nune’e ita presiza ko’alia klean liutan oinsá implementa hamutuk planu ida ne’e”, dehan Prezidente da Republika.

PR hatutan iha nia diskursus, diak tebes rona ema no halo debate, atu haree sá dalan mak di’ak liu atu implementa planu estratejiku dezenvolvimentu nasional, atu ita foti desizaun di’ak liu-ba ita-nia rai.

Tamada de posse ne’e menbru VII Governu foun sira halo juramentu hodi jura hala’o tuir Lei Konstituisaun RDTL no normas sira, Responsabildade, no dedika sira nian tomak hodi servi rai ida ne’e.* [Luis Soares | TAFARA.TL | Editor: Ato ‘Lekinawa’ Costa | 04.10.2017].

About Luis Soares

Luis Soares, Jornalista TAFARA.TL desde tinan 2015 ate a data.

Check Also

Dividas Barak Ne’ebe Estadu Tenke Selu ba Kompania

Dividas ka obrigasaun estadu nian hodi seluk mak total $53.549.085 pagamento dividas ba Timor Telecom, …

Leave a Reply

Your email address will not be published. Required fields are marked *